امبيه بنات الي قاعد يصير معاي مو طبيعي شنو يعني طراااق

[cat-girlq8]

شلونكم بنات شخباركم

بنات جان تذكرون سالفتي اني مخطوبه وخطيبي يحط شروط امبيه بنات تخيلووو صارت سوالف انه صار عندنا ظرف وفاة بالعائله وتاجلت الملجه وتخيلو من فتره خطيبي مارنا البيت ويقولي
انا مابي عرس .... نملج وخلاص ليش هاللويه والمصاريف وتعال انطر
قبل كان موافق اللحين اشوفه معترض !!
وفوق هذا كله يقولي انتي لازم اتغيرين علشاني اوكي في اشياء تغيرت فيني من ناحية اللبس ووكنت اتاخر اذا طلعت مع صديقاتي كنت ارد البيت الساعه 11 اللحين ابجر عالساعه 9 وقالي خففي الطلعه مع رفيجاتج
وفوق هذا كله يقولي من جم يوم اذا واحد من اخواني غلط عليج ماتردين عليه ؟؟ قلت له نعم ؟ شقلت ؟ شلون ما ارد عليه قالي تيين تقولين لي وانا اتفاهم وياه بس مسالة انج تردين عليه انسي !!!
وبعدين قالي ولا تحاولين انج اطيحين الميانه مع امي
وان طيحتي الميانه وغلطتي عليها صدقيني بييلج كف علي ويهج قلت له ماعاش الي يعطيني كف
وبعدين علي اي اساس اغلط انا بنت ناس بنت عايله مو لاقيني بالشارع عشان تقول لي هالكلام
قالي عشان ارضي امي ويطيب خاطرها

بنات انا بصراحه حسيت اني بعيش بسجن قاعد يحط قوانين وشروط قالي عشان باجر ماتنصدمين
طلعه مع رفيجاتج انسي واذا عندج مناسبه عرس ولا اي شي انا اوديج وفوق هذا كله ماتروحين بسيارتج بيت ابوج انا اوديج
واي شي اسويه مايعجبه يقولي انتي موقايله انج بتغيرييين انزين يعني لازم اقولج اهتمي فيني تري مايصير شلون اوضح لج اني ابي منج اهتمام علي الاقل 20 بالميه
بصراحه بنات قاعد افكر اني افل الخطبه وخلاص كل واحد يروح بطريج ولا انتو شرايكم ؟

 

[! هُوْ وِينِه !]

آلرقآله على أفى من يشيل
خليه وربي بيعوضج بغيره

 

[ielmazyona]

والله مادري بس شكله خاايف من المشاكل بالمستقبل


مادري مادري شلووون غريب امره الله يهديه

اذا انتي تكلمينه ليش خذيته من الاساس شنو المميزات اللي خذيتيه علشان تتزوجينه
دام الميانه طايحه امره غريب

 

[so0oma]

اتمنى يفيدوونج البنات حبيبتي والله عووؤرتي قلبيي اهى اهى

 

[[[ عيون جابر ]]]

امبي مو من صجه
المفروض تفهمينه مثل ما انت تحب اهلك وتخاف على مشاعرهم راااعي مشاعري انا بنت ناس وماني داشه هوشه هذا زواج وتفاهم واحترام بالاول والاخير

 

[منو انت]

غريبه ليش واثق ان راح يصير خلاف بينج وبين احد من اخوانه ؟؟؟؟؟؟؟؟

ماادري شنو اقولج بس ياليت تمددين بوقت الخطوبه اكثر علشان تعرفين طبعه اكثر لان احس في شي غلط يعني ليش اهو من الحين ناشف معاج وهذا وانتي لين الحين بعيده عنه شلون لو صرتي معاه في بيت واحد


الله يكتب لج الخيره

 

[ام الدرر]

حبوبة
استخيري اولا واخيرا
وعقبها اذا ارتحتي لموضوع الزواج
الافضل والاحسن تسكنين في شقة بروحج
حبوبة
سؤال خطبتكم عن معرفة ولا خطبة اهل
يعني سالتو عن الريال وعايلته
ثانيا شكلكم صغار ومو قادرين تتفاهمون بالكلام
يعني هو يقط السالفة انتي تشتطين وتعصبين تراددينه
ياقلبي حاولي تفهمين منه باسلوب حلو طبيعة العيشة في بيت اهله
لان سالفة اخواني يغلطون عليج (شنو الحديث اللي بيدور بينج وبين اخوانه عشان يغلطون عليج او شنو طبيعة هالاخوان مهاوشجيه على ادناة الدون بيتهاوشون ويغلطون على بنات الناس )
وبعدين فهميه الميانة مع امه مو معناته قلة ادب وحرب
قولي له بتصير حسبة امي ولها التقدير والاحترام
ثالثا سالفة صديقاتج انتي بروحج بعد الزواج بتلهين بتبتعدين عنهم
رابعا عرس وزوارة يوصلج شي حلو تفتكين من الزحمة ومحاتاة التاخير
ياقلبي حاولي تتواصلين معاه بدون شد وجذب
حطو النقاط عالحروف قبل لا تمشون بالسالفة
ومثل ماقلت لج بالاول استخيري
وعسى الله يكتب لج الخير ​

 

[Australia girl]

بصراحه يخوف ومنو اولها مدة ايد ومادري شنو استخيري وانتي عالبر

 

[اللغز الغريب]

جملة "اذا اخواني غلطوا عليج لا تردين عليهم" دقت جرس انذار بمخي

يعني يغلطون معاج عادي يكلمهم بهدوء أما لو تغشمرتي مع أمه و زعلتيها بالغلط يطقج طراق؟ >> مع انه الميانة عمرها ما توصل لهدرجة

هالزواج لا تتسرعين فيه

و اذا تزوجتيه لا تعيشين وياهم ابيت واحد


آنا ما بي أخرب عليج و ماقدر أقولج خليه
بس لو كنت آنا جان هديته

 

[meme>the best]

لااااااااا اتوقع بس حجي لانه خايفه من المشاكل وجذي عادي مجرد خوف طبيعي بين كل اثنين بيتزوجون انا اقول استخيري ورايي ماكو الا العافيه مجرد خوف عادي واتوقع اهوا يبي كلمته ألي تمشي ويبيج تسمعين كلآمه وجذي عادي اتوقع هذا شي طبيعي والله اعلم انشاءالله إذا تزوجتو بتتفاهمون اكثر ^_^ موفقه ^_^

 

[سويت فانيلا]

بلاه

 

[qa6wa_q8]

كسري الشر والله يعوضج غيره ان شالله

 

[أم الأسلوب]

بداله الف رجال

 

[سفيره الكويت]

اهو بصراحه خايف من المستقبل بس مهما يكون ماتوصل للتهديد دام ماخطبتي قولي له اسلوبك معاي تهديد جني مو زوجه بصير شريكه

حياتك اللي مثلي حياتهم رومانسيه خاصه بالبدايه وانت تهددني اسفه والله يوفقك وشوفلك جنديه تسمع كلامك وتطيعك

 

[لوفيه]

امبيه شفيه داش بقوه ؟

شدعوه طراق شمسويه بالله

وشكووووووو إخوانه يغلطون على مرت أخوهم وين قاعدين

شنو يايه من الشارع لالالا اهم شي شروطه صراحه

عسى الله يكتب لج اللي فيه الخير

 

[لياليـ]

انا اقول دام انتو ع البر هدي الصراحه هذا يمكن يطلع نفس مرزوق اللي في زواره خميس
اتقبلي مروري

 

[المـــــها]

خوووووووش
يكلمج و تكلمينه و يتشرط و حتى ملجة ما ملجتوا ؟؟؟
حدكم راهييين كووووول و الله




حبيبتي اللي قاله كلللله صح 100% مافيه غلط
الا نقطه وحده اللي قال لاتغلطين على امي و الطراق ماااااااااااله حق !!!!


و العرس يمكن يبيج و مايقدر يطول بما ان عندكم عزا

بس من حقج تسوين عرس خلي يتحمل التكاليف خوووش بيقتصد على راسج؟؟



انا اقول استخيري و تو الناس اذا عشان هاذي السالفة ماتبينه شبتسوين باجر لا صارت المشاكل الصجية؟؟؟




بعدين حبيبتي ايام الحرية و الطلعات و الرفيجات انسيها
ما راح تلقين رجال يرضى تطلعين مع رفيجاتج بروحج
وتردين الساعه 11 !!!

 

[Ray.Bana =$]

اذا هاذي اولها ينعاف تاليها

يامعوده كلامه يصروع خليه والله يعوضج بداله انشالله شنو ماكو بهالبلد الا هالولد !

واهم شي عشان يراضي امه شكلها وازته عليج قبل لاياخذج من الحييين ناااااويه عليييج شكلهااا براسها شرر لاتاخذينه اذا امه جذي شرريه صدقيني باجر لما تتزوجون تتحكم فيه حتى توصل فيها المواصيل انها تقوله يطلقج اذا يبي رضاها

 

[korboona]

خليه يولي شلج بهالتخلف الله بيعوضج اللي احسن منه هذا من البداية جذي !

 

[sportya mo 9j]

يمكن جذي اسلوبه دفش ‏ كلامه طراق وبوكس
وجنه داش حرب مو عن قصد اهوا شكله مايعرف للبنات ويعني مايبي يدلع
علأقل هذا اثول بين طبعه من لأول مو الي يتمسكنون لين يتمكنون
مو نفس الي فترة الخطبه يبنون ملائكه ويوم يتزوجون ينصدمون
فيهم حريمهم

شوفي من رايي هذا خبل وفيه دفاشه ومايعرف للبنات وهذا احسن شي
اذا ياج شايش ويتحجى بدفاشة رد عليه بنعومه ساحليه تكسبينه
وتحطينه بمخباتج وتمشين لاتراددين جذي عباله مسابقة
الخشونه ماتحكم فيها الا النعومه والله يوفقج