امهات الابداع ...ممكن شوي

[اي اسم]

امهات الابداع طلبتكم تفيدوني واجركم ان شا الله على الله
ولدي كان في البيان ثنائية اللغة وهي مدرسة ممتازة ولا يعيبها الا الاختلاط وانها تمثل المجتمع الفري غالبا واحنا عائلة محافظة معتدلة وبالنسبة لنا كان لازم ننقل ولدنا الى مدرسة اخرى بسبب ما ذكرت ولكن كنا محتارين بالتوقيت
المهم لما خلص ولدي جريد 3 نقلناه لان خفنا يتعلق اكثر بالمدرسة ويرفض انه ينتقل منها وكنا محتارين بين الابداع والرؤية لكن فضلنا الرؤية لانها اقرب للبيت
حاليا ولدي بالرؤية جريد 4 وصراحة تدريس اغلب المواد فيها ممتاز وطبعا القران والدين توب والصف الرابع عندهم يحفظ الجزء السابع والعشرين من القران بس اللي مضايقني مستوى الانجليزي شوي منخفض واللي صدمني انهم يدرسون ولدي كتب مكتوب عليها جريد 3 مع انه بالصف الرابع والشي الثاني انه مدرسيين الانجليزي عرب واكيد التعليم على ايدي ناس لغتهم الام اهي الانجليزية اكيد بيكون افضل
صف ولدي فيه 19 طالب وياخذون غير التربية البدنية كونفو بس في مدرسة واحدة للعربي بالصف ومدرسة واحدة للانجليزي بعكس البيان كان فيه للعربي مدرستين اساسية ومساعدة ونفس الوضع بالنسبة للانجليزي مدرسين اثنين اساسي ومساعد وطبعا امريكان
المهم اللي ابيه منكم انكم تفيدوني عن مدرسة الابداع
عدد الطلبة بالفصل
مستوى مدرسين الانجليزي وكم مدرس انجليزي للفصل
مستوى العربي وكم مدرس عربي للفصل
تعليم السباحة عندهم والانشطة الرياضية الاخرى
كمية الواجبات يعني الطالب كم يحتاج وقت في البيت عشان يخلص واجباته اليومية
يعني في البيان كان في جدول واجبات اسبوعي بحيث ان كل يوم يكتب واجب لمادة واحدة وهذا الواجب كان ما يتجاوز الربع ساعة وبس
بالرؤية في جدول اسبوعي بس ممكن يصادف اكثر من واجب لاكثر من مادة بنفس الوقت والواجبات عموما في الرؤية ما تتجاوز الساعة يوميا من وقت الطالب
ابي اعرف بعد ما عليكم امر عن الزحمة عند مدخل المدرسة والشوارع اللي عندها وتوفر المصافط في الهدة والصبح
يعني اذا بروح اخذ ولدي بالهدة من الابداع وين اصفط ووين الولد راح الاقي ناطر

ومشكورين وجزاكم الله خير واتمنى انكم ما تبخلون علي بالاجابة
لان صراحة ودي احط عيالي كلهم بمدرسة وحدة وماودي يكونون متفرقين
على السنة القادمة واحد بيكون جريد 5 وواحد جريد 2 والصغير كي جي 1

بلييز ردو على استفساري

 

[اي اسم]

وبعد باضيف سؤالين
بالنسبة للفرصة هل في ساحات منفصلة للابتدائي والمتوسط والثانوي ام ان توقيت الفرصة مختلف لكل مرحلة ؟
وبالنسبة للهدة - نهاية الدوام- اخذ ولدي وخاصة اولى ابتدائي من الصف او من الساحة
واذا من الساحة هل في ساحة خاصة للابتدائي ينطرون فيها اهلهم وقت الهدة
وسلامتكم
ادري ثقلت عليكم بالاسئلة بس صراحة مالي غيركم اسئله واجركم على الله ولكم مني الدعاء وجزاكم الله خير مقدما

 

[اي اسم]

وينكم يا امهات الابداع ؟ ناطرتكم
وناطرة ردودكم
بلييز ردوا

 

[حلم الطفولة]

هلا أي إسم ,, الابداع روعه واتهبل ,, صح كانت وااايد أحسن بس كل المدارس كانو وااايد أحسن والأول تحول.
البنين مبناهم منفصل عن البنات.. والابتدائي فرصتهم غير المتوسط والثنوي, والمدرسين أمريكان وكنديين وروعه روعه روعه.
البيئه حدها اسلاميه. وعندهم انشطه على مدار السنه . والعربي قوي. . . بعد المناهج زينه.
بس ماكو حمام سباحه بمبنى الاولاد .. عندهم برنامج لايف سكيلز حلو حلو حلو .. والواجبات معقوله عند النين .. بس وايد عند البنات.
ووالهده ما يطلع الولد الا اذا اهله خذوه من داخل المدرسه

 

[اي اسم]

بعد عمري حلم الطفولة مشكورة على ردج
اخيرا احد عبرني
بس ما قلتيلي عيالج الصبيان باي صف
وجم تقريبا ياخذ الطالب من الوقت عشان يخلص واجباته اليومية وتسلمين لي

 

[ReeMaN]

هلا قلبي بنات اخوي في الابداع الروضه يم مدرسه البنين بس مفصولين عن الابتدائي يعنى بابهم من جهه ثانيه بالشارع اللي مقابل الجابريه والبنات مبنى بروح وصوب البنات حيل زحمه لان قبال مدرستهم اكو مدرسه امريكيه وراهم مدرسة قطوف وهالمدارس صايره بين عمارات واتمنى اني ساعدتج

 

[اي اسم]

وبعد باضيف سوال
كم مدرسة للعربي بالفصل وكم مدرسة انجليزي
يعني في البيان كان في مدرسة عربي اساسية ومدرسة اخرى مساعدة وكانو يتواجدون بالصف اثنينهم بنفس الوقت ونفس الشي بالنسبة لمادة الانجليزي لكل صف مدرسين اثنين فشلون الوضع بالنسبة للابداع

 

[اي اسم]

هلا اختي ريمان ومشكورة حبيبتي على ردج
انا الحين اللي يهمني الصبيان لان بنتي توها صغيرونة
ان شا الله عاد تكون الزحمة عند مدرسة الصبيان معقولة !
ما قلتيلي شلون بنات اخوج بالروضة ان شا الله مرتاحين وشلون روضة الابداع لان عندي ولد بيدخل الروضة السنة الجاية
ومشكورة حبيبتي

 

[ReeMaN]

هلا اى اسم بنات اخوي كبار 2 بالمتوسط ووحده بالابتدائي والصغيره بكي جي 1 الي بلروضه واااااايد مستانسه من مدرساتها وطريقة تدريسهم كله لعب وتدرين بعد دايما المدارس الامريكيه دايما تدريسهم fun من الروضه الى الثانوي وعندهم انشطه بعد المدرسة اذا حابه عكس مدرسة الحياة احسهم وايد مشددين بالتدريس حتى حق الروضه ولدي بعد عمري فيها ... دشي سايت مدرسة الابداع بس عيبها ان عندهم عطلات وحفلات نفس المسيحين يعنى عطله الكريسماس ويحتفلون بالكريسماس وعيد الهالوين ونا كنت بغيت اسجل ولدي فيها بس لظروف خاصه تاخرت بالتسجيل في الابداع وماحصلت له مكان

 

[حلم الطفولة]

هلا بنات حلوات .. الابداع مافيها احتفالات كرسمس ولا هالووين.
الصف فيه مدرسه وحده والثانيه المساعده تدخل وتطلع ,, بس أولى وثانيه تظل بالصف معاهم مع الأساسيه.
مدرية الصف دايما بالصف . مكتبها تلفونها كمبيوترها كل يومها مع اليهال لدرجة العام بنتي المدرسه الأساسيه تقعد معاهم حتى بحصة العربي!!
السنه لاحظنا واااايد انظم الناهج... يعني الظاهر حاطين منسقة مناهج رائعه.. وبالنسبه للورقه مالت الواجبات ترسل الاحد وفيها كل شي.. واجب الانجليزي يرجع للمدرسه الأربعا أو الخميس .. وحسب الأبله .. بعضهم واجب ماث كل يوووم!! وبعضهم يوم وترك!! وبعضهم بس بالصف !! حسب وقتهم.
المبنى , مو زود وقديم ,, بس امضبطينه حق يلائم النظام اللي ماشين عليه.
...هوم رووم تيشر.. لااازم أمريكيه .. بناتي أبلاتهم ماجستير وشهادتين و.... شي عدل.
عزيزتي اي اسم آنا جربت مدارس ثانيه وشفت الفرق.. ولقيت راحتي وراحة عيالي بالابداع.
أي سؤال عن البنين ان شالله اسأل لج صديقاتي وجاوبج.

 

[اي اسم]

هلا ريمان حبيبتي ومشكورة على ردج
اذا تبين الابداع قدمي لولدج هالسنة للسنة الجاية وانا بقدم لعيالي بعد صراحة تعبت كل واحد بمدرسة ودي اجمعهم بمدرسة واحدة ووصلهم المدرسة بنفسي الحين كل واحد مشركته بباص الكبير بالرؤية والصغير بالحياة ودايما احاتيهم غير ان الباص يا حرام يفتر فيهم ويدوخون
بس صراحة الحياة لحد الحين ممتازة بالانجليزي بس العربي شوي ضعيف مقارنة بالبيان واحس الابلة مالتهم يالله تلحق وبعدين ودي اعرف اهي تدرس جم صف لاني احس ان عليها ضغط
الرؤية زينة بس الانجليزي للاسف ضعيف بعكس البيان
صج ما في مدرسة كاملة بس الواحد يبي الافضل لعياله والمدارس القديمة احسن من الجديدة لانه مدرسينها خبرة وخلاص المدرسة استقرت على نظام معين وصلحت اخطاء السنوات الماضية والله اعلم

 

[اي اسم]

هلا اختي حلم الطفولة
صراحة طمنتيني وفرحتيني
وان شا الله الله يكتب اللي فيه الخير لعيالي وعيالكم ويرزقهم المدرسة اللي فيها الخير لهم
بالنسبة للهالوين ما كان في البيان هالشي بس كان عندهم يوم الكتاب واهو ان كل طفل بالابتدائي والروضة والحضانة يلبس ملابس شخصية قرا عنها قصة وعجبته يعني شي مشابه للهالوين والصبح بالطابور الطلبة يستعرضون في ال book parade وكان صراحة شي يونس الطالب وولي الامر لان الامهات كانو يحضرون الطابور ووناسة نشوف فناتك
هل في بالابداع شي جذي او مشابه؟

 

[حلم الطفولة]

أي عندهم بالضبط جذيه يلبسون شخصية القصه وصج وناسه.
روحي الابداع وشوفي المبنى قديم وهذا عيبهم الوحيد

 

[اي اسم]

ياحلوج يا حلم الطفولة ردودج حار بحار
انا وياج سهرانين
رحت اول السنة هذي بعد ما انصدمت ان مدرسات الانجليزي بالرؤية عرب وبعد ما رد ولدي البيت في يوم من الايام وكان متضايق لانه ما يعرف احكام التجويد وقال لي خلاص ما ابي الرؤية بس الحين ولدي مستانس بالرؤية وانا اللي متضايقة
المهم رحت قسم التسجيل على اول 9 والمدخل مال المدرسة حلو ومرتب وشفت الصبيان كانو يلعبون كرة بالساحة
يعني اذا المبنى قديم انا مو مشكلة عندي لان البيان هم ماخذين مبنى حكومي ومضبطينه وبانيين بعض الاجزاء الجديدة فيه
اهم شي الاثاث شلون صاير - الترميمات زينة والا اي كلام
شنسوي بعد ما في مدرسة كاملة

 

[DooNy]

المهم اللي ابيه منكم انكم تفيدوني عن مدرسة الابداع
عدد الطلبة بالفصل
ما يتعدى ال 22

مستوى مدرسين الانجليزي وكم مدرس انجليزي للفصل

فوق الممتاز والصف فيه المدرسة الأساسيه والمساعده غير مدرسة اللايف سكيلز

مستوى العربي وكم مدرس عربي للفصل

المستوى زين الكتب كتب الحكومه وأغلب المدرسات سوريات وسوريين ومدرسه وحده لكل فصل


تعليم السباحة عندهم والانشطة الرياضية الاخرى

في مبنى البنات السباحه عندهم أساسي من اولى ابتدائي ولها حصه خاصه غير الرياضه والمدرسه تختلف
بس مبنى الاولاد ما عندهم وسمعنا كلام عن مباني جديده للمدرسه تكون مهيئه بالكامل
الأنشطه الثانيه عندهم حصة رسم وحصة مكتبه مره بالاسبوع وفي نشاطات بعد الدوام الرسمي ترفيهيه وتعليميه بنفس الوقت بدون رسوم للي يحب يشرك عياله والحجز للأولوية


كمية الواجبات يعني الطالب كم يحتاج وقت في البيت عشان يخلص واجباته اليومية

الواجب ينعطى الخميس وساعات الأحد ويسلم نهاية الاسبوع وهي عباره عن مجموعة أوراق تتضمن (الكلمات والقواعد والرياضيات والعلوم) ما تتعدى ال10 صفحات
وانا أخلي عيالي كل يوم يحلون من 2 لى 3 أوراق ماتاخذ اكثر من نص ساعه
والعربي يم تسليمنا المقرر الاسبوعي شنو راح يدرسونهم وشنو الواجب لكل يوم ساعات يكون فيه نسخ درس وساعات حل أسئلة الكتاب وهم ما ياخذ نص ساعه
والاسلام كذلك نفس الشي بالمقرر الاسبوعي بالاضافه الى الحفظ يا آيات أو أحاديث
يعني التوتال عيالي يدرسون ساعتين باليوم مجرد حل واجبات ووحفظ ومراجعه أتوقع معقول

ابي اعرف بعد ما عليكم امر عن الزحمة عند مدخل المدرسة والشوارع اللي عندها وتوفر المصافط في الهدة والصبح
يعني اذا بروح اخذ ولدي بالهدة من الابداع وين اصفط ووين الولد راح الاقي ناطر

انا ما أقدر أسميها زحمه اهو بطء بالحركه يعني الي يوصل للبوابه على ما ينزلون عياله وياخذون جناطهم يبيله وقت فتشوفين زحمه بالسيارات تاخذ دور بس مو وايد زحمه انا اوديهم قبل الجرس بنص ساعه الشارع يصير فاضي
البنات تقطينهم عند الباب وتكون الاخصائية وافقه تطالع الي يدش حتى ساعات لا بغيت ادخل مع بنتي تسالني وين بروح وما تسمح للخدم يدشون مع البنت الا اذا كان عندها شي ثقيل ما تقدر تشيله وبالهده ما يطلعون لازم تستلمين البنت من مدرستها الاساسيه يا بالمسرح بنات اولى وثانيه او بالساحه من 3 إلى 5
اما بالنسبه للاولاد نفس الشي الصبح بس انا ادخل مع ولدي واوصله داخل ما يقولون شي واخليه بالساحه وساعات اصعد معاه يحط جنطته بالارفف يم صفه على حسب اذا ماكان فيه مراقب صعدنا وساعات ما يسمحون نصعد.
بالهده تاخذينه من المسرح من مدرسته يعني ما في ياهل يطلع من المدرسه بدون ولي أمره او الناني تكونين كاتبه اسمها بداية السنه منو راح ياخذ الولد بالهده انا اكتب يا انا يا ابوه يا الناني ونفس الشي في البنات هذي الورقه ضروريه علشان يعرفون من معاه راح

 

[nouna82]

اي اسم

1)عدد الطلاب تقريبا من 21 الى 23
2)لكل فصل مدرس انجليزي يدرس قرامير و علوم و رياضيات و اجتماعيات وتكون دايما عندهم و في مساعدة لها مستوى الانجليزي ممتاز
3)مافي مدرس عربي دايم للفصل يعني يقعد على طووول لان الابداع مو ثنائية لغة بس مستوى العربي بالنسبة لي وااايد زييين و المواد العربية بس عربي و اسلام
4)والله ماعندي فكرة بالضبط عن الانشطة للاولاد بس جنة اللي اعرفة مدرسة الاولاد ماعندهم حمام سباحة و مو مهتمين بالرياضة عكس مدرسة البنات عندهم كلاس واحد سباحة بالاسبوع و عندهم بطولات رياضية ( بس هم تاكدي ) لان ولدي للحين بال kg2
5)والله واجبات وااايدة انا شايب رااسي لان المدرسة وااايد قوية يعني باليوم تسوي انجلش و عربي و مرات اسلام و مرات رياضيات و قصة و طبعا على حسب المرحلة

 

[nouna82]

6) بالنسبة للزحمة واايد ارحم من المدارس الباقية لان مبنى الاولاد منصل عن مبنى البنات .... البنات في شارع المثنى و الاولاد في شارع شرحبيل

7)بالنسبة للواجبات كل طفل و طبعه و فطانته ما اقدر اقول جم يحتاج

8) kg1 يطلع الساعة 12ونص و grade يطلع 2 و عشر تقريبا

9) اللي اعرفه من خلال مدرسة البنات ان فرصة الابتدائي غير عن فرصة المتوسط و الثانوي و حتى البوابة غير بس يسمحون للاخوان ان يتواجدون في نفس البوابة و اولى بالبداية من الفصل و بعدبن من المسرح

 

[nouna82]

عندده مناسبات reading week /traditional day /internashonal day /gergay3an/ graish /و البنات هم يسوون مناسبات ثانية crazy day /fashion day /halaga day /يعني جذي

 

[DooNy]

الاحتفالات والمناسبات بالمدرسه
1- قريش
2- القرقيعان فيه parade وكل المدرسه يلبسون اللبس الشعبي والطالبات يوزعون على بعض القرقيعان ويتبرعون بواحد لأطفال مكي جمعه
3- افطار جماعي في رمضان يوم لكل مرحله
4- العيد الوطني فيه Parade اللبس الوطني لكل المدرسه
5- crazy day يلبسون لبس مرقع ويظحك
6- يوم لبس أيام الخمسينات الستينات يعني لبس الآفرو أو الريترو
7- أسبوع القراءه وفي جوائز للي يقرا أكثر ويوثق الكتب الي قراها بورقه موقعه من ولي الأمر
8- يوم القصه ويكون في اسبوع القراءه يلبس الطالب شخصية الكتاب الي قاريه وييب الكتاب معاه ويسون Parade وكل طالب يقرا قصته بالصف جدام الكل
9- الأسبوع الرياضي كل يوم يلبسون لبس رياضه معين مره كرة قدم مره باليه مره تنس مره مشجعات ومره الكاب االرياضي لينيخلص الأسبوع
10- اليوم الرياضي يأجرون نادي القادسيه أو اي نادي ثاني ويسوون يوم رياضي لكل المراحل بس كل مرحله بقسم يعني الابتدائي بمكان والمتوسط بمكان والثانوي بمكان ويشكلون فرق الفريق الواحد يتكون من طالبه من كل مرحله ويتسمى بأسم دوله من الدول ويتنافسون على الكاس والألعاب تكون حلوه ومو عنيفه

11- يوم الجينز المدرسه كلها يلبسون جينز فيه parade
12- يوم اللون الودري كل المدرسه يلبسون وردي فيه Parade
13- يوم التوأم كل بنتين أو 3 من الصف يلبسون نفس الشي فيه Parade
14- يوم قوس قزح كل صف يلبس لون والطابور تشوفينهم كأنهم قوس قزح وفيه Parade
15- الإحتفال على تعدي 100 يوم بداية الدراسه
16- اليوم العالمي كل صف يمثل دوله معينه ويلبسون لبسهم التقليدي واييبون معاهم أكلات هالبلد وفيه Parade بالساحه و show بالصف
17- Pajama day
والله وايد بس هذا الي أذكره ألحين يعني سنتهم الدراسيه تونس وتمر عليهم بسرعه غير الرحلات الي ما تخلص أذكر أحلى رحله لعام ودوا البنات فلكس فاميلي وقضوا اليوم الدراسي كله فيه

 

[ReeMaN]

انا الابداع حابة نظامهم بس مادري ليش العالمية شادتنى اكثر مع ان ماعرف عنها شي بس لان عالشارع مو دواعيس ويم دوامي ومبناهم شرح مادري عن داخل وعلى كلام لوف ستوري ناس تمدح وناس ت\م فيها وياليت احد يساعدنى بمميزات ومساوئ العالمية الامريكيه