السلام عليكم
حياكم الله خواتي
اشلونكم؟ ان شاء الله زينين
ضايق خلقي ومغلقة من هالسالفة
اخوي ملج من فترة قصيرة والملجة عادة ً تصير محفوفة إذا أكو عرس
الملجة كانت في بيت أهل المرا وصالتهم نتفة هذي أكبر صالة بالبيت
عاد احنا نادينا خالاتي وعمتي ونادينا بنات خالتي وخالي الكبار (بالثلاثين) احنا وايد معاهم من عمر..
وباجي بنات خالتي وخوالي الصغار اللي بالثنوية والجامعة ما ناديناهم لأنه أكو عرس والمكان أصلاً صغير
وأهل المرا واعليا مو عازمين أحد عشان العرس
والكل متفهم ومحد زعل كل شي مشى على خير الحمد لله
إلا [ مرت ولد خالي ]
انتفخت على امي ما تكلمها مثل قبل
انا مادري اهي ليش ازعلت بالضبط ! عشان ما عزمناها عالملجة والا شي ثاني الله يعلم
مرت ولد خالتي فقيرة مازعلت ولا قالت شي
المهم عدينا الموضوع وقرب العرس .. وزعنا البطاقات عالكل
وصار العرس وما يت .. قلنا الغايب عذره معاه
قبل أمس أول يوم العيد سيّرنا على بيت خالي نبارك وهي موجوده ونفس الشي صاده ما تكلم امي
اهي مو صغيرة عمرها بداية الثلاثين تقريباً
امي مسوية روحها ما تدري عن شي ومو منتبهه
اشحقى جذي تسوي مع امي
امي فقيرة طيبة ما تحب المشاكل وأهلي كلهم عارفينها ويحبونها
ولو السالفة تزعل جان ازعلوا غيرها
اهي من قبل كله تسأل امي ها شصار على فلان (اللي اهو اخوي) لقيتوا له والا بعد؟
بس ماني شايفة سبب مقنع يخليها تزعل
وبعدين امي مرا كبيرة المفروض تحترمها وتعدها حسبة أمها
هاليومين بيت خالي يبونا نروح لهم بالبر وهي موجوده هناك .. امي ما تبي تروح عشانها
قلنا لها ما لج شغل فيها بنروح نستانس بس كلش مو راضية تقول دامها موجوده ماني رايحة
وااي
محد يدري من أهلنا كلش ومحد ملاحظ واحنا ما نبي أحد يدري ما نبي مشاكل قيل و قال ..الخ
عطونا حل وهل الموضوع يستاهل الزعل ؟!
