امساااااك وغازات

[النورة]

بنتي فيها مساك عمرها توها مكمله شهرين صارلها يومين فيها مساااك وغازات
أعطيها حليب صناعي وطبيعي

شتنصحون فيه ؟؟؟؟

 

[الصواني]

رد : امساااااك وغازات

سلامات الف سلامه

 

[منوووورة]

والله مثلج بنتي قبل اسبوع مكمله شهرين ومرضت وغيرت حليبها ذبحها الغازات والامساك وجنه صارت احسن لما غيرته والله يعيينااا

 

[@ دهن العود @]

الغازات شى طبيعى اول الاشهر

بس الامساك يمكن من الحليب اكيد سيميلاك ؟؟؟؟

 

[دانة بعين بحاري]

عطيها رضعه يانسون او كراويه
غيري حليبها وعندج نوفالاك او ابتاميل وايد زينين
نوميها دايم على بطنها و في تحاميل تساعد عالخروج سئلي الصيلي عنها
وسلامتها
وعن

 

[أميرة طفولتي]

رد : امساااااك وغازات

حبيبتي عطيها gas bimbi من الصيدليه للغازات وااااااااااايد راح يريحها انا ولدي شهرين ونص واستعمله وايد يريحه
وحق الامساك ماي غريب قفشه صغيره بليل
وماعليها شر انشالله الغازات شي طبيعي باليهال بهالعمر لاتحاتين حتى لو غيرتي بتظل الغازات بس يمكن حليب عن حليب يفرق
بس هم بصير فيها غازات

 

[dnyay_mll]

رد : امساااااك وغازات

تشربينها ماي ؟ بعد الرضعه لانه ضروري

وعطيها حبه حلوه وينسون وحليه بسكر نبات

وجربي بمبي او دسفلاتيل من الصيدليه

وماي النعناع من العطار تخففينه بماي مفيد لكل شي

 

[أحلى^حياه]

استخدمي ممية دكتور براون تخفف الغازات
و بعد زاجل مشرفتنا قالتلي عن دوا بونيسان من هملايا وسئلت دكتورة فيه وايد زين

 

[أنفاسي دخون]

ما قصروا البنات

وشربيها نقوعه التمر تمشي بطنها

 

[المدينه]

ااااااااب

 

[غاليه الاثمان]

مثل ماقالو البنات
منقوع التمر زين للامساك
كمون وينسون وحبه الحلوه مع حبه سكرنبات للغازات
بمبي غاز وماي غريب وحاولي تخلينها عبطنها شوي وبعد الحليب خليها تترع <<مدري اذا فهمتيني لووول

 

[noha33]

غيري الحليب
في وايد أنواع خاصة حق الإمساك
أنا كنت استعمل لولدي حليب أبتاميل العادي ولما يصير فيه إمساك أستعمل أبتاميل الخاص للإمساك ولما يرجع الخروج طبيعي رجعي للحليب المتعودة عليه
لو مر يوم كامل البنت ما خرجت فيه
جيبي قطنة أذون ودهنيها زيت زيتون كمية عدلة وانتي بكرامه دخليها شوية (بس القطنة) بفتحة الشرج وطلعيها على طول ونطري شوي تخرج
أو الأحسن قطارة أي دوا تغسلينها وتنشفيها حطي فيها نص سانتي زيت زيتون ودخليها بالشرج على طول تخرج
ترى زيت الزيتون ماكو عليه
وبالنسبة للغازات مثل ما قالو الخوات الأعشاب وايد مفيدة ونيمي البنت على بطنها شوي ترتاح

 

[موجة ~ بحر]

يمكن من الحليب استخدميلها حليب ابتاميل كمفورت وايد زين حق الغازات. وفي دوا اسمه غاز تحطيها ١٠ نقذ مع الرضعه يطلع الهوا ويمشي البطن ويهديها. وفي تحاميل جلسرين حق الرضع

 

[اسمي بين الاسامي]

اليسنون مع سكر نبات حيل راح يريحها