لقيت هالطريقه
مممدري حسيتها سهله وحلوه شرايكم
بس عندي اسأله واتمنى تجاوبوني
بحددها باللون الاحمر
والسؤال بالازرق اوووكي
__________________________________
ورق عنب ماركه مارتكسبو من كليفورنيا هذا افضل نوع استخدمته ومتوفر بالجمعيات
تقريبا كوب عيش مغسول ومنقع بماي
2 طماط طري مقطع قطع صفيره + بصله كبيره مفرومه+ حبتين ثوم مفرومه+ لحم مفروم تقريبا نص كيس مثلج+
2 ملعقه دبس رمان+2 ملعقه معجون طماط+
شدتين اشبنت مفروم+ ملح وفلفل اسود وكركم و4 ملاعق سكر + 2 ملعقه زيت
كل هالمقادير تخلطينها مع العيش بعد ماتصفينه من الماي وهم تقدرين تذوقينه يحتاج ملح او سكر
( عادي ما احط دبس رمان واستبدل اشبنت بقدونس او ألغيه ) ؟؟؟
الورق عنب تغسلينه عدل عشان الملح الي فيه يروح وشوي نقعيه بماي دافي ليطرى شويه
الصلصه انا طريقتي اسويها كالتالي
اقصص بصله صغيره مع 3 فصوص ثوم واحطهم بجدر واحمسهم بزيت واكون منقعه يمي 4 قفاش كبار
صبار ( تمر هندي) وقطعه قمردين او جم حبه مشمش مجفف احطه مع الصبار
3 طماط مفروم + علبه معجون طماط
عادي ما احط تمر الهندي وقمر الدين
كل هالمقادير احطهم على البصل على النار حتى الصبار احطه اهو وطعامه وازيدهم تقريبا ماي مغلي حسب كميه الورق عنب لازم يغطي ورق العنب باربع اصابع تقريبا
انتي قدري كميه الماي على هالاساس
احط عليه حبه فلفل حار وحسب ماتحبينه حار ولالا وشويه فلفل اسود وملح
ونص كوب شكر وهم ارد اتذوق المرق اذا احبه فيه حلات اكثر ولالا واقدر الملح بعد ولما يبدي يغلي المرق اسكر النار
اول مرره ادري ورق العنب ينحط معه سكر
احسسسس كمية السكر كثيره
وشو رايكم
في جدر اقطع بصل وبطاط شرايح والي عنده ريش هم صفيه تحت الجدر شنو يطلع لذيذ موطبيعي وحطي عليهم ربع كوب زيت
وابدي لفي الورق وصفيه انا اقصص الورق اذا كان كبير ولازم تلفينه الوجه الي يلمع لازم يكون بره
اللحين اخذي مشخل وشخلي المرق على ورق العنب وحطي صحن ثقيل عليهم عشان لايتفجج الورق
حطيه على نار قويه اول ربع ساعه بعدين قصري النار وخليه نص ساعه تقريبا وبالاخر خلي تحته حديده ثقيله خليه يستوي على مهل ويتسبك وبالاخر اذا استوى عصري ليمونه وحطي عصيرها على الورق عنب ووقت التقديم رشي على الويه اشبنت ناعم
__________________________________________________
