امي اتقولي انتي انانية!!!

[Bent lq8]

السلام عليكم

قبل الموضوع بقولكم عن نفسي انا عندي خوات واخوان بس انا متعلقة باخواني الي اصغر مني واهم توأم من واحنا صغار حيل مع بعض الفرق بينا 3 سنين حيل متعلقه فيهم اكثر من خواتي ولي يومكم هذا طلعاتنا مع بعض وقعدتنا مع بعض اهما مو نوعهم عندهم ربع حيل معاهم ولا انا ما عندي رفيجات حيل معاهم
فاكون دايما معاهم بكل شي جمعية طبيب سوق سينما كله اروح معاهم
اهما الحين اتخرجوا من الثانوية والحمدالله نسبتهم عالية امي قالت خل يقدمون على بعثة لا يدرسون بجامعة الكويت وقاعدة اتقولي انا اني اقنعهم لانهم يسمعون كلامي بكل شي
لما قالتلي اتضايقت والصراحة بجيت لان ما اتخيل اني اقعد بدونهم اهما لما بعض المرات يطلعون والله يضيق خلقي بالبيت واقعد كل شوي ادق عليهم اشوفهم وين فما بالكم لما يسافرون!
عاد لما بجيت امي قالتلي شفيج قتلها ما فيني شي وحنت علي لين قلتلها الصج قتلها ان لو سافروا من يقعد معاي اهما دايما الي يقعدون معاي ويطلعون معاي ويفهموني لي شافوني متضايقة يسألوني اشفيج ويحاولون يضحكوني وواسوني
عصبت قالت انتي ليش انانية حبي لهم الخير !! هالكلمة حيل ضايقتني !! اخواني شلون ما احبلهم الخير بس موضوع انهم يسافرون اهوا الي ضايقني مادري ليش امي مو راضية تفهم ان انا مو انانية بس ما ودي يفارقوني !!
وبس هذي السالفة حسيت اني متضايقة وكتبتها لكم
​

 

[kndora]

عفوا اختي
بس انتي صج انانيه قام تفكرين بنفسج بس ما فكرتي لما يروحون يدرسون بره شنو راح يكون شهادتهم

مستقبل اخواانج هذا لا توقفيين بطريجهم

اقنعيهم وتوكلي على الله اهما مردهم راح يفترقون عنج هذا الحيااة

 

[kndora]

اي وبعد ترى انا اختي تدرس بره وحييييييل متعلقيين ابعض يعني انا وياها الوحيديين الي نفهم بعض

صج تضايقت اول شهر بس بعدين خلاص تعودت

والله يختار حق اخوانج الطيب انشالله

 

[ميس الحيدر]

لا حبيبتي انتي مو انانيه شي طبيعي اخوانج والله انا نفسج بس يمكن مع اختي حبيبتي الله يخلينا لبعض

بس في مليوون حل معاج حق مو لازم يسافرون براا عندنا جامعات خاصه بالكويت قويه "مثل الاستراليه و ا يو ام..." عاد مااعرف اساميهم كلهم

المهم ولا تفاارقين اخوانج

وعادي انا امي شكثر تقولي على سوالف مقاربه ووايد يحز بخاطري والله بس لنا الله كلشي ولا اختتتتتي حبييييييبتي الله لا يفرقنا ياارب ويطول بعمرها ويخليها لي

اسفه عالقرقه جااوز..

 

[Bent lq8]

قلت لها ان جامعة الكويت اهي اقوى جامعة ومعترف فيها ! بس الي صدمني انها اتقولي انانية
بس انا صج احبهم وابيهم دايما معاي

كندورا ترا الصج مافي اقوى من جامعة الكويت لو جت على الشهادة

 

[ام زهقانه]

حبي اخوانك ما تحبين لنفسك

 

[اتتعبنـي غلاك]

حبيبتي
امج موقصدها انانيه بمعناها لاااااااا امج عشان تبي لخوانج الشيء العالي الي يفتخرون فيه ولمصلحتهم...
ولاتنسين انه هذي امج يعني عادي لوتهاوش او تقول كلام مومن قلبها ...علعموم قبل لايسافرون اخوانج برا
بلول خليهم( يستخيرون)وخلي الله يختار لهم الصح
وربي يوفقهم ويخليهم لج......

 

[الدلـــع كله]

الله يخليلج اخوانج ان شاءالله
ولا تفكرين بالكلمة اللي قالتها امج ترا مو قصدها .. لما شافتج تبجين تضايقت .. واهيا حاطة فبالها تبي ترفع راسها بعيالها اللي تبيهم يدرسون برا .. لا تفكرين بالكلمة حبيبتي عادي طوفي

 

[زهراء 24]

عادي حبيتي خليهم يسافرون يكملون دراستهم
لازم تتحملين بعادهم عشان مستقبلهم كلها جم سنه ويردون بالسلامه
الدراسه بره واايد احسن من جامعه الكويت
انا جذي حيل متعلقه باخوي اللي اصغر مني
العام تخرج وحب يدرس بره بالعكس شجعته صح ان فراقه كان صعب وقاعده اشتاقله واايد
بس لازم اتحمل عشان مستقبله وصارله سنه يدرس بره الله يرده بالسلامه
بعدين الحين التكنلوجيا تطورت تقدرين تتواصلين معاهم صوت وصورة بالمسنجر بالواتس اب​

 

[شذى2007]

ياااقلبي عاااادي بس امج من القهر ودهااا انتي تقنعينهم

 

[دبه موت]

ياغلاتي هم خيرتهم راح ينشغلون بدنيتهم ويبعدون عنك يعني مثلا أنتي راح تتزوجين وهم بعد
والكل بينشغل راح تتعودين ياقلبي على قلة وجودهم

 

[مطيرية متواضعة]

مادام نسبتهم عالية شحقة يروحون بعثة للخارج

اسئليهم شنو ودهم يدرسون وخلاص الي تخصصة طب وغيرة يدرس هني بالكويت

 

[mf6nt el3lat]

حلو أنج مع أخوانج حييل وتحبينهم بس هم من مصلحتهم أنهم يسافرون أنتي قولي لهم وبالمره تتعودين على فراقهم ..
بكره لج حياتج وعيالج وزوجج
واذا الحين انتي على سفررره قعدتي تبيجييين بس اسمحيلي أنتي حيييييييييييل متعلقه فيهم بكره ليه تزوجو تغارين من زوجاتهم مثلا ..؟


الله يعينج وامج ما تقصد وتحبج أكيييد ..

 

[Bent lq8]

بحاول اتعود على فراقهم من الحين ما قمت اسولف معاهم وايد ولا اقعد معاهم علشان لي سافروا يكون الوضع عادي

 

[لا تغرك الدنيا]

حبيبتي ردت فعلهآ طبيعيه وسآعآت الوآحد مآ يفهم الي جدآمه صح

انتي حآولي تأقلمين نفسج على غيآبهم وفكري انهآ ايام وسنين وبتعدي وبيردون بحآل افضل اول فتره بتضآيقين بس بعدين بيصير عندج عآدي

الله يوفقج ويوفقهم يآرب

 

[Bent lq8]

امين ..... ما قصرتوا على الدعوات الحلوة

 

[منو انت]

شوفي ياقلبي ماراح تحبين اخوانج اكثر من امج مو يعني انج ماتحبينهم بس تبقى معزه الام حق ولدها غير عن معزه الاخت يعني شوفي امج تبارك الله عليها تبيهم يدرسون برا ومع هذا راح يبعدون عنها بس اهي تفكر بمصلحتهم وانتي بعد فكري بمصلحتهم اكثر من الاشياء البسيطه اللي اهي انج تطلعين معاهم وتقعدين معاهم ترى بكره تتعودين وانتي بعد ان شاءالله راح تتزوجين وتطلعين من البيت يعني هالشي ضروي يصير ماراح تبقين معاهم على طول من غير شر