امهات اولى ابتدائي

[anona79]

تخيلوا باجر بنتي عندها املاء
أًمل أشارت إلى إسراء وقالت لها ألوان إسراء جميلة
بذمتكم هالجملة مو طويلة على ياهل بأولى ابتدائي
ولو تقرون الدرس الثالث مكتوب بالخط الصغير ان هالجملة للفهم فقط وغير مطالب قراءة أو كتابة
شرايكم
وأنا أحس انهم قاعد يمشون بالمنهج بسرعة بسرعة تصدقون انهم بخلصون الدرس الرابع هالاسبوع
الله يساعد عيالنا اللي مسوينهم حقل تجارب اللي كل جم سنة مغيرين المنهج
عبالهم عيالنا شنو عباقرة صج مخهم متفتح بس مو لي هالدرجة

 

[رضاهم جنه]

اليوم ابلة اولى عربي تشكي لي من المنهج تقول حرام عيهم يمشونا بسرعه بسرعه بروح الكلمات تخرع

 

[cute * girl]

حده المنهج صعب انا ادرس اخوي وطلعتلي قروون منه
بس اهو هالاسبوع ماخذو الا كلمة اشارت بس وباجر املاء والابله كاتبه له الاملاء كلماته مو مرتبه مادري شقصدها شنو يدرس يعني

الله يعينهم

 

[om al ghaleen]

على الاقل احلى من سالم وعبير هذا المنهج اللي ماينبلع ابدا
الكلمه اللي بنتي عندها حيل صعبه اهي كلمه (( بيضاء ))
اهو فعلا المنهج مو سهل بس تدرين يعوضون فتره الشهر اللي طاف عليهم فبسرعه بسرعه
لاتشوفين منهج العربي ثالثه ورابعه .. والله تطقين اصبع منهم


مالج الا المتابعه وحطي حيلج فيها بالنسخ بنتي كل يوم تقولي ايدي تعورني
ومو راحمتها واعليا بس اكيد راح يكون تأسيسها قوي

 

[(( الـغـلا ))]

تخيلوا باجر بنتي عندها املاء
أًمل أشارت إلى إسراء وقالت لها ألوان إسراء جميلة
بذمتكم هالجملة مو طويلة على ياهل بأولى ابتدائي
ولو تقرون الدرس الثالث مكتوب بالخط الصغير ان هالجملة للفهم فقط وغير مطالب قراءة أو كتابة
شرايكم
وأنا أحس انهم قاعد يمشون بالمنهج بسرعة بسرعة تصدقون انهم بخلصون الدرس الرابع هالاسبوع
الله يساعد عيالنا اللي مسوينهم حقل تجارب اللي كل جم سنة مغيرين المنهج
عبالهم عيالنا شنو عباقرة صج مخهم متفتح بس مو لي هالدرجة

حبيبتي الجملة الثانية غير مقررة ؟؟؟

مو داخله بالإملاء ... إخذي الخبر الأكيد مني لا تدرسينها البنت

 

[أم عبووووود]

الله يعينكم ان شالله بس انا اتوقع ان الدرس يقعدون فيه عالاقل اسبوع هذا المفروض والياهل لازم يحفظ كل يوم كلمة والامور تصير سهلة عليكم

ميخالف كل شي اوله صعب

الله يوفق عيالي وعيالكم

 

[*ماي الورد*]

انا اعاني من كل المواد مو بس العربي
الابلات طايرين و و لدي معتمد علي بالدراسة
الرياضيات بروحه بلوة اشلون ياخذون مكونات الاعداد باسبوع

 

[MsMoonlight]

الاسبوع اللي طاف حضرت حصه ولدي .. مثل ما اهم طايرين بالمنهج هم طايرين بالحصه ..

معلمه الرياضيات تعطيهم الارقام تصاعديا و تنازليا مثلا ... 1234 ... 4321
و حل التمارين باقل من 5 دقايق مع ان ولدي حده بطئ و هالشي طبيعي بالعمر هذا .. على ما يفتح الكتاب و يلقى التمرين ولا طاق الجرس ..

و نفس الشي بالعربي ..

بس ما اعتقد في املاء .. بس ترتيب كلمات و توصيل

 

[قلبي ابيض]

من صجكم ؟؟؟؟؟!!!!!!!!!!!!!!!!!

هذا حق اولى ابتدائي؟؟؟؟؟؟؟؟؟؟

 

[@ الرسامة @]

شوفو نصيحة مني
بالنسبة للعربي انا ولدي باولى

الحل الوحيد انج تخلينه ينسخ على طول بالبيت
ليل ونهار
ماعليه صعبة ادري
بس كافئيه بعدين
كثر ما ينسخ راح يحفظ ويفهم




بس انا عندي استفسار للانجليزي

انا احفظه الحين صوت الحرف وشكله

بس شنو الكلمات اللي يحفظها

 

[نورالقمر24]

كلا صوب ونجليزي ورياضيا ت صوب

 

[Miss_Tiger79]

المدرسه طايرين بالتدريس عشان التأجيل الي صار
بس المفروض يحطون خطه عقب ما صار التاجيل يعني يا يحذفون شي او يقللون عشان الياهل يفهم المنهج عدل

الله يعينكم ويعينا يا امهات اولى ابتدائي
بس ميخالف من الحين يعطونهم الصعب احسن
عشان يتعودون

بس انتو عطوهم النسخ بالبيت وايد حتى وانتي قاعده حطيله ورقه وقوليله اكتبلي اي كلمه من كلمات الدرس
وانشالله بيحفظونه

 

[@ الرسامة @]

ما رديتو على شلون على الانجليزي ؟؟؟؟؟؟؟؟؟؟؟؟؟

 

[78MariMar78]

معاكم ح صعب يعطول اول ابتدتئي املاء بجمله
لو كلمة او كلمتين ما عليه
بس جمله مرة واحدة

صعبة


ربي يوفق عيالنا جميعا

 

[أم دانـــه]

حبيبتي الي تسال عن الانجليزي ما اعتقد الكلمات حفظ الكلمه يحفظ شكل الكلمه للقراء والتوصيل
الحفظ بس للاحرف
بالنسبه للعربي حدث ولا حرج
اليهال من الروضه عمرهم ما مسكو قلم واول ما يمسك القلم يكتب هذي الكلمات الصعبه
في يوم حضرنا يوم مفتوح وكنا في الصف نتابع الشرح مع كل مدرسة ماده
مدرسه العربي تشرح حق اليهال بالفصحى
ومدرسه الانجليزي تشرح بالانجليزي ولا كلمه عربي في الصف
أمانه شلون

 

[أقسى جرح]

امبييييه صج المنهج صعب

والكلمات كل يوم كلمه جديده .. شنو عبالهم أطفال اليابان؟

 

[dnyay_mll]

انا مادري منو اللي عاجبه هالمنهج البايخ
ولا احنا شكو باسراء والوانها
بس هذا يهوون
انا مو ذابحني الا الرياضياااات
اسماء العدد من الحييييين وواصلين لي 9 ماصارلكم 4 ايام والله مايخافون من الله
مفكره احط حق ولدي مدرس وارتاااح
تعبت وانا احط عواد والوان وخرابيط ابي المعلومه تدش بمخه مو راضيه

 

[fajoora75]

اي حرام اسماء العدد مساكين بدو معاهم من 5 لي 9 حرااااااام خلال يومين تخيلو مخهم راح وموقادره افهمها المنهج ولا اهي قادره تستوعب المنهج مال اسنه اللي قبل اللي طافت يعططونهم اسماء العدد على طريقة نشيده او اغنيه وصج حفظتهم صم هالمنهج لا على طول مادري شالحل

 

[ريشه123]

مرحباااااااا ... والله اني اعااااني نفسكم وخصوووصا انه ولدي بجري.. ماعندي خبره بالتدريس كلش
المهم بقووولكم معاناااتي وياه وطريقة تدريسي له
نجي للعربي :
كل يوم اخليه يحل الواجب طبعا اهم الحين واصلين لدرس الخامس وخذوو حرف ال ن بالحركات والاصوات
يعني ابداع حدددددددده مثل ماقلتو طايرررررين بالتدريس ..
طبعا تدريسي له يوميا من اوووول درس الى اخر درررس كل الكلمات والجمل اراجعها له وغير الاحرف الابجديه اللي انا قاعده احفظه له ..بالحركات والاصوات وهالشي من عندي زياده لاني احس انه مايعرف يقرا الا الكلمات الا اللي خذاهم .. وهالشي مو مقتنعه فيه ...
والتقيم ماله الاول : تمام اما الثاااني مزفت
ولا امس كان عندي استدعاء من مس العربي : بالله عليكم تدرون شنو تقولي ..شدي على الولد تقووولي انا عارفه انه يعرف يكتب بس يعاند
يعني شسوووي بالبيت يكتب وبالصف لا انا شنو بيدي؟؟؟؟

الرياضيات البدعه :::

طبعا دروووس تكوووين الاعداد ابييييييييييييييه مو مستوووعبه ولا عارفه شلوووون اوصله المعلومه ... ولا تخيلووو الحين واصلين تكوووين العدد 12
يعني
----- و----- تكونان -----
الحل:
9و3 تكونان 12
10و2 تكونان 12
11و1 تكونان 12
مورااااضي يستوووعب ان الرقم الكبير يحطه براسه والعدد الصغير بيده ويكمل العدددد
والله بصييييييح صعبه عليه ...

الانجليزي:
unit 1 :حيل حلووو
وسهل
و unit 2 :my body
هم حلوو بس يبيله تركيز

طبعا شريت الكاسيت حلووو ويساعد ..
بس هم الاملاء صعب عليه الكلمات المطلوبه
بصراحه تدريسي معاه : مو مدققه عليه وايد احس العربي والرياضيات اكثر

اما باقي المودا عااديه جدا : وخصوووصا العلوووم حيل يحبه وانشطته مسليه بس كتااب النشاااط اللي احس يبيله متااابعه ولا جزء من درجات التقيم عليه

للمعلوووميه ولدي بفجر الصبااح

 

[كويتية صغيرة]

بالنسبة لمادة النجليزي اولى

كلها صور و سماعي
و اسئلة نظرية

و يعلمونهم الأحرف مع كلمات بسيطة
و دائما امتحانات اولى ..... توصيل مع صور ، او ترتيب ارقام
يعنى اغلبه نظري مع صور
قليل اللي فيه كتابة

ركزوا على العربي
حتى لو خلصوا الدرس
حرصي انه يكون تعلم الأحرف اللي خذوها بالدرس
و أشكال الأحرف في مواقع مختلفة (اول الكلمة اخر الكلمة و في وسط الكلمة)

و ركزوا على الرياضيات لانه الأساس
لازم يحفظ مكونات العدد
لانه اساس لباقي الدروس
حاولي تحفظينه بالبيت
لازم متابعة
يمكن يلعب بالصف و ماينتبه لكلام الأبلة
في النهاية هذول اطفال
و الله يوفق عيالنا و عيالكم