امج وابوج تطلقوا حياج

[دكتواره]

سلام عليكم


حبايبي انا فكرت قبل لاطرح هالموضوع ...

ترددت بس قلت اساعدكم ...ونفضفض ...خصوصا انه هالمشكلة

ضيعت اطفال ....وناس كثيره .........

ولاسسسسسسف الشديد زاد هالشي بالوقت الحالي

انا مابي اذكر اسباب ؟

اي صح


نبي نتكلم عن الي امها وابوها مفصلين

او الي مافهمت ؟مطلقين

سوء كانت كبيره او صغيره ؟

يليت جابون على اسئلتي

من متى ؟

شنو حسيتي وقتها ؟


منو من امج وابوج ؟مدلعج


علاقتج اب ابوج شلون ؟


علاقتج اب امج ؟شلون


منو تحبين اكثر؟


جم عندج اخو واخت ؟


ضعتي ؟


وين انتي عايشه ؟


كلمة بتقولينها او شي تحبين تففضين ؟



وسموحه على الاسئله بس ابي احس فيكم ...بشوف نظرة مجتمع ....وغير جذي تففضون


سلامتكم

 

[عيون السعودية]

أبوي ماطلق أمي ولا تزوج عليها بس انه توفى الله يرحمه​

 

[ضبي الجنووووب]

من متى ؟
تقريبا ورا مانولدت 3او4
شنو حسيتي وقتها ؟
طبعا ماكنت افهم اي شي صغيره

منو من امج وابوج ؟مدلعج
امي الله يخليها لي يارب


علاقتج اب ابوج شلون ؟
ماعرفه ولا يعرفني ماشفته الا مره قبل 7 سنين ولا فيه اي اتصال بينا

علاقتج اب امج ؟شلون
هي كل حياتي ودنيتي ورفيجتي وامي وابوي وكل شي

منو تحبين اكثر؟
اكيييييييييد امي

جم عندج اخو واخت ؟
من امي وابوي بس واخو واحد
ومن ابوي يمكن 3اخوان و5 بنات
اقسم بالله اني مو متاكده\عددهم بعد شتبين


ضعتي؟؟؟؟؟
اممممممم لا يمكن
نفسيا شوي
وين انتي عايشه ؟
عند خوالي


كلمة بتقولينها او شي تحبين تففضين ؟
احب اقووول مهما صار بين المره ورجالها وعندهم عيال لا تطلق خل تصبر عشان عيالها الا اذا
خلاااااص المشكله قويه ماينصبر عليها بس بالاول خل تحاول وتصبر عشان مايجي يوم وتندم

 

[ياليل مااطولك]

علاقتي مع امي الله يخليها لي وابوي الله يرحمه ويغمد روحه الجنه ------نصيحه البر با الوالدين الحمد للله ابوي كنت معاه تما م وكان راضي عني وزود االله يلهمني بر الو الده حبيبتي اللله يخليها لي هي البركه وهي الحياه والتقائل والفرح هي كل شي لي الله يطول بعمرها

 

[ام مشعل المطيري]

انا امي وابوي انفصلو وانا عمري ٤٠ يوم
وعندي اخو واحد وعندي اخوان من امي وابوي
طبعا الغلا لامي كلللللة لان كانت تحبني صج وتكسر خاطري
اما ابوووووي لاتعليق ساعات احبة وساعات لا
ماقول الا الله يسامحة ظلمنا حيل حيل
طبعا هالشي اثر علي نفسيا من ناحية التشتت وعدم الاستقرار*

 

[بنية ذربة]

كلمة بتقولينها او شي تحبين تففضين ؟
احب اقووول مهما صار بين المره ورجالها وعندهم عيال لا تطلق خل تصبر عشان عيالها الا اذا
خلاااااص المشكله قويه ماينصبر عليها بس بالاول خل تحاول وتصبر عشان مايجي يوم وتندم

بالعكس واللله ساعات الطلاق رحمة من الله عشان اليهال

الحين شدراج عن اخوانج الي عند ابوج مرتاحين معاه ولالا

الله يعوضكم بنات

والله في ابهات استغفرلله مايستاهلون يكونون ابهات

بس فية عوض ان شالله

انا علاقتي بالوالد مد وجزر هههههههههههههه وبينا صداقة

بس امووووت بتراب امي الله يخليها ويحفظها لي:eh_s(7):

 

[jod.q8]

انا ابوي طلق امي تقريبا من عمري سنه و ما فهمت هالشي الا لما كبرت
و ما شفت ابوي كلش , حدي شفته بصوره و ما عندي اخوان الا من ابوي

و علاقتي فيهم بسيطه و هالشي بس اثر على نفسيتي بس الحمدلله على كل حال
و الحين عايشه بـ بيت خوالي و الله يطول بعمر امي و يخليها لي

 

[*الهنوف*]

بعد عمري والله
لايهزكم شي شوفو جم وحده تتشكا من ابوها
والله يخلي لكم امهاتكم
ولحد يقول جان امي تحملت والله مرات الطلاق اهوا الحل المناسب يمكن لو الام قعدت مع هالابو وكملت حياتها بتزيد المشاكل ونفسية الابناء بتسوء

 

[صدع القلب]

من متى ؟
امي و ابوي متزوجين من 29 سنه و كله هواش و نجره و كل فتره ابوي يقاطع امي شهور و ما يكلمها و تقعد اترجى فيه و يرضى يقعد شوي 6 و لا 7 شهور و يرد يزعل مره ثانيه على اشياء تافهة ، لأن السبب الرئيسي انه ما بينه و بين امي توافق بالافكار و لا بالتوجهات و لا شي و حتى لو حاولت تسمع كلامه و تمشي على رايه تسكت تسكت تسكت بعدين تنفجر لأنه هذي مو طبيعتها و شي ما يناسبها ، سعادتها مو معاه و لا سعادته معاها ، مع جذيه ما زالوا متزوجين بس من خمس سنوات ما قاموا يحاجون بعض نهائيا و الحين اهمه كل واحد ساكن بدور اهيا فوق و اهوه تحت .

شنو حسيتي وقتها ؟
تعذبت لأني انا الكبيره " أنا الحين عمري 27 " وقتها كان عمري 22 و ضعت ما بينهم ما ادري اراضي هذا و لا هذا .

منو من امج وابوج ؟مدلعج
يوم كنت صغيره شبعت دلع من الاثنين و كنت اسعد ياهل بالعالم بس من عمر 13 سنه من بديت اوعى على الدنيا خلص الدلع و بدت الدنيا تلطش فيني .

علاقتج اب ابوج شلون ؟
يوم كنت صغيره كنت اموووووت عليه و اشوفه ملاك لأنه عمره ما قصر علي بشي " ماديا" كل اللي ابيه القاه بس من وعيت تكشفت لي عيوبه " اللي بالنسبه لي ما تنطاق " و الحين علاقتي فيه سطحيه السلام و عليكم السلام ، و مع انه كله يناديني حبيبتي و عمري بس احسها طالعه من لسانه ا، بد مو من قلبه ، و يقولها لي بس مصلحه لما يكون يبي مني شي.
الزبده انا اعامله زين لأني اخاف منه و اخاف الله فيه بس ماكو لاحب و لا احترام .

علاقتج اب امج ؟شلون
من عقب ما انصدمت بابوي حولت عليها و تعلقت فيها بشكل مو طبيعي و صارت اهيه الهوى اللي اتنفسه ، لأني كنت معتقده انها صابره على ابوي عشاني انا و خواتي ، بس من سنتين بردت العلاقه ، أنا كبرت ، اهيه كبرت والله ما ادري المهم بديت احس انها مو فاهمتني و لا حتى فكرت فينا ، اهيه قاعده مع ابوي بس عن كلام الناس " على قولتها" مع جذيه ما زلت احبها و اموت عليها لسبب واحد بس لاني متأكده الف بالميه انه من داخل قلبهاا تحبني حب خالص و مستحيل تأذيني قاصده .

منو تحبين اكثر؟
امي اكيد .

جم عندج اخو واخت ؟
اختين و اخو .

ضعتي ؟
و منو ما يضيع ، الحمدالله ظاهريا الكل يشهد على اخلاقي و موظفه محترمه بمكان عملي و قاعده الحين اكمل دراستي الجامعيه بعد الدبلوم .
و مع جذيه صعب الواحد يعيش بساحة الحرب اللي انا عايشه فيها و ما يهتز ، ان رضت امي زعل ابوي و ان رضى ابوي تضايقت امي ، و الحين اثنينهم كبروا " ابوي 62 و امي 55 " و تكودت عليهم الامراض و صاروا يبون اللي يداريهم و كل واحد راسه ايبس من الثاني .
و النتيجه بنت شخصيتها مهزوزه مثلي و ثقتها بنفسها زيرو ، و في عندها تبلد بالمشاعر ، ما قام يهمني شي بالدنيا ، و لا قادره ابني علاقه طبيعيه بأي شخص لأنه علاقتي الاساسيه بامي و ابوي معدومه ، اهمه اللي المفروض يحموني اذوني و دمروا حياتي ، شلون اوثق بالغرب و انا انطعنت من اقرب الناس ، عشان جذيه علاقاتي كلها سطحيه ما عدا علاقتي بخواتي و اخوي لأنهم عايشين معاي .

وين انتي عايشه ؟
عايشه بساحة الحرب
بيتنا الجميل ، ما تقدرين تسوين فيه و لاشي ان قلتي بتحركين كرسي من مكانه قال ابوي اي امكم تبي تكشخ البيت لأنها تموت عالفشخره و الخساير ، أو يصير كريم و يسحب جرايد الاعلانات و يشتري اثاث على كيفه " و بما انه ريال ذوقه مو حلو " تعالوا شوفو بيتنا قديييم و الاثاث من كل قطر اغنيه ، لو تنادين مصلح كهربا ستلايت اي شي صارت هوشه منو يدفع له امي و لا ابوي يشتغل حق منو اول تلفزيون امي و لا ابوي .
حتى خدامه ما عندنا لأنه الخدامات قاموا يستغلون الوضع و يزيدون المشاكل ، ينقلون حجي ، و الوالد يقعد يدلعهم عشان يقهر امي و يقعد يقولها لا تحاجينهم و لا اتضايقينهم و اهيا تموت قهر و تبدي تعامل الخدامه مو زين لأنها مقهوره . فقررنا انا و خواتي انه ما نبي خدم مستعدين احنا اننظف و نغسل و نسوي كل شي بس نريح روسنا ، يبنا سايق و صبي و ارتحنا على الاقل الرياييل مشاكلهم اقل و مالهم بمكايد الخدامات . الزبده انه اي تغيير بسيط بالبيت يعني مصيبه .

كلمة بتقولينها او شي تحبين تففضين ؟

آه ه ه ه ه ه ه ه ه شقوووول شخلي

نداء حق كل زوجه
أن تزوجتي و لقيتي انه ما بينج و بين زوجج توافق على اي صعيد ، و صارت حياتكم كلها مشاكل لا انتي فاهمته و لا اهوه فاهمج ، النصيحه الاولى لا تييبين عيال على امل يعدلون الوضع لأنه العيال يكملون الزواج ما يثبتونه يعني اذا الزواج مو مستقر العيال ما راح يعدلون شي بالعكس بيزيدون الوضع سوء .

الطلاق ابغض الحلال ، يعني حلال ، لما تستحيل العشره الله سبحانه و تعالى شرع الطلاق عشان تستمر الحياة ، يمكن الريال يلقى نصيب احسن و المرا تلقى نصيب احسن يتفاهمون على حياة هاديه ، اليهال يعيشون ببيت مستقر هادي بعيد عن المشاكل و يشوفون امهم و ابوهم بصورة زينه مو تروح هيبتهم بالصراخ و المشاكل و البجي و الفضايح جدام الله و خلقه ، ما بقى اهل ما تطمشوا على بلاوينا ، ما بقى جيران ما تسمعوا على مشاكلنا ، والله عايشه على اعصابي كل ما سمعت صوت قمت مخترعه ، ما اقدر حتى اعزم احد بالبيت رفيجه و لا بنت عم و لا خال ، اخاف يدرون عن البلاوي اللي ببيتنا و لا يصير موقف جدامهم و اتفشل ، حتى الخطاب قاعده اردهم لأني ماني عارفه اذا يو الناس يكلمون امي و لا ابوي و اهمه كل واحد بصوب .

عيشه تقصر العمر بس ما اقول الا الحمدالله على كل حال .

سامحوني بس الموضوع قلب علي المواجع ، و انا قلبي متروس .

 

[دمبوووشه]

من متى ؟
امي و ابوي متزوجين من 29 سنه و كله هواش و نجره و كل فتره ابوي يقاطع امي شهور و ما يكلمها و تقعد اترجى فيه و يرضى يقعد شوي 6 و لا 7 شهور و يرد يزعل مره ثانيه على اشياء تافهة ، لأن السبب الرئيسي انه ما بينه و بين امي توافق بالافكار و لا بالتوجهات و لا شي و حتى لو حاولت تسمع كلامه و تمشي على رايه تسكت تسكت تسكت بعدين تنفجر لأنه هذي مو طبيعتها و شي ما يناسبها ، سعادتها مو معاه و لا سعادته معاها ، مع جذيه ما زالوا متزوجين بس من خمس سنوات ما قاموا يحاجون بعض نهائيا و الحين اهمه كل واحد ساكن بدور اهيا فوق و اهوه تحت .

شنو حسيتي وقتها ؟
تعذبت لأني انا الكبيره " أنا الحين عمري 27 " وقتها كان عمري 22 و ضعت ما بينهم ما ادري اراضي هذا و لا هذا .

منو من امج وابوج ؟مدلعج
يوم كنت صغيره شبعت دلع من الاثنين و كنت اسعد ياهل بالعالم بس من عمر 13 سنه من بديت اوعى على الدنيا خلص الدلع و بدت الدنيا تلطش فيني .

علاقتج اب ابوج شلون ؟
يوم كنت صغيره كنت اموووووت عليه و اشوفه ملاك لأنه عمره ما قصر علي بشي " ماديا" كل اللي ابيه القاه بس من وعيت تكشفت لي عيوبه " اللي بالنسبه لي ما تنطاق " و الحين علاقتي فيه سطحيه السلام و عليكم السلام ، و مع انه كله يناديني حبيبتي و عمري بس احسها طالعه من لسانه ا، بد مو من قلبه ، و يقولها لي بس مصلحه لما يكون يبي مني شي.
الزبده انا اعامله زين لأني اخاف منه و اخاف الله فياإعه بس ماكو لاحب و لا احترام .

علاقتج اب امج ؟شلون
من عقب ما انصدمت بابوي حولت عليها و تعلقت فيها بشكل مو طبيعي و صارت اهيه الهوى اللي اتنفسه ، لأني كنت معتقده انها صابره على ابوي عشاني انا و خواتي ، بس من سنتين بردت العلاقه ، أنا كبرت ، اهيه كبرت والله ما ادري المهم بديت احس انها مو فاهمتني و لا حتى فكرت فينا ، اهيه قاعده مع ابوي بس عن كلام الناس " على قولتها" مع جذيه ما زلت احبها و اموت عليها لسبب واحد بس لاني متأكده الف بالميه انه من داخل قلبهاا تحبني حب خالص و مستحيل تأذيني قاصده .

منو تحبين اكثر؟
امي اكيد .

جم عندج اخو واخت ؟
اختين و اخو .

ضعتي ؟
و منو ما يضيع ، الحمدالله ظاهريا الكل يشهد على اخلاقي و موظفه محترمه بمكان عملي و قاعده الحين اكمل دراستي الجامعيه بعد الدبلوم .
و مع جذيه صعب الواحد يعيش بساحة الحرب اللي انا عايشه فيها و ما يهتز ، ان رضت امي زعل ابوي و ان رضى ابوي تضايقت امي ، و الحين اثنينهم كبروا " ابوي 62 و امي 55 " و تكودت عليهم الامراض و صاروا يبون اللي يداريهم و كل واحد راسه ايبس من الثاني .
و النتيجه بنت شخصيتها مهزوزه مثلي و ثقتها بنفسها زيرو ، و في عندها تبلد بالمشاعر ، ما قام يهمني شي بالدنيا ، و لا قادره ابني علاقه طبيعيه بأي شخص لأنه علاقتي الاساسيه بامي و ابوي معدومه ، اهمه اللي المفروض يحموني اذوني و دمروا حياتي ، شلون اوثق بالغرب و انا انطعنت من اقرب الناس ، عشان جذيه علاقاتي كلها سطحيه ما عدا علاقتي بخواتي و اخوي لأنهم عايشين معاي .

وين انتي عايشه ؟
عايشه بساحة الحرب
بيتنا الجميل ، ما تقدرين تسوين فيه و لاشي ان قلتي بتحركين كرسي من مكانه قال ابوي اي امكم تبي تكشخ البيت لأنها تموت عالفشخره و الخساير ، أو يصير كريم و يسحب جرايد الاعلانات و يشتري اثاث على كيفه " و بما انه ريال ذوقه مو حلو " تعالوا شوفو بيتنا قديييم و الاثاث من كل قطر اغنيه ، لو تنادين مصلح كهربا ستلايت اي شي صارت هوشه منو يدفع له امي و لا ابوي يشتغل حق منو اول تلفزيون امي و لا ابوي .
حتى خدامه ما عندنا لأنه الخدامات قاموا يستغلون الوضع و يزيدون المشاكل ، ينقلون حجي ، و الوالد يقعد يدلعهم عشان يقهر امي و يقعد يقولها لا تحاجينهم و لا اتضايقينهم و اهيا تموت قهر و تبدي تعامل الخدامه مو زين لأنها مقهوره . فقررنا انا و خواتي انه ما نبي خدم مستعدين احنا اننظف و نغسل و نسوي كل شي بس نريح روسنا ، يبنا سايق و صبي و ارتحنا على الاقل الرياييل مشاكلهم اقل و مالهم بمكايد الخدامات . الزبده انه اي تغيير بسيط بالبيت يعني مصيبه .

كلمة بتقولينها او شي تحبين تففضين ؟

آه ه ه ه ه ه ه ه ه شقوووول شخلي

نداء حق كل زوجه
أن تزوجتي و لقيتي انه ما بينج و بين زوجج توافق على اي صعيد ، و صارت حياتكم كلها مشاكل لا انتي فاهمته و لا اهوه فاهمج ، النصيحه الاولى لا تييبين عيال على امل يعدلون الوضع لأنه العيال يكملون الزواج ما يثبتونه يعني اذا الزواج مو مستقر العيال ما راح يعدلون شي بالعكس بيزيدون الوضع سوء .

الطلاق ابغض الحلال ، يعني حلال ، لما تستحيل العشره الله سبحانه و تعالى شرع الطلاق عشان تستمر الحياة ، يمكن الريال يلقى نصيب احسن و المرا تلقى نصيب احسن يتفاهمون على حياة هاديه ، اليهال يعيشون ببيت مستقر هادي بعيد عن المشاكل و يشوفون امهم و ابوهم بصورة زينه مو تروح هيبتهم بالصراخ و المشاكل و البجي و الفضايح جدام الله و خلقه ، ما بقى اهل ما تطمشوا على بلاوينا ، ما بقى جيران ما تسمعوا على مشاكلنا ، والله عايشه على اعصابي كل ما سمعت صوت قمت مخترعه ، ما اقدر حتى اعزم احد بالبيت رفيجه و لا بنت عم و لا خال ، اخاف يدرون عن البلاوي اللي ببيتنا و لا يصير موقف جدامهم و اتفشل ، حتى الخطاب قاعده اردهم لأني ماني عارفه اذا يو الناس يكلمون امي و لا ابوي و اهمه كل واحد بصوب .

عيشه تقصر العمر بس ما اقول الا الحمدالله على كل حال .

سامحوني بس الموضوع قلب علي المواجع ، و انا قلبي متروس .

يابعد عمري عمرج بقولج شغله وحطيها افبالج ترى ماكو انسان ولا بيت خالي من المشاكل والهموم
وربي كل انسان عنده مشاكل وهموم مايعلم فيها غير رب العالمين سبحانه
والله لمن خلقنا كتبلنا حياه إما تكون سعيده او تعيسه واهم شي احنا لازم نرضى بالي الله كتبه لنا
يعني ياإحبيبتي لاتكدرين نفسج ترى الدنيا قطار بسيط واختبار ابسط من الله سبحانه
واتمنى كل ماتتضايقين تلجأين لربج سبحانه وتشكين همومج له لان هو الوحيد الي يعلم
حجم ضيقتج وكآبتج ومشكلتج يالغاليه
واتمنى ردي يكون خفيف عليج<<< اي هيييين خفيف :d

 

[A5tsloom]

اللَّــہْ يصلح احوالكم يارب