امبييييييييييييه هامستراتي يتهاوشوون عفيااا ابي مساعده بسرعااا

[HeR HiGHNeSs 90]

هااي




بنااات شسوي شسوي هامستري قاعد يطق الهامستره الحااامل اخاااف يذبحهاااااااااااا


شرايكم باجر اودي ابيع الذكر؟ عادي تعيش بروحها الثنيه على ماتولد؟؟؟؟

وماعندي قفص الحيين عشان افصلهم مادريي شسويييي :0bee2e8d89:​

 

[Kawaii GiяL]

حبيبتي دوريلج بالبيت اي كرتوون او صندوق و بطليه من فوق عشان الهوا و حطيله طاسه ماي و اكل و نشاره

حطي الذكر داخل لي باجر انشالله اشتريله قفص ,,, فصليهم ليحد ما تولد

و اذا كان نوعهم سوري فصلي الام عن العيال بعد 3 اسابيع و انا من تجربتي الخاصه اسبوعين دام مبطلين عينهم و يشوفون و يتحركون و ياكلون و يشربون بروحهم لازم تفصلين الام عنهم و لا راح تبدي تزهق منهم و تطقهم و حطي الام مع اذكر


بس اللي عندج روسي و لا سوري لان انا اكثر شئ اربي سوري

 

[عسوله تحب بطسايه]

ميخالف

بس عزلي الابو

حطي الذكر لو عندج كرتون جوتي يديد حطي داخله نشاره وماي واكل

وخليه يقعد لي حد ما تولد

>>>ذكاء لوول


دمتي بود

 

[HeR HiGHNeSs 90]

اهماا اعتقد سورين لانهم كبار اوكي الحيين بحطهم بكرتون

عادي كرتون جوتي عسوله؟؟لووووول

 

[Kawaii GiяL]

اي انا توقعت انهم سوريين من كلامج

و لا ما ينفع قوطي جوتي .. !!!

السوريين اذكيا اعطيج 10 دقايق بالكثير ربع ساعه راح تلقينه يحوس بالغرفه عندج ههههههههههههههههه

انا قوطي كبير طول و عرض و حالتي حاله و صاكه نص غطا القوطي من فوق و هم طلعت لقيتها تحوس تحتي

هالمرة قوطي جواتي من صجج انتي @@

لين غطيت القوطي اللي فوق و حطيت لزاق بعد و قضيت القوطي بالقلم مليون قضه عشان تشم هوا و ما تختنق و التهويه تصير زينه لها

 

[Kawaii GiяL]

و بعدين عسوله حبيبتي تقوليلها خليه تقعد لين ما تولد !!! يعني بتقعدينه شهر تقرييبا على ما تولد و يكبرون اليهال اسبوعين

حراام شنو مو زين حق المفاصل او حق جسمه لازم يتحرك و اسنانهم حاده راح تقرض القوطي

اصلا يوم واحد راح يتعب و تلقين اول ما تطلعينه من القوطي يتمغط و يحرك جسمه مسكين

ووين بتحطله الاكل و الماي و و و شغلات واايد

بالله هذا منطق من صجج

لا و الثانيه بعد تسألها يصير احطه بالقوطي ههههههه

شوفي حبوبه دورييلج اي كرتون حق جهاز الكتروني عندكم كبير او اذا تعرفين اليرارات البلاستيكيه اللي تاخذ طول امممم شوفي اي شي وسيع او صندوق تقزرينها لي باجر و باسرع وقت تشتريله قفص

 

[HeR HiGHNeSs 90]

لوووووووول

شوفي ابوي عنده قفص فيه طير والنص الثاني فاضي اهو كبير شوي المهم حطينا تحت نشاره خشب وحطيتله اكل وماي بس مو وايد كبير ومافيه العاب شلووون؟؟؟؟
انا باجر شكلي بروح ابيعه عادي اخليها بروحها النثيه؟ ماتبيه مو

 

[Joo.Joo]

النثيه مو بحاجه له عادي مو مشكله بالنسبه للنثيه كلللللللللللللش


المشكله الحين فيه

اذا مو قادره على تربيته او ما عندج المكان الكافي له .. بيعيه على الاقل ينحط في اقفاص او احواض وسيعه



الكراتين والقواطي وكل شي قابل للتقصص كللللللله مامنه فايده ..

حديد وما سلم منهم هالمره قوطي ؟! بدقيقه والله وين 10 دقايق ,, وربع ساعه !

بدقيقه يطلع منه وبعدين قوطي جواتي وايد صغير سواء لسوري ولا روسي !!!!



بيعيه او اشتريله قفص ,,

قفص الطيور ما ينفع لان ارضيته من اسلاك ما راح يقدر الهامستر يمشي عليها ! ,,

حطيه بقفص ارضيته زجاج >> حوض
او بلاستك ,., >> حوض سمج
او بلاستك >> اقفاص هامسترات عاديه

في يبيعون بـــ دينار !!! اخذيله واحد بشكل مؤقت احسن من ما يتقلقص داخل القواطي مسكين ,,


ومو شرط يكون فيه العاب عادي مو ضروري بس المهم يكون له مساحه يمشي فيها ويتحرك ,, وفيه له صحن اكل .. ومشربة ماي .. وبس

 

[HeR HiGHNeSs 90]

اييي بالقفص حاطه الارضيه نشاره خشب عادي نفس القفص ماله القدييم وبااجر انشاله بروح ابييعه

 

[Kawaii GiяL]

اهو و الطير بقفص واحد ؟؟؟ اممم انزين ما تقدرين تحطين حاجز بينهم ... يعني ابتكري انتي ورقه مثلا خشبه اي اي شئ فصلي بينهم احتياااط

و انتي قاعده تتكلمين عن يوم واحد بس ... اذ يوم واحد عادي يستغنى عن الالعاب اهم شئ الماي و الاكل و النشاره و حطيله قطن حق الدفا ما عليج انتي بس حطي قطن و اهو راح يسوي بيته بنفسه و يقطع القطن ويوزعه
بس اذا بشكل دايم لا حرام لان الهامستر له حاجه بانه يتحرك و يمشي و يتكشف و يعض
من ناحيه الحركه و المشي يتعوض بالعجله و من ناحيه العض بدال ما يعض القفص و يخربه و يشيل لصبغ حطيله كلس منها اسنانه ما تطول و منها ياخذ الاملاح اللي يحتاجها جسمه
فا باج اشتريله قفص

و اذا ما تبينه بيعيه على بنت مو محلات اولا ياخذونه ب4 سعره بروحه من غير اغراضه بس اذا محلات دينار بالكثير دينارين
و يحطونه بمكان خايس لا تهويه مثل الاوادم و ع هامسترات مرضه و يتهاوشون و لووعه
... بيعيه على بنات انا لو عندي مجال والله شريته بس حاليا عندي 15 ابي ابيييع منهم

و لقيتي عاااد الهامستر السوري يحتاج حق ثاني و نثيا بعد هههه ,, لا السوري مو اجتماعي و عادي يعيش بروحه سواء ذكر و لا نثيا

بس عالعموم النثيا ما تحتاج الذكر ,, الذكر اللي يحتاج نثيا للتزواج

و انشالله فدتج

 

[عسوله تحب بطسايه]

هيههي انا كان عندي قفصين كبااااار فيهم انابيب

ودواره الي يدورون فيها

وكنت شاريه كراتين من ايكيا كبار فوقهم غطا وفيهم فتحه

كانت لما تحمل ..اشيل الذكر واحطه داخلهم ..

 

[Kawaii GiяL]

لا تحاتين فصليهم و جنه العيد عندها لوووول حاليا تبي الفكه مالها خلق و تعبانه

 

[Kawaii GiяL]

اي عسوله هذا اوكي كرتون كبير مافيه شئ .. بس بدعتي لما قلتي حطيه بقوطي جواتي هههههههه

 

[عسوله تحب بطسايه]

ههههههههههههههههه

عادي فاصله شويه انا

^_*

 

[HeR HiGHNeSs 90]

اييييييي اكوو حاجز بينه وبين الطيير مو مع بعض

بس انه مادرييي حاسه بذنب

بنااااااااااااااااات منو تبيه لونه اسود مادري جم عمره بس كيوت لوووول
عل عمووم باجر الصبح انشااله بروح حولي بارك ابيعه عل محل اشوف جم ياخذه

 

[Kawaii GiяL]

جوجو الحين الساعه 12 و نص وين تشتري قفص الحين اهي تبي حل حق الحييين الحين و مؤقت

اذا مؤقت يا معوده خل تحط بالارضيه ملت قفص الطير تترسها نشارة

او الحلول اللي قلتيها بس عندها ,, فا بالوقت الحاليي قفص الطير احسن شئ

مو شرط لا اذا كرتون بو طبقتين مال الالكترونيات ما تقدر صعب تقرضه

 

[HeR HiGHNeSs 90]

كله من اخووي قتله ابييي اثنين صغاار كيوووت راح يابلي حاامل وعله معاهاا شسويي فيهم الحيين انا ياله اهتم نفسي تعالي الحين وكليهم وشربيهم وبدلييهم ففففففففففف انا قطوتي ماسويتلهاا جذيي ;@

 

[Kawaii GiяL]

بالعكس راح تتشوقين لهم والله يهبلوووووووون و ماراح يدوخونج لان طول هالاسبوعين لازم ما تقربين صوبها اللهم تجيكين على الاكل و الماي باسرع وقت و بعد الاسبوعين يا انج تفصلينهم بقفص او تبيعينهم

 

[HeR HiGHNeSs 90]

ايي خلااص انشااله اشوف شيصير معاي

مشكووره حبيبتي انشاله تتحمليني اي شي بيصير بسالج لوووووول

 

[عسوله تحب بطسايه]

^_*


يالله ماعليه خل تولد بالسلامه ويصيرين يده