امهات شنو احسن حليب؟؟؟!

[أم عزوز21]

السلام عليكم

شلنكم حبايبي


ولدي حبيبي عمره شهرين اعطيه سيميلاك من اول ما ولدته

وصحته زينه وسمن عليه لاني جبته كيلوين و600 المهم سبب له امسسساك قوي وغازات

24 ساعه يصيح ويبجي من بطنه وسويت ينسون واعطيه ماي غريب ومرتين حطيت له تحميله

بس مافاد

ورحت المستوصف وغيره الدكتور الى حليب سيميلاك كمفورت

وهم مافاد واليوم له 4 ايام ما اخرج عزكم الله



شنو تنصحوني فيه خواتي ؟؟؟ تعبت من بجي ولدي

بغير حليبه شنو اخذ له*

 

[ام دندوونه]

انا بنتي استخدمت لها سيملاك وهم سبب لها امساك وتبجي علي طول وغيرته لحليب نان والحمد الله احسن

 

[أم عزوز21]

مشكوره ام دندونه ع الرد

 

[beauty rose]

حبيبتي مو زين ما يخرج 4 ايام

اخذي تمره و ذوبيها بماي دافي و شغليها
و شربيه رقم 1 كل يوم مرة و ان شاء الله بخرج
انا سويت حق عيالي جذي و التمر ما يضر ان شاء الله

و بالنسبة للحليب استعملت حليب سيميلاك بس مال الخدج سوا لعيالي اسهال عكسج
جربي نان خفيف عالمعده بس مانصحج تستمرين عليه لان مثل الماي ما يشبع

 

[امواج الكويت]

انا بنتي كانت نفس ولدج وغيره الدكتور لها الى حليب نوفولاك رقم ١ جربيه وراح تدعين لي لا غازات ولا امساك راحه تامه للبيبي

 

[احلام روحي]

بالنسبه للغازات انا غيرت حليب بنوتي لابتاميل بس لاتطولين فيه لان عقب كرهته ورديتعا ع غين بلص

 

[جذابه بنت ذيابه]

انصحححج وبقوه

ابتاميل كمفورت روووعه او ببيلاك

 

[جذابه بنت ذيابه]

انصحححج وبقوه

ابتاميل كمفورت روووعه او ببيلاك

 

[Zaina-al-zaina]

يووووووووووووووو ٤ ايام ماخرج ؟؟

سوي لريوله مساج !!! خلي بطنه يمشي !!!
ودهني زيت زيتون لبطنه ولفتحة الشرج تكرمين !!!

وغيري حليبه لناااااااااان !!!! لايطوفج هالحليب
باذن الله راح يرتاح عليه !!!!!!


الله يعينج حبوبه ويوفقج يارب ....

 

[english muffin]

كل حليب يختلف من طفل لاخر

سوي له منقوع التمر وعطيه و اخذي عود اذن قطن خليه عليه فازلين و دهني فتحة الخروج وان شاء الله مافيه الا العافية

 

[ام نجـــلاء]

انا ولدي كله امساك وغيرته نوفلاك حق الامساك

 

[سارة ة]

انا نوفلايك اي ار حلوو حيل

 

[روعة خيال]

نان
او
بيبيلاك

 

[xxx]

سيميلاك وايد ثقيل

جربي بيبلاك وايد زين

 

[زهور المحبة]

السيميلاك مشكله واغلب الدكاتره يحذرون منه

اذا تبين شي من التمويل عندج الابتاميل حلو
وبرا التمويل عندج النوفولاك ممتاز

 

[Her_majesty]

بنات لايكون وحده فيكم تفكر تعطي البيبي سيميلاك شفت منه الويل في بنتي و اغلب الدكاتره اللي رحتلهم كانو يقولونلي انه كلش موزين
الحين جربت النوفولاك ولما الحين امساك مع بنتي اليوم لي الثاني .. ودي اجرب نان وايد يمدحونه

 

[Om Ghalia]

بيبيلاك.....................

 

[miss_Ba6oOo6a]

بنتي جذي مافاد معاها ولا نوع الا بيبيلاك 1الاصفر كتبلها دكتور بالسلام
وما تتحمل اي نوع ثاني
حتا المرحله الثانيه من بيبيلاك2 المركزة مايفيد معاها اتم علا بيبيلاك 1 علا طول اهي الحين 8 شهور

 

[أنفاسي دخون]

نان يهبل وخفيف على البطن

ولاحاشه الامساك وانتي بكرامه نقعيله تمره وشربيه