امهات نقذوني بجر وضايعه بليز دشو

[كتكوته22]

السلام عليكم
حبايبي انا ولدت ولاده مبكره بالاسبوع 34 وبنتي نتفه
واحاول ارضع طبيعي بس ما اعرف وبنتي ما تشرب عدل احس ثواني وتوخره فاضطر اعطيها صناعي اعطيها اس 26
والدكتور يقولي لازم كل ساعتين تعطينها 20 ملي وهى ما تشرب وشلون كل ساعتين اهى تكون نايمه اقعدها ما تشرب
انتو شلون تعطونهم الدكتور يقول اذا ما عطيتيها ياثر على نموهاوهى كل جم ساعه لازم تضرع وتنام طمنوني بليز والله وايد احاتي واختي تقول اذا نايمه لاتقدينها اهى اذا ياعت تبجي والدكتور كلامه غير عشان هى صغيره بلييييييييييييييييييييييييييييييييييييييييييييييز طمنوني

 

[ذهب ابيض]

شي طبيعي ان كل ساعتين لازم تعطينها حليب اهي اساسا راح تبجي تبي الرضعه لانهم ياحياتي على هالحليب عايشين
وبعدين اذا على النوم كلام اختج صح لاتقعدينها خليها نايمه اذا قامت راح تبجي تبي

عادي حبيبتي لاتحاتين شي طبيعي والله يحفضها لج

 

[كتكوته22]

بس حبيبببتي اهى نايمه يعني تنام شلون اقعدها عشان تشرب واحط المميه بحلجها عشان تشرب بس ما تمص لانها نايمه

 

[توتــــه21]

اول شي حمد الله على سلامتج ومبروك ماياج ولا تحاتين وايد كل صغير يكبر انا يبت ولدي بسبوع 33 وكان وزنه كيلو و800 ماكان يعرف يرضع لا صناعي ولا طبيعي اول اسبوع بس انا كنت كثر ما اقدر احاول ارضعه وبعد الاسبوع ماشاءالله عليه صارعادي يشرب من صدري وانا اساعده بالصناعي بس تبين نصيحتي رضعيها طبيعي انتي ترتاحين كافي انها تاخذ حنان منج وكلام اختج ماشاءالله عليها عين الصح كل ماكان الياهل نايم يعني مو يوعانه شبعانه خليها تنام ولا تقعدينها ولا تقولين جدام الناس ان بنتج تنام وايد ترا والله يحسدونها بعيد الشر عنها خليها نايمه واذا بجت يعني يوعانه وحاولي تعطينها بين الرضعات اعشاب او ماي نبات عشان يريح بطنها
والله يخليها لج يارب ويبلغج فيها

 

[ديم الفرح]

هلا حبوبة
الطبيعي تشرب كل ساعتين بس الافضل لما تكون جوعانة عشان تشربها كلها

بالنسبة للرضعة وهي نايمة انا صراحة اعطي بنتي وهي نايمة وحراااام تشربها وحسيت انها تغيرت عن قبل من ناحية الوزن

وانتي شوفي الدكتور شنو يقول...

 

[كتكوته22]

اول شي حمد الله على سلامتج ومبروك ماياج ولا تحاتين وايد كل صغير يكبر انا يبت ولدي بسبوع 33 وكان وزنه كيلو و800 ماكان يعرف يرضع لا صناعي ولا طبيعي اول اسبوع بس انا كنت كثر ما اقدر احاول ارضعه وبعد الاسبوع ماشاءالله عليه صارعادي يشرب من صدري وانا اساعده بالصناعي بس تبين نصيحتي رضعيها طبيعي انتي ترتاحين كافي انها تاخذ حنان منج وكلام اختج ماشاءالله عليها عين الصح كل ماكان الياهل نايم يعني مو يوعانه شبعانه خليها تنام ولا تقعدينها ولا تقولين جدام الناس ان بنتج تنام وايد ترا والله يحسدونها بعيد الشر عنها خليها نايمه واذا بجت يعني يوعانه وحاولي تعطينها بين الرضعات اعشاب او ماي نبات عشان يريح بطنها
والله يخليها لج يارب ويبلغج فيها

الله يسلمج حبيبتي
احاول ارضعها طبيعي بس شوي وتوخره يعني عشر دقايق ومتقطعه بعد يعني احسها تشرب شويه وتنام اربع ساعات ما تشرب طبيعي انت جذي كان ولدج؟ والله ادعس المميه بحلجها ما تمص واحاتيها يعني ما شربت شي طبيعي جذي ؟
والحين اعطيها ماي ونبات 10 مل باليوم زين ولا ازيد؟
ومشكوووووووره بعد قلبي على كثر الاسئله

 

[عيون زوجي]

حبيبتي حاولي وانتي ترضعينها تمسحين على خدها بيدج او تمسحين على راسها ترى هذي الحركه تخلي الطفل يحرك فكه اكثر والله يفرحج فيها ويخليها لج ان شاء الله
وبالنسبه للماي ترى وايد زين ويحميها من الجفاف والامساك خاصه احنا بالصيف احرصي انج تعطينها ماي

 

[غيـ الناس ـر]

حبوبه الياهل الصغير طبيعي ما يرضع وايد .. اول ما يبت ولدي كان وزنه 3 ونص .. قالي الطبيب ان حده بالرضاعه 40 مل ما يرضع اكثر .. يقول الرضاعه على حسب وزن الطفل .. فلا تحاتين ..

وخليها نايمه لا تقعدينها .. الا اذا تمت 5 ساعات ما قامت ذيج الساعه فججي حفاضتها وتحرشي فيها خليها تقعد هالكلام قايله لي الطبيب بعد ..

وطبيعي اول ما يطلع البيبي كله نايم .. يمالج من الصيحه وعوار الراس

وبالنسبه للرضاعه الطبيعيه .. خلي البيبي ترضع من كل صدر 10 دقايق يعني ترضع لمدة 20 دقيقه .. بس بصراحه انا ما اقتنعت بهالفكره لان وحده عن وحده حليبها يختلف يعني في ناس حليبهم يكفي البيبي ب 5 دقايق ..

والياهل بو ايام ترى عادي ما يرضع الا شوي انا ولدي كان يهبلني يرضع دقيقه وينام والحمدالله كاهو مافيه الا العافيه

لا تحاتين وانتي بين فتره والثانيه قيسي وزنها عشان تتطمنين على نموها ..

 

[بدوية بملامح كشميرية 86]

ياحياتى جنها ولدى جذى

والدكتووور قالى حركى اذنه او اقرصى خده ههههههههههههههه

ويكسر خاطرى اخليه ناااااااااااااااااااايم اذا قعد اعطيه

والله يخليلج بنتج وتشوفينها عروووووووووووس

 

[(m & m)]

الله يعينج البنات ما قراو

بس انا بنصحج اذا ما تعرفين ترضعينها

او اهي ما تعرف ترضع لانها حيل صغيره

لا تعودينها عالصناعي حرام ما تشرب من حليب

اخذيلج شفاط للحليب وشفطي الحليب و حطيلها بالمميه وااااااااااايد افيد لها

تحياتو

 

[فطومه الحلوة]

حبيبتي حاولي ترضعينها لات عطينها المميه مع الوقت تتعود بس بالبدايه صعب

 

[ام اغلى الناس]

انا الحريم كانوا يقولون لي اذا نايم لا تقعدينه !!!
بس ما سمعت كلامهم لانه يكسر خاطري جوعان و نايم
ف ارضعه و هو نايم ... مرات يرضع و مرات لا
المرات اللي ما يرضع فيها لازم اتحرش فيه ... يعني العب باذونه و رجوله واذا كلش مقفل افتح الحفاظه ف يقوم يبجي ههههههههههههه
ف على طول ارضعه
المهم لا تخلينها نايمه على طول من غير حليب
ترى طول فترة النفاس كان طول الوقت نايم بس بعدين لا ... خلاص يقل نومه
الله يخليها لج

 

[om__jana]

حمدلله على سلامتج حبيبتي

كلام اختج عدل اذا نايمة لاتقعدينها حتى اذا طاف موعد رضعتها متى ماياعت راح تقوم

وثاني شي لازم تقوين قلبج يعني لمن تحطينها على صدرج مو بس تبجي وتوخر تعطينها صناعي على طول لأ خليها تحاول مره ومرتين وعشر

اهي تبجي لأنه لمن ترضع طبيعي اهي لازم تبذل مجهود وتمص عشان يطلع الحليب لكن بالرضعه الصناعيه الحليب ينزل بسهوله عشان جذي اريح فإنتي لازم تحاولين وتتحملين بجيها شوي لمن تتعلم ان هذا الحليب اللي موجود ماكو غيره

انا كنت اسوي جذي اول ماولدت وطلعت من المستشفى ما اخذت صناعي معاي ولا غليت المميات عشان اجبر روحي ارضع طبيعي والحمدلله قدرت كانت بنتي تبجي بالبدايه بس بعدها تعلمت

شدي حيلج الرضاعه مو سهله بس حلوه

 

[جـوجـي]

السلام عليكم
حبايبي انا ولدت ولاده مبكره بالاسبوع 34 وبنتي نتفه
واحاول ارضع طبيعي بس ما اعرف وبنتي ما تشرب عدل احس ثواني وتوخره فاضطر اعطيها صناعي اعطيها اس 26
والدكتور يقولي لازم كل ساعتين تعطينها 20 ملي وهى ما تشرب وشلون كل ساعتين اهى تكون نايمه اقعدها ما تشرب
انتو شلون تعطونهم الدكتور يقول اذا ما عطيتيها ياثر على نموهاوهى كل جم ساعه لازم تضرع وتنام طمنوني بليز والله وايد احاتي واختي تقول اذا نايمه لاتقدينها اهى اذا ياعت تبجي والدكتور كلامه غير عشان هى صغيره بلييييييييييييييييييييييييييييييييييييييييييييييز طمنوني

هلا ومرحبا ..دورتلك موقع يعلمك وشلون ترضعين ولقيت هذا http://www.sodfah.com/vb/t6952.html
ان شا الله يفيدك وبالنسبه للحلمه حاووالي ودخليها بفمها ودخلي طرف من الصدر معاه فهمتي ؟؟ وبعدين مو شرط كل ساعتين يمكن معدتها صغيره انتي اتركيها كل ماصاحت عطيها حليب .. وان بغيتي اي سؤال انا حاضره انا توني مخلصه الاربعين
ولدي يصيح بقوم اشوفه اشوفك على خير
​

​

 

[sara999]

السلام عليكم
الحمدالله على سلامتج وعلى سلامة البيبي ...

حياتي البيبي العنونو ما يقعد ويصيح من قمة راسها لا يمه حياتي انتي
شيليها وحطيها على صدرج اذا خذته اوكي واذا لا واهيا نايمه بطلي المهاد صوب ريلها وطقيها باصابعج شويييييشوييي مسحي على كف ريولها راح تصحى شوي وعقبها بالسبابه حركيه بين خدها من تحت كأنج بتروحين بحركتج صوب اذونها منيه راح ترضع وكل ما وقفت عن الرضاعه حركي صوب خدها واذنها عشان ترضع

وعادي كل ساعتين حتى لو ما تبجي

 

[كتكوته22]

مشكوووورين حبايبي ما قصرتو