امهات التوينز ,, ممكن تساعدوني

[شيخة الحلوة]

السلام عليكم ورحمة الله وبركاته شخباركم
بنات
حبيباتي

انا عندي توينز اسم الله عليهم الحين عمرهم سنة وشهرين

بنية :ggdw:وصبي:eh_s(9):

بس ماشاالله حيل متعبين
وخاصه بالليل صايرين يقعدون علي الفير الساعه 4ونص او 5 وينامون 7 الصبح
:eh_s(16)::eh_s(16)::eh_s(16):
قولولي وساعدوني شنو اسوي عشان انظم نومهم؟؟؟ لانهم لازم ينامون الظهر عشان ما ينامون علي الساعه 8 او 9 بالليل لازم ينامون 11 بالليل او 10 ونص

بس صج صج تعبت اسم الله عليهم
والحين صايرين ع طوووول يتهاوشون مع بعض والبنية عياره تاخذ الاغراض تنحاااش وهذاك يلحقها يبي اللعبه

وقوولولي وين القا بدل حلوة حقهم :eh_s(7)::eh_s(7):

حق العيد

ومشكورين

وباقول شغله ولدي مو مثل خواته
يعني بنتي البجر اوكي كبيره تقريبا3 سنين
بس اخته التوينز تقول ماما عدل وبابا بس اهوا لا يقول باااا ويقول مااا
هههههههههه
هل هالشي عادي؟؟؟

 

[وصايف4]

الله يخليهم لج يارب
سالفة النوومه ما اقدر افيدج لان ولدي عمره اربع سنين مو قادره اسيطر على نومته
واللبس بكل مكان يهبل عملي زارا واتش اند ام واوكايدي
والغالي عندج بربري يهبل تشيكلة الصبيان وديوور
وسالفة ماما وبابا خليها للبنوته اما الصبي من الحييين با وما رجااال ماريغشمر ههههه

 

[شيخة الحلوة]

فديتج وصايف ماااقصررتي


هههههههه اي والله ماادري شنو الحل معاه

 

[توحه1]

سالفة الملابس
الوفيرا ماركة الخريطه للبنت تنوره على خريطه وقميص ساده وكبوس اوباند خريطه او سكارف حطيه على شعرها لها ولاختها ام ٣ سنوات
اما الولد بنطلون وصديري خريطه وقميص ابيض ساده اوشورت خريطه
وانت بس قميصج وشنطتج خريطه وحزامج والباقي ساده عادي وبجذي انت وعيالج مطقمين

 

[توحه1]

او جمبوري في للبنات والاولاد من صفر لي ١٢ سنه طقمي لعيالج كلهم

 

[توحه1]

وتقدرين تاخذين بيربري للكبيره نفنوف وحذاء وشنطه سوده جلد صغيره
وللصغيره تنوره فقط وتلبسينها فوقه قميص ابيض وجنطه صغيره حمره
وللولد قميص وتلبسينه تحته شورت اسود وجوتي كيفج بربري او عادي وجنطة ظهر بيضه او بيج الكمل(( الترابي))
ابيه بدعت قمت اشرح وايد كانهم عيالي

 

[ليمونة وزيتونه]

اب اب

 

[شيخة الحلوة]

توووحه فديييتج والله ماااقصرتي وايد عطيتين افكار ماااقصرتي فديت قلبج واصابعج اللي تكتب والله

ليمونة وزيتونة مشكورة على الرفع حياتي

اسمج يوحي بالتوينز ههههه

حبيت الاسم حق اعيالي عاد بنتي البجر شيوخه اسميها خوخه
خل اطقم الباجي معاها اسامي
البنية ليمونة والاسمراني زيتونة هههههه

 

[توحه1]

هههه الله يحفظهم لج ويرزقج برهم
العفوا انا اعين وعاون

 

[أبله أريج]

ااب

 

[@ام يوسف@]

للرفع

 

[توحه1]

تقدرين تلبسين البنت الكبيره فستان جنز او لون اصفر مثلا
وعليه سكارف عريض وصندل ورود وباند ورود ملونه
والبنت تنوره نفس لون فستان اختها وقميص مشجر اوبلوزه مشجره وصندل نفس اختها وشباصات ورود
والولد بنطلون وقميص مبكر او كاروهات وصندل مشربك وكبوس
وكلهم نظارات
واخذيلهم لقطات
والله لوعندي تونز ابدعلج في لبسهم

مثلا كلهم بلايز حمر وحده مخطط
وحده ساده وحده مشجر وشورتات جنز وصنادل والعوده كله على جنب وشبابيص ملوته صغار صغار والصغيره عنقوصين وشرايط لونين او ثلاث
والولد كبوس او سكار ف

 

[شيخة الحلوة]

فديتج والله

 

[om MaRyooM]

ههههه الله يعينج ويلهمج الصبر والقوة

بالنسبة للقعدة ماعندي فكرة صراحة بس جربي ماينامون بعد الظهر عشان بالليل ينامون طووول الوقت مايقعدون الفجر

وبالنسبة للكلام عاادي من ياهل لي ياهل يفرق


والهدوم انصحج ب زارا .. او جيمبوري اللي بمارينا وايد عجيب

 

[توحه1]

ههههه
مشكوره

 

[شيخة الحلوة]

مشكورين توحه وام مريوم حياتي

 

[توحه1]

العفوا