امس عرفت اني حامل!!!

[شمعة^الحب]

هاي بنات ....خل اقولكم قصتي .. انا بعد شهرين بسافر مع ريلي دراسه وباخذ عيالي معاي وطبعا انا اخذ حبوب مانع انصدمت امس وانا اسوي تحيلي منزلي اني حامل هسترت وصرت ابجي :eh_s(11): ليش ابجي؟ لانه غربه وعيال وماكو خدامه يعني بهدله وماقدر اخذ خادمه لانه كل خدامه تتمنى تروح الدوله اللي انا بروحها وتبتدي حياتها وطبعا هناك لو الخدامه اصلا قالت اني انا خدامه اشتغل فوق 8 ساعات وانهم مثل مستعبديني ماقدر اطلع ماعندي حياة خاصة عادي جدا ريلي ينسجن اسم الله عليه ..فانقذوني شسوي طبعا ريلي هستر ماتعرفون اهو زعلان والا مستانس وقام يستغفر بس بعدها قال الحمدالله عالنعمه وقالي الله يعينج انتي شراح اتسوين بتطبخين والا بتنظفين والا بتغلسين هدوم والا بتودين مدرسه :eh_s(16): اهو يقولي جذي وانا ابجي:eh_s(11)::eh_s(11)::eh_s(11): ماني عارفة شسوي ماتعرفون ناس اغتربو مع عيالهم وشلون رتبو حياتهم ؟؟؟ ريلي اليوم اقترح عليي ليش مانخلي واحد من الياهال عند امي وطبعا عصبت ورفضت صج انه امي ماشالله عليها شايلتني شيل بس ماقدر اتخلى عن عيالي أه اه اه ماني عارفه شسوي هل انا مكبره الموضوع والا الموضوع ابسط من جذي والا انا متوتره بليز ساعدوني

 

[مزآجيه!]

حللي دم أضبط

مو شرط المنزلي يكون دقيق ، خصوصاً انج تاخذين مانع وهو عباره عن هرمونات

عموماً

اذا كآن فعلاً حمل فـ ألف مبروك ، وهذآ رزق من الله بالعكس افرحي واستانسي

واذا ع الغربه بيسهلهآ ربي ، والله سبحانه لآ يكلف نفس فوق طآقتهآ

رتبي أمورج وجدولج اليومي ونظام حياتج وماكو الا كل خير

مآ تدرين مع تغيير الجو يكون حملج خفيف وتسوين اشغالج بكل سهوله

فـ اللي عليج استغفري ربج واستخيري لـ سفرتكم هذي والله بيسر أموركم إن شاءالله :**

 

[شمعة^الحب]

جزاج الله خير

 

[latkt7as]

الحمد الله حبيبتي هذي نعمه من الرحمن

رتبي لج جدول عشان ترتاحين

لان التحلطم مايفيد

دوري بالنت عن جدول يريحج
واذا عيالج شوي كبار خليهم يساعدونج

خليها مثل المسابقه بينهم والاشطر تقيمينه كل نهايه اسبوع

مثلا خلي يوم او يومين حق الغسيل
الاكل خلي مرتين بالاسبوع اكل دسم والباقي
شي خفيف عليج

وصدقيني ربي بيهونها عليج

بس كثري انج تقولين الحمدالله واستغفر الله

 

[يحبنى الله *]

احمدى ربك مليون مرة باليوم


شالسالفة نعمة تبجين عليها الحمد الله الذى عافانا

الناس يتمونها


اسهل طريقة من غير خدامة
تلتزمين التزام كأن دوام تسبحين 33 مرة وتحمدين الله 33 مرة وتكبرين 34 مرة قبل النوم تغنيك عن خادم

حتى لو بتنامين الظهر أو الصبح او الليل



والدعاء


شفيك طالعيها من منظور ثانى انك بتختلين بزوجك وعيالك من غير خدامة بيتعلقون فيك اكثر

 

[أأأميرة الورد]

على حسب جم ياهل عندج وجم عمرهم ؟؟؟

يعني تقدرين تاخذينهم كلهم معاج ؟؟؟


اذا كبار اسم الله عليهم عاادي الوضع

ان شالله يكون سهالات

وهناك حطي خدامه مؤقته تنظف وتغسل وتمسح وبعدين تطلع

 

[شمعة^الحب]

يعطيكم العافيه بنات والله كلامكم ريحني

 

[M!SS.LOBY]

ان شاءالله سهالات لا تحاتين

 

[Aloe Vera]

الحياة بالغربة اسهل
البيوت اصغر و اليهال لاهين بالحدايق و المدارس و النوادي
ولاعندج دوام و لا التزامات اجتماعية

بالعكس

الف مبروك

 

[بنفسجيه_Q8]

الله يتمم عليج ويرزقج غيرج يتمنا ويهنيج مع عيالج

 

[غرام القمة]

الله يسهل عليج دربج

 

[اخت الدكتور]

وحده من اهلنا راحت امريكا اهي وزوجها يعالجوون ولدهم وحملت هناك وولدت عاااااااااادي وكانت تيييب مربيات بالساعه ومرتاحه حيييل

 

[امـ خــزامـى]

وش المانع اللي تستخدمينه ممكن اعرف ؟

وعسى ان تكرهوا شيئا وهو خير لكم

الله يكتبلك الخير ويرضيك فيه

 

[travel_addicted]

اول شي ألف مبروك و الله يتمم عليج
و ترى الغربه وايد سهله و كلشي مسهلينه لهم لان ما عندهم خدم
را تلقين بالجمعيات كلشي جاهز و مقصص خضره فاكهة سلطه و المواعين كل يوم بليل قطيهم بغساله الصحون تلقينهم نظاف يلقون و الهدوم قطيهم بالغساله الأوتوماتيك تغسل و تنشف
و المدارس خلي الباص يمر عيالج هناك وايد منتشر عندهم هالشي يعني انتي هونيها و تهون و شوفي الأجانب شلون عايشين ببساطه بدون خدم راح تحسين أن كلشي سهل
أصلا حتى الماجله لي صارت تحت ايدج بتحسينها تطول أكثر غير عن لي صار البيت فيه خدم يحوسون فيها ما تدرين شيسوون
أنا مجربه الغربه تجربه حلوه و انتي اب ايدج تخلينها أيام حلوه و لا شينه
روحي و سافري و زوري المناطق اللي يمج لا تقولين عندي بيبي و يهال و ما اقدر استمتعي بكل لحظه و الله يوفقكم

 

[travel_addicted]

اول شي ألف مبروك و الله يتمم عليج
و ترى الغربه وايد سهله و كلشي مسهلينه لهم لان ما عندهم خدم
را تلقين بالجمعيات كلشي جاهز و مقصص خضره فاكهة سلطه و المواعين كل يوم بليل قطيهم بغساله الصحون تلقينهم نظاف يلقون و الهدوم قطيهم بالغساله الأوتوماتيك تغسل و تنشف
و المدارس خلي الباص يمر عيالج هناك وايد منتشر عندهم هالشي يعني انتي هونيها و تهون و شوفي الأجانب شلون عايشين ببساطه بدون خدم راح تحسين أن كلشي سهل
أصلا حتى الماجله لي صارت تحت ايدج بتحسينها تطول أكثر غير عن لي صار البيت فيه خدم يحوسون فيها ما تدرين شيسوون
أنا مجربه الغربه تجربه حلوه و انتي اب ايدج تخلينها أيام حلوه و لا شينه
روحي و سافري و زوري المناطق اللي يمج لا تقولين عندي بيبي و يهال و ما اقدر استمتعي بكل لحظه و الله يوفقكم

 

[حبيبي مالكني]

عسى ان تكرهوا شيئا وهو خيرا لكم

انا اقول اذا كنتي حامل هاي خيره
وارضي بنصيبج والله بيعطيج الصبر
وفي الغربة راح تلقين وايد بيبي ستر استفيدي منهم
والله بسهل الامور

 

[M!SS.LOBY]

الله يتمم عليج

 

[زهرة التولاي]

ان شاءالله سهالات واعتبري حملج هذا خيره لج واستغري ربج ورتبي امورج والله يعينج

 

[cute_mama83]

اول شي الف مبروك ع الحمال وعسي الله يثبته وسهل ولادته

حبيبتي لا تحااتين انا جربت الغربه وجربت الحمال والولاده فيها الحمدالله
يبت اعيالي هناك بدون لا خدامه ولا احد من اهلي غير زوجي

ادري بيكون تعب ومسئوليه علييج بس ترا الغربه مووو بالصعوبه اللي متخيلتها من اللحين حاولي تسوين لج برنامج ونظام تمشين عليه عشان توازنين بين شغل البيت والعيال وراحتج

- الطباخ مثل ما قالت وحده من الخوات: في تحصلين بصل-طماط-خضره- فاكهه- احتياجات السلطه مقصصه وتسهل عمليه الطبخ او علي شكل معجون عصار. في الاكل المثلج اللي بس تحطينه بالمكرويف او الفرن مثل البيتزا- الباستات -وغيرها

- العيال دخليهم مدرسه او حضانه : الحضانات هناك من ال6 ونص الصبح لين 6 المغرب يعني يمديج تنظفين البيت وتطبخين ولمن يردون بس يتعشون وينامون ( طبعا مو ضروري يقعدون لين 6 المغرب اي حزه تبين تاخذينهم) الابتدائي طبعا الظهر يخلصون

- بالنسبه للحمال صدقيني بترتاحين هناك عنااايه طبيه ممتازه

- تعبتي من التنظيف \ تعبتي من اليهال فيه ناس يشتغلون بالساعه للتنظيف ومجابل اليهال حتي طلبه الجامعه ساعات يشتغلون هالشغله اضافي.
- في بعد مصبغه تغسل الملابس وتكوي وتصفط وتحاسب بالوزن هاااذي تكون رخيصه واسعارها واايد مناسبه حق بعد ولادتج عشان مايصير ضغط عليج.

وحاولي تستمتعيين بهالتجربه اكتشفوا الدوله وتمشووا فيها والله يسهل عليكم

 

[MzOoOn 22]

اول شي ألف مبروك و الله يتمم عليج
و ترى الغربه وايد سهله و كلشي مسهلينه لهم لان ما عندهم خدم
را تلقين بالجمعيات كلشي جاهز و مقصص خضره فاكهة سلطه و المواعين كل يوم بليل قطيهم بغساله الصحون تلقينهم نظاف يلقون و الهدوم قطيهم بالغساله الأوتوماتيك تغسل و تنشف
و المدارس خلي الباص يمر عيالج هناك وايد منتشر عندهم هالشي يعني انتي هونيها و تهون و شوفي الأجانب شلون عايشين ببساطه بدون خدم راح تحسين أن كلشي سهل
أصلا حتى الماجله لي صارت تحت ايدج بتحسينها تطول أكثر غير عن لي صار البيت فيه خدم يحوسون فيها ما تدرين شيسوون
أنا مجربه الغربه تجربه حلوه و انتي اب ايدج تخلينها أيام حلوه و لا شينه
روحي و سافري و زوري المناطق اللي يمج لا تقولين عندي بيبي و يهال و ما اقدر استمتعي بكل لحظه و الله يوفقكم

كلامها وايد. مريح وعدل. :rerrerek::rerrerek: