امهات ساعدوني ولدي والربو المستمر

[ام راكان66]

السلام عليكم ياامهات عندي ولد عمره ست سنوات من يوم عمره تسع شهور بدا الربو معاه والحين جنني الله يشفيه كل شويه ازمه وتنويم جربت العلاج بالاعشاب مانفع المشكله تبدا بزكام وينزل عالصدر وتجيه كحه متعبه الله يعينه ويعينني فالله يجزاكم خير اللي عندها حل او خبره عالمرض تقولها مشكوره من يدخل البرد وانا في هم الله لايوريه احد

 

[كنوشة 2009]

وديه مستشفى الراشد للحساسية بالصباح اخذي تحويل
وايد زين حق الربو وعسى الله يشافيه
وجربي طريقة البصل
اخذي راس بصل وقصصي شرايح وحطي عليه عسل
والصبح على الريج عطي ولدج ماي البصل

 

[ام راكان66]

الله يجراك خير اختي انا من السعوديه فقلت استفيد من خواتي يمكن عندكم علاج جديد لان هنا وين مااروح نفس الادويه
وبالنسبه للعسل اخر مره تنوم سوت له الدكتوره تحليل للحساسيه وطلع يتحسس من العسل من يومها بطلت اعطيه والله يعين

 

[ام راكان66]

الله يجراك خير اختي انا من السعوديه فقلت استفيد من خواتي يمكن عندكم علاج جديد لان هنا وين مااروح نفس الادويه
وبالنسبه للعسل اخر مره تنوم سوت له الدكتوره تحليل للحساسيه وطلع يتحسس من العسل من يومها بطلت اعطيه والله يعين

 

[هدوووشه]

ياقلبي عليه انا عانيت من الكتمه نفسه

حبيبتي ابعديه عن العطور والبخور والزيووت وريحة المنظفات لا توكلينه شوكلاته وموز وسمك والمنجا وفرواله
كللل هاذي الاشياء ابعديه عنها نهاااااااااااائيا

في بخاخات للربو مادري اعطوه منه ؟
واذا تقدرين جربي عشبة ورق الجوافه ممتازه باذن الله
وحاولي لا تعطينه اي شي يسبب لها حساسية على صدره تاكدي من كل شي

واقري عليه المعوذات وايات الحفظ
الله يشفيه ويعافيه يارب فاله العافيه

 

[مـرت الـغالي]

بعيد الشر عنه ،، وربي يعينه عالربو

في طريقة وانشالله باذن الله يخف الربو من ولدج ويختفي

اخذي ٦ حبات من القرنفل (المسمار)
وشيلي الجزء العلوي (الرأس) واحتفظي بالجزء السفلي ونقعيه بكأس ماي طول الليل
وخلي ولدج يشرب منقوع القرنفل الصبح على الريق لمدة ١٥ يوم
وعسى ربي يشفيه