امبولات اناستيم للشعر

[رمشه]

شلونكم صبايا
بسألكم عن امبولات ( اناستيم ANASTIM ) للشعر؟ الدكتوره وصفتهم لي
قالتلي استخدمهم ٣ شهور يوم بعد يوم وعطتني شي ثاني مادري شنو يمكن مطهر
فيكون العلاج يوم الامبوله ويوم المطهر لمده ٣ شهور
وعطتني كبسولات ماركة (اكرينال) مثل فيتامينات مقويه



فبعرف عن امبولات ( اناستيم ANASTIM ) منو جربهم ؟ انا قريت تجارب البنات ووايد مدح عليهم
بس انا بعرف النتيجة بعد ما يخلص الكورس.. هل يرد الشعر يتساقط اكثر من قبل

في بنات قالو يتساقط الشعر بعد الكورس و السبب انه البنت اللي استخدمتهم قطعتهم فجآه مو بالتدريج
فبعرف البنات اللي قطعو بالتدريج تساقط شعرهم بعد الكوس ولا لا؟؟؟

وهل اقدر استخدم الامبولات طول حياتي بس اريح بين كورس وكورس ؟ ولا مو زين

بناااات واييييد محتاجه تجاربكم شعري راح فيها خلال سنه تحول من شعر اقعد عليه وصحي لشعرتين واصلين لكتفي وفراغاااات :eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11): والله العظيم قمت اتفشل افتح شعري جدام زوجي خاصه انه هو اول من نبهني ان صارت فراغات شعري كبيره


وابي تجارب البنات حتى اللي استخدمو امبولات ماركه ثانيه يالييت تقولون تجاربكم



طبعا انا صارلي شهرين استخدم حنه بالمحلب
وخلطة السدر بماي البصل والثوم
وصار شعري في حيويه ولمعه حتى ما استخدم السشوار كلش بس للاسف ما وقف التساقط (



اي وبعد انا مسويه كل التحاليل الدرقيه والحديد وفيتامين دال ومال يوم 21 من الدوره ومال 3 او 2 يوم من الدوره كلهم سويتهم ماعندي اي مشكله ولا اي نقص بس الحديد نازل نتفه وخذيت كبسولات
فماعندي اي مشكله بهرموناتي

 

[رمشه]

معقولة قسم العنايه بالشعر ومافي احد مستخدم امبولات :eh_s(10):

صراحة احباط :bbbiu:

 

[رمشه]

رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ

 

[رمشه]

رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ

 

[أسرار الجمال]

والله مادري عنهم انا استخدم تونيك سورسير وبصراحة رووووعة ودائما اكتب عنه لان صح مفيد ونتيجته سريعة

 

[إطلالة القمـر ...!]

آب للفائدة

إن شاء الله المجربات يفيدونا

 

[Gold gem]

كتبتها ليا الدكتوره شعري مره يتساقط بس ماشاءالله خففت التساقط وبعدين حبيبتي قالتلي الدكتوره مايطيح الشعر بعد التوقف اتوكلي على الله واستخدمي

 

[رمشه]

كتبتها ليا الدكتوره شعري مره يتساقط بس ماشاءالله خففت التساقط وبعدين حبيبتي قالتلي الدكتوره مايطيح الشعر بعد التوقف اتوكلي على الله واستخدمي

يعني للحين مستمره في العلاج ولا خلصتي ؟

عشان بشتريهم اليوم

 

[رمشه]

والله مادري عنهم انا استخدم تونيك سورسير وبصراحة رووووعة ودائما اكتب عنه لان صح مفيد ونتيجته سريعة

وشنو هالتونيك وشنو فايدته ؟ ومن وين احصله

 

[رمشه]

آب للفائدة

إن شاء الله المجربات يفيدونا

مشكوره عالرفع :eh_s(7):

 

[Gold gem]

ايوه استخدم وباقي ليا ٣علب وانشاءالله اكمل الكورس لان الدكتوره قالت لازم ٣شهور فتره نمو الشعره والله ينبث شعورنا يارب

 

[رمشه]

ايوه استخدم وباقي ليا ٣علب وانشاءالله اكمل الكورس لان الدكتوره قالت لازم ٣شهور فتره نمو الشعره والله ينبث شعورنا يارب

انزين شلون طريقه الاستخدام تحطينه على الشعر المبلول ولا تنشفين شعرج وبعدين تحطينهم

وعادي استخدم السشوار والامبوله على شعري ؟ والدكتورخ قالت كل استخدام ٢٫٥ ملم بس شلون تكفي هالكميه القليله للشعر كله ؟

وانت وين بالكويت ولا السعوديه ؟ لاني رحت صيدليتين ما حصلت فيهم هالامبولات
من وين شريتيهم ؟

 

[خلطات المذهله]

بروحهم ماينفعون اذا عندج تساقط قوي

 

[مدّهره !]

أول مره أسمع فيهم .’,

 

[رمشه]

بروحهم ماينفعون اذا عندج تساقط قوي

اي تساقط فظيع وطبيعة شعري تغيرت
كان قبل الشعره نفسها سميكه فتعطي لشعري كثافه
بس الحين صارت نفس شعر الاطفال وايد رقيقه تتقطع بسرعه

انا عطوني امبولات وتونيك في كحول وشامبو غير شامبو من نفس ماركة اناستيم (انفيز) يمكن اسمه

بس ماخذيت اي حبوب لان كل تحاليل زينه مايبيلي شي


شنو تنصحين اني اخذ معاهم ؟