امنتج تدخلين وتردين ابي مساعده بخصوص تخصص فنيه

[ساره 1992]

السﻼ‌م عليكم ورحمة الله وبركاته يليت تجاوبوني واللي ما تعرف الجواب ترفع الموضوع ، الس وئل هو 1: هل امتحان القدرات للتربيه الفنيه ظلم يعني اللي تعرف ترسم عدل 100% ما يدخلونها اﻻ‌ بواسطه؟. 2: كم يقبلون بتخصص الفنيه طالبات ؟ .3: وشنو افضل الدكاتره اللي يعطون a ؟ 4: واذكروا جميع اسماء دكاتره الفنيه وشخصيتهم ؟. يا خواتي طلبتكم مالي واسطه اﻻ‌ ربي الله تعالى ومتى اعﻼ‌ن نتيجة القبول بالتخصص فنيه؟

 

[حنطاويه عسل]

لا عادي مو لازم واسطه واايد بنات انقبلوا بدونها

والباجي ماعرف والله

 

[الدنيا لحظه**]

موشرط ظلم بس اللي عنده واسطه يضمن القبول واللي ماعنده ينطر رحمه الله ودكاتره الفنيه كلهم زينين والكل يمدحهم وتاريخ 2/9 القبول يبين اذا انقبلتي اقولج كل الدكاتره انشالله ولاتحاتين

 

[سحابة امل]

الاغلبيه تنقبل بوااسطه بس يقولون

ان الحين الدكاتره ياخذون على الموهبة مو الواسطه

والدكاتره حيل زينين وتعاملهم راقي

وانتي عندج اكبر واسطه ربي سبحانه بيسهل عليج ان شاء الله

 

[فـتـفـوتـه ^_^]

لا مو شرط يكونون كل اللي دشوا عندهم واسطه

بالعكس في ناس ترسم عدل وتستاهل انها تدش

والله يوفقج ياارب

مااعرف دكاترة الفنيه بس اللي سمعته انه الاغلبيه زينين

 

[^^طالبه^^]

حبيبتي بعطيج تجربتي بقدرات بتخصص الفنيه

جدا بسيط
عطوني رسمه بسيطه + قلم رصاص ومحايه و برايه

قالو ارسمي اللي جدامج رسمت خلصت سلمت الرسمه للمراقب رحت علشان يقابلوني اسالوني جم عمرج وليش تبين تحولين من التجاري الي تخصص تربيه فنيه قلت لاني احب العب بالالوان وخيالي وسيع وارسم اغلب الاحيان

بس يعني شيء بسيط
بس همن مافي عدد معين

وثقي تماما اذا ماعندج واسطه مراح تدشيين انا قدمت وجبت المعدل بس مانقبلت لاني مامعاي واسطه

الفنيه لازم واسطه والي نقبلون بدون واسطه بحكم نسبتهم عاليه ومايقدرون يعمون علي نفسهم

 

[hhhhhh]

up

up

up

 

[(ملاك)]

اب

اب

اب

 

[ساره 1992]

الله يستر وما اقول الا اني متكله ع الله الواحد الاحد الرحمن والله يكون بعوني *-*

 

[آحلى بنوتهـ]

up up

 

[فرزاشيهـ]

مالت عليهم

انا كنت ادش مسابقات رسم و افوز بالمراكز الاولى

دخلت الاختبار وانا كلي ثقه اني بنجح و رسمت رسمه حتى المرقب انصدم منها و ربي اذكر المووضوع كان عن الحيوان و الانسان ف رسمت وحده كبيره بالسن و رسمت تفاصيل وجهها و تفننت صجج لاني كنت اشوف مقاطع و شريت كتب عشان ازيد من مهارتي و اللي جنبي راسمه قارب و علم و سمجه رسمتها رسمة طالب ابتدائي عرفت اسمها بالنهايه انقبلت فنيه و قطوني باخر رغبه حطتيها !! كله واسطات الفنيه