امس توظفت واليوم افكر اقدم استقالتي شالحل برايكم ؟؟

[قلبين وسهم]

يعطيكم العافيه بنات

من ضيقت الخلق بدش بالموضوع دايركت


امس بلشت الدوام بالوزارة اللي كلكم تحبونها التربيه ماغيرها وانا اداريه المعاش قالولي 560 مادري اذا فيه بدلات

لايعه جبدي من الطريج والمكان والجوو العام بايخ

سوالي شلون لو ابي اقدم استقالتي واروح وزاره ثانيه شنو الاجراءات اللي لازم اسويها

وارجع للديوان ولا شنو ؟!

وشنو احسن وزاره جوها حلو ومعاشها قوي وفيها بدلات وعلاوات ؟

ولكم الشكر

ملاحظه :
يمكن ماتردون عالموضوع كيفكم انا بس حبيت اشغل نفسي لان حدي فيني النوم وما ابي انام بالتربيه ووعوه

​

​

 

[أنوثهـ حتى الثمالهـ]

^^

ماذكرتي مؤهلك عشان يساعدونك البنات

بعدين عادي كلنا أول يوم دوام ننصدم وماناخذ عالجو الا عقب فتره لا تستعجلين

 

[kuwaitya-frawla]

خخخخخخ كلنا جذي


نطري شوي وحبوبه وان شاء الله خير وتتعودين




كلنا جذي اول يوم انصدمنا وبعدين عادي تعودنا

 

[ريماس21]

رد : امس توظفت واليوم افكر اقدم استقالتي شالحل برايكم ؟؟

ماايصير تنقلين الا عقب سنه

يعني تدبستي مااااكو فكه خخخخخخخ

بعد شتسووي احسن من حالنا هالبطاليهه

وانا اختي مثلج اداريه بس مو بمدرسه بالمنطقه التعليميه

بس زين ترا دوامهم بس مافي بدلات لانج اداريه مو فنيه

 

[قلبين وسهم]

يابنات انا مشكلتي بالطريج اووف غثى انا اليوم اول وحده دشيت المنطقه شنو بغى يوقف قلبي

والله ماكو الا انا والفراشين ضاعت هيبتي تمسخرت وانا واقفه جني ناطور عليهم

يالله لك الحمد

 

[قلبين وسهم]

ريماس يعطيج العافيه رفعتي معنوياتي خيتووو

انا ما اقول نقل الا جايز استقيل وافتح صفحه جديده ويا الديوان

بعدين قوولي لاختج في بدل شاااشه وبدل جمهور شنو مافيه

وانا للحين ابحث عن بدل الطريق وعساني القاااه

والله كريييم اخ بس يالتربيه اخ

 

[ريماس21]

رد : امس توظفت واليوم افكر اقدم استقالتي شالحل برايكم ؟؟

مره ثانية نظمي وقتج ولا اذا كنتي تسوقين اقعدي بالسياارة لي الناس قاموا يداومون وبس انتهت مشكتلج وتراا النقل سهل يعني انقلي لمنطقتج اريح لج

 

[قلبين وسهم]

النقل سهل تكفين على ايييدج يلا انقليني ابي الاحمدي التعليميه وماااهي حااصله

 

[شكو بإسمي]

عل قولة عادل إمام " تريثي ولا تتسرعي "

اغلبنا مرينا بالمرحلة هذه وعديناها .. اول الايام ماتكونين متأقلمه مع الناس اللى حولج بس بعدين عادي تتعودين عليهم واهم يتعودون عليج ..وبالنسبة لج ..المناطق التعليميه وااااايد ابرك واريح من الوزارة ..وفلاتي اكثر

أما بالنسبة لإستقالة الاداريه مدري شنو وضعكم ..

 

[ريماس21]

رد : امس توظفت واليوم افكر اقدم استقالتي شالحل برايكم ؟؟

مو بيدي لووووول

بس انتي اخذي ورقة عن مكان سكنكم ووديهاا للمنطقه نفسها ينقلونج لاقرب مكان لبيتكم

انتي بطااقتج اخاف نفس المنطقه الي متوظفه فيهاا بجذي مايصير

 

[نـ(المطيري)ـازكـ]

رد : امس توظفت واليوم افكر اقدم استقالتي شالحل برايكم ؟؟

اذا امس توظفتي واليوم ماتبي هالوظيفة لحقي ع روحج ترى تقدرين ترفضين والديوان يغير مكاااااااانج

ترى لي الحين ماتثبتي لحقي ع روحج

 

[قطوووة]

رد : امس توظفت واليوم افكر اقدم استقالتي شالحل برايكم ؟؟

ااااااااب

 

[نـ(المطيري)ـازكـ]

رد : امس توظفت واليوم افكر اقدم استقالتي شالحل برايكم ؟؟

واذا ع المعاش احمدي ربج ع المعاش في ناس جامعيات معاشاتهم اردى من جذي

وترى هذي معاشات الاداريات .. يعني اذا تعين يديد مايوصل حتى 600

 

[فتاة.]

التربية غثى وهم وغم
الله يعينج
تقدرين تسوين نقل وتقدرين تروحين الديوان تسوين رفض
قبل لايمر 15 يوم على تعيينج

 

[$حبيبة عبودي$]

رد : امس توظفت واليوم افكر اقدم استقالتي شالحل برايكم ؟؟

الله يعينج

 

[دانة بعين بحاري]

ماتقدرين ترفضين دام سويتي مباشره عمل وعادي تحملي يبيلج فتره عشان تتاقلمين

 

[[[ عيون جابر ]]]

كلنا جذي اول مانتوظف ننصدم لأن مو متعودين بس يبيلج وقت عشان تتأقلمين مع الوضع اليديد

 

[sooty]

رد : امس توظفت واليوم افكر اقدم استقالتي شالحل برايكم ؟؟

ههههههههههههههههههههه
امبيه انتي نفس حالتي
مدري اواسيج والا تواسيني ههههههههههه
وربي صاكه فيني الدنيا ولا عارفه وين اروح

الله يعين بسسس

 

[واثقة بجمالها]

الله يسهل عليج ويكتبلج اللي فيه الخير

 

[جـــواهر]

واي الله يعينج انا مع اني ماتوضفت بالتربيه بس مااااااااااحبها تكرفين كرف اليهد وع الفاااااضي معاشج مكانك راوح

الكل انحاش من التربيه .... ليش مارحتي الكهربا معاشاتهم حلوه همن الاشغال ...

وع النقل والله ماعرف شوفيلج واسطه ماراح ينفعج الا الواسطه