اميييينات المخزن والصندوق الماااالي

[فطفط نجد]

السلاااااام عليكم يا احلى كويتيات

طولت عليكم من زمان ماششاركت بس راح اقعد على كبودكم الحييييييين:eh_s(9):


عفية بسالكم هل ناظرتكم ياامينات المخزن عطتكم نشرة ان السنه الجاية على خير تمسكوووون الماليه وكانت النشرة قبل تنهي خدمتها الحلوة موضضي الحمود

بصراحه نشرة فاشلة من قلب وهذا مو شغغل امينات المخزن ابلات الرياضيات نفسهم مايحبونه وصعب جدا جدا يبي وحده توووووووووووووب بالرياضيات:eh_s(11):


ياريت هالوزير يلغي هالنشرة اللي مالها اي معنى


عفية نبي مناقشه على الموضوع ششكلي بحول وزارتي:eh_s(4):

 

[alhnan]

اللي تمسك الصندوق المالي شنو تسوي شنو يكون شغلها ليش متعب وصعب ممكن توضحيلي ؟؟؟ لاني ودي امسكه السنه الجايه

 

[ابلة غزالة]

انا لما كنت معلمة كنت ماسكته 8 سنوات بس الحين الله فكني مني لما صرت رئيسة قسم
بصراحه ما ينفع ان المعلمة تمسكه انا افضل اداريه تمسكه احسن لان المعلمة بتشوف تحضيرها ولا وسائلها هذا غير اني معلمة علوم و لازم اشوف بعيني التجارب قبل الحصه فوق هذا مو بس كنت ماسكه الصندوق المالي لا بعد كنت ماسكه المقصف المدرسي مواله موال جمعي الاسهم و دقي على الشركات تنزل بضايع يوم جاي مفتش البلدية يوم مفتش الصحة ويوم موجهه من الانشطه و يله كل شويه مناديني
صراحه انا من خلال تجربتي مع ان تمسكه اداريه اكثر من معلمة
هذي وجهة نظري

 

[alhnan]

انا لما كنت معلمة كنت ماسكته 8 سنوات بس الحين الله فكني مني لما صرت رئيسة قسم
بصراحه ما ينفع ان المعلمة تمسكه انا افضل اداريه تمسكه احسن لان المعلمة بتشوف تحضيرها ولا وسائلها هذا غير اني معلمة علوم و لازم اشوف بعيني التجارب قبل الحصه فوق هذا مو بس كنت ماسكه الصندوق المالي لا بعد كنت ماسكه المقصف المدرسي مواله موال جمعي الاسهم و دقي على الشركات تنزل بضايع يوم جاي مفتش البلدية يوم مفتش الصحة ويوم موجهه من الانشطه و يله كل شويه مناديني
صراحه انا من خلال تجربتي مع ان تمسكه اداريه اكثر من معلمة
هذي وجهة نظري

ما عليه ابله غزاله ممكن توضحين شنو مهام المسؤله عن الصندوق المادي بس من غير المقصف.... لاني ناويه اخذه السنه الجايه

 

[ابلة غزالة]

اوكي اختي راح اوضح لج المهام طبعا انا بالنسبه لي الصندوق المالي اسهل بوايد من المقصف
كل شهر في معامله اتسوينها و تتطرش المحاسبه في المنطقة التعليمية شنو في المعامله
اول السنه توصلج ورقة كل قسم و جم ميزانيته يعني مثلا العلوم ٣٠٠ الفنية ٣٥٠ و جذي
اتجمعين فواتير كل ماده شهر مثلا اكتوبر و اتشوفين مثلا العلوم عطوج فواتير بقيمة ١٠٠ دينار يعني يبقا من ميزانيتهم ٢٠٠ يصرفونها بالاشهر الثانية
وكل ماده اتسوين نفس الطريقة
عندج فواتير ثانية مو خاصه بالمواد لا للاداره مثل القرطاسيه الصيانه الصحي حداد زجاج انكسر و جذي
طبعا الناظرة تعطيج شيك تصرفينه من البنك كل ما يتها فواتير علشان تدفعهم
بعدها تجمعين كل الفواتير المواد و فواتير الاداره و تشوفين جم المبلغ و تاخذين كشف حساب من البنك علشان يتم مطابقة الي صرفتوه بالقيمة المتبقيه بالحساب
طبعا في سندات لازم تتسجل مثل سند الصرف سند القبض الكتاب المدرسي
وفي شروط للفواتير علشان تقبلينها مثلا ما يكون تاريخ الفاتوره شهر ٩ وانتي تشتغلين في معامله ١٠ يعني اتصير فاتوره قديمه غير جذي لازم ما يكون خطا في مجموع الفاتوره لازم يكون في الفاتوره رقم تلفون و عنوان المحل واذا مافي تكتبين تعهد لازم ما تعدي الفواتير من المحل نفسه ١٠٠ دينار بجذي لازم تعطينه شيك مو يدوي

فعلشان جذي انصحج لا تاخذينه وسوري على الطاله و يمكن في شغلات بعد سهيت عنها

 

[جيتك تعال]

المقصف والصندووق الماالي هو من صميم عمل الاداريات

ويااريت يفعل العمل الاداري وكل موظف يعمل في اختصااصه

 

[ام عفاف الكويت]

واي مسؤليه صعبه الماليه
اشوفهم يسونها الامينات المخزن بمدرستنا
احس مساكين لو ضاع شي مسؤليتهم

 

[(كويتيه عسل)]

ههههههههههههههههههههههههههه :krkrkr:

وشمعنه أبلات الرياضيات؟؟ حبيبتي هذا شغلكم


انتو شنو قاعدين تسوون علشان تعترضين اللي يقرا كلامج يقولون
ابـــــــــد ماتسكرون المخزن والطالبات فقارا بيون كتب مولاقينكم ولا قاعدين عند السكرتيرات مجابلينهم تسولفون
ولا من الفراغه تفترون بالمدرسة ولا مجابلين الفونات ولا الاكل والحلويات والقهوه والجاي والحش مساكين كل شي على راسكم

خوش نشره وقرار سلميلي على ناظرتكم :eh_s(17):

 

[@ام يوسف@]

انا ماسكه الصندوق بس طبعا اسوي المعامله مالي شغل بالفلوس الفلوس عند الوكيله بصراحه انا عندي ماكو اسهل منه وممتع يمكن علشان انا بروضه

 

[!الجادل الصعب!]

ههههههههههههههههههههههههههه :krkrkr:

وشمعنه أبلات الرياضيات؟؟ حبيبتي هذا شغلكم


انتو شنو قاعدين تسوون علشان تعترضين اللي يقرا كلامج يقولون
ابـــــــــد ماتسكرون المخزن والطالبات فقارا بيون كتب مولاقينكم ولا قاعدين عند السكرتيرات مجابلينهم تسولفون
ولا من الفراغه تفترون بالمدرسة ولا مجابلين الفونات ولا الاكل والحلويات والقهوه والجاي والحش مساكين كل شي على راسكم

خوش نشره وقرار سلميلي على ناظرتكم :eh_s(17):

شنو قآعد نسوي ؟
آنا آقولج حبيبتي ..
آول شي امينة المخزن معآشها مو كثر المدرسآت ولآ عندهآ كآدر حآلها حآل الادآريآت بشؤون الطلبه او السكرتآريه .. لآ بدل شاشه .. لآ بدل جمهور وطبعآ مآفي اي حآفز من اي نوع او ترقيه الا الدرجه الي كل 5 سنوآت ..
فوق هذآ كله ..
تمسك المقصف تبيع والفوآتير تبع المقصف شنو نآقص شنو زآيد تتآبع مع العمآل لآ نزلو الاغرآض وتعد كرآتين بطاط وعصير مع المصري بالشمس :eh_s(22):
تمسك الصندوق المآلي بحوسته وفواتيره وننطر فوآتير المدرسآت الحبيبآت الي كل شوي عآفسين فآتورتهم ونروح المحلآت نطر فوآتير عشآن نعدل فيهآ ..
تمسك احتياط لما تغيبين انتي وغيرج ..
تمسك مناوبات الي تحلطمين منهآ انتي وغيرج ..
تمسك مرآقبة آختبآرات على الطلبه ..,
حتى بنهآية الدوآم قعدونآ مع الطلبه لين يروحون بيوتهم ..!
اي شي يضيع او يتلف من قبل اي مدرسه تكون مو قد الامآنه يطيح برآس امينة المخزن وشي عآدي تنكر انهآ استلمته لين تطلعين الورقه وترزينهآ بوجههآ وتتفشل وطبعآ هذا كل بتوتر وصرآخ وبالاخير مو عآجبهآ .. واذا ثبتت كذبتهآ عآاااادي ندفع من معآشنا الي مثل ماذكرت بدون اي بدلات او كوآدر .. شورآنا ..
اي ورشة عمل تسويها مدرسه تبي تتميز غصب نعدل معها ونوفر لهآ الي تبيه من اثاث مدرسي ووبيوم الورشه نشتغل استقبآل حق ضيوفهآ ..,
كل يوم والثاني تجي نشره تزيد من كرآفنا بحجة تخفيف العمل عن كآهل المعلم .. الي يطآلب بكآدر ومو عاجبته قعدتنآ على معآشنا الي يفشل ..!

طبعآ غير شغلنآ الاسآسي والوحيد الي هو الجرد السنوي الي ياخذ منآ شهر على مآ تتكرم كل مدرسه عندها عهده وتجرد معنآ عهدتهآ وبعدهآ نوديه لصبحآن الي اغلب موظفآته دايخين وكل شوي رآدين الجرد فيه غلط فيه تعديل ..!
وتوفير الكتب الي من اول السنه واحنا ساري باري من صبحآن للمنطقه ندور الكتب الي الوزرآه ماتوفرهآ ويكسرون خآطرنآ الطلبه فنقوم بالاخير ندق عالمدآرس نطر الكتب الزآيده منهم ونروح نجيبها بنفسنآ ..,
وطبعآ كل هذآ لآ حمد ولآ شكورآ ولآ لنآ تقييم سنع ولآ لنآ زيآدات ولآشي .. آعمآل ممتآزه للي تكرف بسكوت اي كلمه تجي منآ تنسف تآريخنآ بالكرآف كله ..!

وحآسدتنآ على قهوه وحلو .. شدعوه ماعندكم بوفيهآت الريوق والقهآوي لفلآنه وعلآنه ..,
على فكره بكلمة ( حش ) اتهمتينآ كلنآ وآخذتي اثمنآ .. وكلن يرآ النآس بعين طبعه ..,
وكل ما تجي دفعة كتب ترتزون كلكم تبون كتب السنه الجديده لكم ولعيآلكم ولعيآل الفريج كله ..,
حللو معآشاتكم شوي .. صكيتو الالف وللحين تحلطمون علينآ علبآلكم مرتآحين ..!
اعوووذ بـ لله يحسدون الفقير على موتة الجمعه ..!

 

[فطفط نجد]

الجادل الصعب حبة على خشمج والله ان تقبلينها

كفيتي ووفيتي ماله داعي ارد على الجهاااااااااااااال

غزالة مشكورة حبي عالتوضيييييييح

 

[PuPa^^SWeeT]

ههههههههههههههههههههههههههه :krkrkr:

وشمعنه أبلات الرياضيات؟؟ حبيبتي هذا شغلكم


انتو شنو قاعدين تسوون علشان تعترضين اللي يقرا كلامج يقولون
ابـــــــــد ماتسكرون المخزن والطالبات فقارا بيون كتب مولاقينكم ولا قاعدين عند السكرتيرات مجابلينهم تسولفون
ولا من الفراغه تفترون بالمدرسة ولا مجابلين الفونات ولا الاكل والحلويات والقهوه والجاي والحش مساكين كل شي على راسكم

خوش نشره وقرار سلميلي على ناظرتكم :eh_s(17):

نفس كلامي اللي بقوله

لووول

 

[فطفط نجد]

حتى انتي يابوبا سويت ؟؟؟؟؟؟؟؟؟؟؟؟؟؟

عفية اللي قصدها تخرب الموضوع لاتدخل

 

[Miss dreams]

اختى الجادل الصعب

بصرااااحة كل اللى قلتيه عن طبيعه عمل امينة المخزن مو موجوود بمدارسنا

فالمقصف المدرسات اللى ماسكينه وغالبا يكون مدرسات المواد العمليه اللى يبيعون

ولا عمرى شفت امينة المخزن تناوب معانا !!!

او امينة مخزن ماسكه الصندوق المالى كله المدرسات

وطبعا لا تاخذ لا احتياط ولا مراقبه مادرى من وين انتى يايبه هالحجى

والا اذا جذى ... جان ماشفتى المدرسات قاعدين يتحلطمون على قولتج بانه يخففون عنهم الاعمال الاداريه

حدث العاقل بما يعقل

 

[احلى روح]

حبه ع راسج يالجادل الصعب
وعلي فكره كلامها صحيح وانا عن نفسي قسماَ بالله حسيتها تتكلم عن حالتي والله العالم لا كادر لا علاوات يارب لك الحمد والشكر علي كل حال

 

[ابلة غزالة]

بنات كل وحده اتشوف ان شغلتها اصعب من شغل الثانيه يعني المعلمة تشوف الاداريه اريح منها و الادارية مثلا شؤون طلبه اتشوف السكرتاريه اريح منها او المخزن اريح من السكرتاريه وجذي وانا ما استغرب من هالشي لان اساسا تلقين معلمتين من نفس القسم وحده تقول للثانيه انتي وضعج اريح مني او امينات مخزن وحده تقول للثانيه انا اشتغل اكثر منج
ترا كلنا نتعب و كلنا نشتغل حتى الفراشه يمكن تتعب اكثر منا
ويظل الاختلاف في اسلوب الاداره في توزيع الشغل في ادارات تريح المعلمات و في ادارات تريح الاداريات

 

[احلى روح]

صح كلامج غزاله ... هذي فوارق بين موظفين القسم نفسه وشي طبيعي يكون في شخص شغيل وحيوي ويكون بالمقابل شخص كسول ماله خلق يجي من بيتهم ، بس الكلام يا قلبي الحين على امينات المخزن والكل يدري انا ننجز اعمال واحد واظن انتي تعرفين اكيد مرت عليج فوواتير تحتاج استمارة تزويد وروحه للمحاسبه وللتوريدات في صبحان ومن يسويها اكيد امينة المخزن غير الكتب ونقصهم ومعناتنا مع صبحان غير الاثاث طلب صرف او اعاده ولازم فر المدرسه ركن ركن نفتش عن التالف و الجرد وما ادراك ما الجرد .. ، غير العهد الشخصيه الي نسلامها الاقسام ونرجع نتاكد من عددها لما يرجعونها غير ان الادارة تكدس اي غرض ماتبيه بالمخزن بمكاتبنا بحجت انها قريبه لادارة ونسكت مانقدر نقول شي واذا جاء قرار نقل بمكان اي وحده تطلع من المدرسه بظرف يومين الا امينات المخزن نسوي جرد من جد وجديد للعهده واذا نقص مسمار تدفين قيمته ماليا.
وفوق كل هذا ماكو كادر و لا علاوات ولما نزلوا ال100 نزلوها لكل الاداريين ماعدا احنا و السكرتاريه
طيب مو حرام شهدتي نفس شهاداتهم ولا يمكن التجاري ارفع من معاهدهم وبالمقابل معاشهم اكثر منا واحنا صفر كادر صفر علاوة وفوووووق
هذا احنا مانشتغل !!! وقاعدين فاضيين !!! ونحش !!!
الله اكبر ​

 

[فطفط نجد]

غزاله يسلملي الذرابه بالردود صج اسلوووووووووووووووب الله يسلمج

الموضوع كانت الصندوق المالي عفية جاوبو عـ السوال

 

[ام عمر1]

الجادل الصعب كفيتي وفيتي تسلمين فديت منطوقج بصراحه قلتي كل الي بخاطري اقوله

 

[!الجادل الصعب!]

Miss dreams

اتمنى يكون ردج فيه شوي احترام وهالكلام ماجبته
من بيت ابوي
هذا من شغلي الي اشتغله وجربته بثلاث مدارس
مو وحده ولا ثنتين
وربي ما زدت و لابالغت بشي ..،
هاللي ذكرته كله نسويه وزياده
واذا مدرستكم مريحتهم تكفين قولي لي شنو مدرستج
بنتقل عندكم !!


مادري ليش مو كل موظفه تحترم وظيفة الثانيه
اذا المنطقه والموجهين كارفينكم وحاطين عليكم شغل
وكراف مو ذنبنا بكل موضوع تحلطمون الاداريات
والاداريات !!
ماتبون تسوون شغلكم كلموهم لاتحطون حرتكم فينا !!


بخصوص الصندوق والمقصف
حبيبتي نازله نشره انه علينا من قرادتنا
يعني غصب نستلمه وشوي شوي تتعلمين
ولو ان المقصف ترا اسهل منه كلميهم اخذي المقصف و
غيرج ياخذ الصندوق


والي بيحبون خشمي واصله فديتكم لوووول :$