امي تسلم عليكم تقول عندكم طماط @@

[ice_cream]

السلام عليكم

هذا الحجي طبعا قبل اما هل ايام ماعتقد

راح يكون الرد :ssssso:



حين طرق باب بيتنا ... ليقول لى ولد الجيران

امى تسلم عليكم وتقول عندكم .... طماط....!!

ابتسمت من قلب ....

وقلت له عندنا ... ولو ماعندنا زرعنا لكم بحوش بيتنا


هلا بالجار الصغير ....

منذ متى لم يطرق بابكم احد الجيران لطلب

طماط او بصل او خبز ... !!!


ربما احلى اعضاء يقال اننا بخير ونعمه ولم يعد الطلب من الجيران

له ضروره ... ولكن لا اعتقد

فقدنا الطلبات الصغيره بين الجيران

فقدنا طعم الجيره ...

كان الجار يطلب من جاره بصل

وبعدها يرسل له قليل من الطبخه

عيش وملح

الان تعد الطلبات بين الجيران عيب وقله ذووق ... !!

وقد تستغرب ان يطرق جارك بيتك بدون موعد واذن مسبق واتصال

وقد يتهم الجار بالجنون حين يطلب طماط

زمان لم تكن الحاله الاقتصاديه مثل الان

اليوم فواتير وديون واقساط واسعار مواد غذائيه عاليه

وعيب نطلب وندق باب الجيران...

زمان حياه بسيطه وقلوب ابسط ,,, وصغار الجيران

وجمله .... امى تسلم عليكم وتقول عندكم بصل

جميله العباره

بجمال البساطه

وجمال المحبه

وجمال روح الجيران الوحده

كنا بيت واحد

وطبخه وحده

اخبرتنى جدتى

ان الاسر قديما تشعر بمدى حاجه جارها

وترسل له من غير طلب

واذا راعى البيت قضى لبيته ماينسى جيرانه ...

واذا بقى شي من العشاء... يرسل للجيران( غريفه)

واليوم يزعل الجار من بقايا العشاء باعتبرها فضله....

ليست المساله بمجرد الطلب احلى اعضاء

وليست عباره امى تسلم عليكم وتقول عندكم طماط هى المحك

لا ....

ولكن العلاقه نفسها فقدت طعمها

فقدت دفئها

فقدت الجيره

لم تعد الحياه لها طعم بعد الاستغناء عن بصل وطمام وخبز الجيران

وحين نعطى الصغير طلبه ... نتنتظر عودته بطبق من عشاءهم ...

ليتها تعود تلك الايام ... رغم انى لم اعشها حقيقه

ولكن احيانا اتمنى عوده ايام ماضيه بزمن جميل

وجيران ترسل وتسال وتطلب

بدون قيود حياه ممله ورسميات قاتله

احضرت الطماط للولد الجيران .... ووصلت لنهايه كلامى

قول لماما امي تسلم عليكم وتقول .. اذا بقيتو شي لايردكم الا لسانكم

وخرج الصغير ولسان حالى يقول:

شكر لك عشت معك لحظات اصبحت مفقوده .... بزمن لم يعد الجار يعرف جاره



اعجبني فنقــــــلته

 

[عناقيد الجنه]

اي والله الحين وين وقبل وين
الحين ماكو جيره
مشكوره على النقل

 

[ice_cream]

العفو حياج حبيبتي

 

[RoWaIsHeDyA]

رد : امي تسلم عليكم تقول عندكم طماط @@

اي صح فرق قبل حتى بالقرقيعان يبين هالشئ لمن تروحين اطقين الباب الحين تطلع لج وحده تصرخ نعاااااااااااااااام لا ماعندنا فاضين لكم <<< تخيلي بنت خالتي تقول طالعه لهم تزف اليهال جذي

 

[منوة القلب]

عندنا خيااااااااااااار


وين ايام زمان مابين الجار والجار اي كلافه

 

[CUTE ENGINEER]

حلو الموضوع بس قريته بالمنتدى قبل سنة

 

[*sweetgirl*]

والله بفريجنا لحد الحين العاده موجوده عندنا الحمدالله ما انقطعت

 

[miss_math]

رد : امي تسلم عليكم تقول عندكم طماط @@

ههههههه علبالي عن أزمة الطماط الموضوع ..

عالعموم مشكوورة على اللفتة الراقية ..

 

[ice_cream]

شكرا على المشاركات

 

[تــبوله]

رد : امي تسلم عليكم تقول عندكم طماط @@

لا لا لا لا حبيبتي شهالموضوع الروعه يسلموا
والله لي العام وجيرانا الله يذكرهم بالخير يطلبون منا بصل طماط
اما انا حاله ثانيه اما اذا طلعت من البيت يكون الغاز خالص اروح اطرش على جيرانا نبي غاز

 

[سمو الغلآ]

رد : امي تسلم عليكم تقول عندكم طماط @@

تغيير كل شي حتى الجييره

بس للحيين فييهم الخيير


يسلمو قلبو ع الموضوع..

 

[ود الحربي]

يحليل جيرانه الرشايده والمطران بصراحه عشرتهم حلوه

 

[aṕriliå]

رد : امي تسلم عليكم تقول عندكم طماط @@

لا احنا الحمد لله للحين على هالعادة

عادي بالعكس استانس لما يطلبون منا شي

 

[_ظل الياسمين _]

ياليت عندى جيران جذيه ..هالغربه حرمتنا من ابسط الامور.

 

[la Rose]

رد : امي تسلم عليكم تقول عندكم طماط @@

شكلها بترد مره الثانيه هالمقوووله على ازمة الطماط لووول


صج ايام حلووه ايام البساطه و المحبه ... ما زالت موجوده ان شاءلله

تسلمييين موضوع حلوو

 

[الصعيريه]

رد : امي تسلم عليكم تقول عندكم طماط @@

ايام قبل حلووو بكل مافيها
الحين كل شي تغير
كل شي صار فشله ومايصير

 

[وهج الحب]

السلام:
والله يا اختي صج عادة حلوة بس انا عندي هالعادة ما انتهت ..عندي جيران حافظين تموين بيتي انا اطرش مرتين بالاسبوع لان الجمعية بجانبنا ..والله من يدخل الطباخ الا خدامة جيرانه بمشخالتها قبلة قاعده تنطرة تلقط الطماط ولا وتهاوشنا ليش نجيب الكمون حب وهي تبية بودرة ..ومرة مسوية لنا عشاء تفاجأت ان اليوم الثاني الخدامة تقول تبي دجاج لان دجاجنا مخلص طيب من امس شارية الا تقول بيت فلان اخذوه لانهم مسوين لكم عشا يعني عشانا من بيتنا ..
صحيح يا اختي شئ حلو لكن تصوري اذا حبيتي تسوين سلط وما تلقين الطماط اللي انتي شاريته كارتون لان جيرانك اخذوه ..انا الطباخ يعصب بس انا اقولهم لا احد يكلمهم عطوهم اللي يريدونه ..
تقولين محتاجين الا ملايين عندهم بس مرة اتكلم معها الا تقول ما صرت احب اروح الشبرة صرت مصدودة عنها معطيني عين قلت لها الجمعية بجنبك ليش تروحين بعيد الا تقولي تراها من حنتكم علي عيل ..لبستني اياها رغم اني ما ادري اصلا انها تروح لكن هم طريقتهم من سكنوا بجنبنا ..
والله من فترة تسلم علي خدامتهم وتقولي مدام احنا ما نبي فلفل مالكم غيروه وجيبوا عطتني اسم بهارات يحبونه والله العظيم وصلوا لهدرجة ..
والحين عندنا مناسبة الا تقولي لا تنسين قاسمينا بكل شئ يجيبونه لج من حلويات وكيكات والا بتزورين ...
رغم اني قسم بالله قبل تقول ما احد يجيب لنا شئ الا اشاركهم كلهم فيه اقصد جيراني بس اظنها افهمت طيبتي غلط ورغم اني متضايقة من تصرفاتها بس ساكته على قولتكم جيران ..بس لو تخفف من تأمرها ..

 

[s-h-9]

و الله ذكرتينا بذيك الايام الحين فشله تطلبين من احد ...اول امي تخليني اروح عند جارتنا نتسلف حتى النجر ( الهاون ) منهم ألحين الزمن تغير..اقصد الناس مو مثل اول و الله الزمن و الارض هي هي ما تغيرت..^^!

بصراحه استانس لو احد من جيراننا طلب منا شيء صج انه نادر بس احيانا يصير..^^

 

[جيتارا]

رد : امي تسلم عليكم تقول عندكم طماط @@

والله ايام حلوة

بيني وبينكم لليوم ويا جارتنا

لدرجه أنهم يطلبون منه ملح,,

وشغلات غريبه,, يعني عندكم,,

ايام قبل ,,,لما كانوا صج متحتاجين هم ما ياخذون من بيتنا

ياكلون ويانا,,

كل شي,, هههههههههه

واللي يبقى ما يتم ينشل بيتهم,,

ايام لين اليوم موجوده عندنا,,

 

[الحــــياة]

اي والله انج صاجه وين ايام قبل

الدنيا تغيرت والناس تغيرت؟؟!!

يسلموووو على الموضوع حلو..