"""امينات المكتبه دخلو طلبتكم""""

[ساره 1992]

يا امينات المكتبه شرايكم بتخصصكم انا توني متخرجه من الثانويه وكل البنات يقولولي تبين الراحه تخصصي مكتبات وبعض البنات يقولون لا تتخصصين مو حلو كانج دبلوم ونعس معاش امينة المخزن و حطموني بس انتم شرايكم طلبتكم تردون والله يوفكم اميم ويوفقني وج جم معاشكم و شلفرق بين معاشكم والمدرسه لان نسبتي 89 ومحتاره بتخضات و شكراا

 

[ساره 1992]

بليز ساعدوني كويتيات ادري بتنصحوني مو مخليني

 

[malyoma]

ما شاء الله انتي شاطره ليش تاخذين مكتبات دشي تصميم ولا رياضيات ولا علوم ؟

 

[sunshine22]

صح كلام اللي قالولج نفس معاش امينه المخزن

ونفس شغلها عهد ومسؤوليه



بس اختلاف بالمكتبه وبالمخزن

تخصص فاشل
مااله مستقبل

نصيحه اخت

قضبي طرف ثوبج وانحاشي عنه
هههههههههه


الراحه مدرسه الرسم صح راااااااحه
تداوم عشان تقعد بالكرسي

 

[ساره 1992]

تنصحوني بالرسم اكثر من المكتبات

 

[Ranoon]

لا حبيبتي حتى رسم الفنية
شغغغغغغغغغغغغغغغغغغل مو نفس اول .. !


مكتبات خفيف والله اول شئ دراسته صعبه بس لما تتوظفين
ترتاحين ماعندج شئ مغير عهده هي كتب وتجردينهم اول ونهاية سنة بس
ومغير قاعده
ويعطونج مناوبة بالفرصة وتسوين ممكن برنامج اذاعي بالسنة .. وبس

نصيحة لج اذا تبين التربية بس مكتبات احسن واريح تخصص ومعاشج
700 وشئ وكل سنة علاوة 10 دنانير خير ونعمة صراحه

 

[ساره 1992]

والرسم شنو يقبلون غير وزارة التربيه ؟

 

[جيتك تعال]

حبيبتي ... يعني انتي تعبتي وجبتي نسبة مااشااء الله عليج حلوة

والحين تدورين تخصص مافيه شغل وميت وبتحسفين قد شعر رااسج انك دخلتيه

تدرين ليش لانه ما يتقدم ولا يزيد وكل الي فيه مالين منه

الا الي تبي تقعد وما تشتغل هذا شي ثاني

بس ترى الشغل حلو يحلل المعاش ويحسسج بقيمتج جدام زميلاتج

انا الي اكلمج كنت امينة مكتبة ومليت من رتابة عملها وتجمد الترقي فيها ورحت تدريس

ولمعلوماتج للحين موجهينهم يقولون لهم الكلام الي من 92 انا كنت اسمعه من موجهي يعني لا جديد عندهم

انا ما اذم في امينات المكتبة لا والله بس اذم الوظيفة الجامدة الي مافيها نشاط الا الانشطة الفردية الي بعض امينات المكتبة

يقومون فيها ورغم جذيه مظلومين من الادارات المدرسية .... فكري عدل واذا تبين التربية روحي تدريس احسن الف مرة

صح تعب بس يا حلو التعب اذا بفايدة ترى القعدة وقلة الشغل تجيبلج الملل وتعلم الحش وقلة الفايدة

 

[ساره 1992]

مشكورا ع النصحيه خواتي كويتيات والله يوفكم امين وجزاكم الف خير ع كل من نصحتني