امهات ابي مساعدتكم .. بسافر مع ولدي الرضيع ومحتاجة نصائحكم

[كوكي العسل]

السلام عليكم ورحمة الله وبركاته

خواتي انا بسافر الاسبوع الجاي ان شاء الله مع ولدي عمره تقريبا 5 شهور ..

السفر 6 ساعات ونص .. وااايد احاتي سالفة الرضاعه ولدي يرضع صناعي

وين اغسل الممات :eh_s(16):انا باخذ 5 ممات بس ماادري اوقات ولدي يرضع شوي وبعدين يبي يرضع مره ثانيه صج اتوهق اذا سواها فيني .. ودورت على الممية اللي تكون استخدام واحد لللاسف مالقيت منها ..

ثاني شي ماادري انا اللي اعرفه ممنوع ادخل سوائل او ماي للطياره ماادري بحال وجود رضيع يصير ولا لا ولا شلون يرضع :bbbiu:

وبشكل عام شنو اخذله معاه بالجنطه اللي تكون معاي بالطياره ساعدوني بليز بنات

 

[MOOON&M]

الله يكون بعونج

شوفي قبل لا تركبين الطياره رضعيه

وغسلي مميته وبدليه

بالطياره راح تحتاجين تغيريله مرتين بس خلا ال٦ ساعات

واول ما توصلين المطار روحي غيريله ورضعيه

راح تحتاجين معاج بجنطة البيبي

مناديل البيبي

كلينكس

حفاضات

مقسم الحليب+ علبه حليب

بجامتين مريحات

وجاكيت اذا الدوله الي رايحتلها باارده

مطاره ماي حار يفضل تكون المانيه علشان ما يبرد الماي

ومطارة ماي بارد

لا تنسين الادول ان شالله ماتحتاجينه

وان شالله البنات مايقصرون وينصحونج

 

[برميت]

عطيه ادول او اي مخدر لوول انا ضد هالشي ..بس بالسفر ضروري
لانه البيبي راح يبجي و يأذيج من المطبات الهوائيه و اذونه راح تنسد

و انا دخلت مطاره الحليب و مميات فيهم حليب محد كلمني
و لا تنسين لما تحجزين كرسي قوليلهم ابي اول شي علشان فراش البيبي
و مساحه اكبر حق الحركه

 

[كوكي العسل]

جزاكم الله كل خير بنات على المساعده

 

[<<لمار>>]

اخذي معاج مميات زيادة تحسبا لاي طارئ

 

[ام اغلى الناس]

اكيد ان طلبتي منهم ماي حار بالطياره بيعطونج
نصيحه اذا تقدرين تخلينه عند اهلج خليه
راح تعذبينه وتتعذبين
انا اخذت ولدي سنه ونص بس تعبنا حيل انا وياه
اما اذا رايحه مطوله لدراسه او غيره ف راح تظطرين تاخذينه
الله يعينج
اخذي مميات واجد وحليب بودر اللي يحبه
كثري يمكن ماتلقينه بالديره اللي رايحه لها
وحفاضات
و صدريات
ومصاصات لو يمصها
فرشه تغسلين المميه بالطياره لانه مو زين يقعد الحليب فيها
تنمو البكتيريا
و شوية صابون سائل
احجزي المكان الاول عشان يحطونلج سرير
لازم مبجر الحجز
تروحون وترجعون بالسلامه

 

[بآريسة ~]

قلبيَ ، لا تحاتين ولا شيَ ، سهآاالات ان شاللهَ
انا قبل كم سنه كنت مسافره والرحله زيك ٦ ساعاتَ
ومعي ولدي عمره شهرين كانَ !!
بس الحمدالله ي ربَ ، ماحست بأي شي معهَ

اهم شي السرير او الكرسي الشيال ، هذا اهم اختراع سووه
احط الطفل فيه واشيله معي لآي مكآن
من طلعت من بيتنا واهوآ بالشيال او الكرسي حقهَ «-- نسيت شيسمونه
وبالسياره فيهَ واول مانزلت المطار حطيته بعربيتهَ
ودخلو العربيه لطياره واحياناً لا يطلبون يشحنونها لكَ
جلست والكرسي اللي يمي حطيت ولدي بكرسيه فيه وسكرت الحزام عليهَ عشان السيفتي
الرحله كانت الفجر شرب مميمه وحده وعليييييييييييييها كللللله نوم بس قبل الهبوط
شلته ودخلته الحمام غيرت له البامبرز وبسَ !

شفتي ماكو تعب ولا حوسه ولا لويهَ ،،

بقولك الاشياء المهمه بنظريَ ،
اول شي يكون لابس لبس مريييييييح بربتوز قطني مثلاِ
ومعه بالشنطه لبس مريح ولبس ثقيل عشان اذا الجو بارد تغيرني له
بامبرز ، ومميه انا احتجت لوحده بسَ ، انتي خذي ثنتين احتياط
آمممممم اي وافضل تلبسينه المريله عشان لو رجع حليب وكذآ

وبس تنزلين من الطياره تشيلينه بكرسيه مثلاِ وقت الانتظار تكونين واقفه
يكون اهو عند رجولك منزله كرسيهَ ، مايتعبك ان شاللهَ
وحتى لو ركبتي السياره حطيه وراه وثبتيه بالحزام وخلاص
كان مرييييحني ب سسفرتي هالكرسسيَ جد بدونة مادي وش كنت بسويَ

حطي ببالك زوجك يشيل الكرسي مو انتي هههههه لانه ثقيل شوي
الكرسي بروحه يمكن ٣ كيلو ف مع البيبي بيكون اثقل يبي له يد قويه
ان بصراحه ما قدرت اشيله هههههه

اي وبخصوص المويه عادي اطلبي وهم يجيبون لكَ
مويه بارد وحار ع كيفك ،،

ان شالله افدتك بتجربتي قمرتي ،

 

[*lavandula*]

ماقصروا البنات
والبعكس ياحلوهم بهالسن كلللللش مايأذون (حطوني تلقوني)
تقدرين تطلبين سرير للبيبي بالطياره يوفرونه لش
وبالنسبه للماي عادي اتصعدينه الطياره واذا مارضوا بالطياره خليهم يعبولش المطارات

انصحش بالعربانه اللي يجي معاها سرير او كرسي متحرك حييييل مريحه

 

[om MaRyooM]

اخذي معاج شي ينومه
نفس البونيسان من همالايا شوي يهدي الياهل ويطلع الغازات

والاغراض كثريله صداااري اكثر شي وافرولات

والله يعينج
ولوفي مجال تتركينه عند احد افضل

 

[ام الحلوااات]

انـــتـــــي رضــعــــيـــه فـــبـــل تـــصــعـــــديــــن وبـــدلــــي لـــــه وبــيــنــــااام
واخـــــذي مـــعـــــاج بــجــنــطــتــه مــــطــــارة الـــمــــاي الـــدافـــــي و 3 مــمـــيـــه اعــتـــقــــد واايــــد كــاقـــيـــه لانـــه يــحـــتــــاااج الــحـــلـــيـــب كـــل ســـاعــتــيـــن ونــص تــقـــريــــبـــآ مـــا راااح يـــرضـــع كـــل الــســت ســاعـــات مــمــكـــن يــرضـــع مـــرتــيــن او 3 بــالــكـــثــيــــر
واخــــذي مــقــســـم الــحــلــــيـــب مــتــعــبــي حــــق 4 او 5 رضـــعـــااات بــــس
5 حـــقـــظــات / مــنـــاديــــل الــمــبــللـــــه للـــغــــيار /
غــيــــاريـــن بـــديـــل فـــي حــــاااال رجـــع عـــلــيـــج ويــفــضـــل وااحـــــد يــكــــون ثـــقــــيــــــل حـــيـــل اذا رااايـــحــــه دولــــه بــــاردة
خــــااافــــض للــحــــرارة للـــضــــرووووورة فــقـــط يــعــنــي لا تــعـــطــيـــنـــه عـــشــــان يـــنـــام مـــــــو زيـــــن
بــطـــانــيـــه اطــفـــــال اذا بـــغــيــتــي تــغــطـــيــنــه او بـــرد علــيــه الــجــــــو
واللــــــــــه يـــــســــهــــل امــــــــــرج​

 

[لولو كـاتي]

اهم شي رضعيه او عطيه مصاصه وقت الاقلاع وهبوط الطياره