امانه حلو مشكلتي

[بنت نااس]

سلام يااحريم

كيفكم انشاءالله بخير

ممكن تسااعدوني فديتكم
مالي غير الله ثم انتم
هو سؤال محرج شويه

أنا ياحريم عندي هوا أثنى الجمااع والمكان متوسع بصراحه ماكان كذا كا ضيق مره

وانا حامل ليه الحين سته شهور ونص
يعني اهو من الحمل اوايش بضبط

وزوجي معكر مزااجي يقولي شوفي له حل :eh_s(11):

بليز الي عندها حل تقولي او مر عليها زي حاالتي

اشوف ردودكم

ولي ماتعرف تسوي رفع
​

 

[ice-moon]

اختي كانت مثلج

من اول ياهل اختربت وابظاهر مو مخيطينها عدل

بس سبحان الله حملت مرة ثانيه وبولادتها وصت الدكتوره تضيقها لانه زوجها مو مرتاح


وفعلا تقووول وايد تغيرت رجعت مثل اول

 

[حزينه 22]

اب
اب
اب

 

[Miss Chanel]

اب
اب

 

[أنوار العشق]

أنتي بكريه ؟ يعني هذا أول حمل أو ثاني ؟
إذا بكريه غريبه !
بس إذا حمل ثاني عادي
ما أدري صراحه يمكن من الحمل فعلآ
خلاص الله يعينج نطري لين تولدين
لآن ما أنصحج بالاعشاب وأنتي حامل
يمكن تجيبلج نزيف بالوالده أو شي الله يستر

بعد الولاده مدة الاربعين يوم .. حاولي كثر ماتقدرين لاتسبحين لآن السبوح يفتح المسام ويدخل هوا .. بس شطفي بعض الآماكن تشطيف خفيف
ولازم يبلش الريوق ( الفطور ) أمبجر
لاتأخرين الفطور
ولاتجوعين
وأحرصي على دويات الآنفاس .. دوري وحده ثقه ودوايتها ثقه وسأليها شنو المكونات وتأكدي من المكونات أنها أشياء طبيعه وأشتريهم وأكليهم ..
وأحرصي على الملفع طول الآربعين لايطيح من راسج
ودلاغات إذا بيتكم سيراميك ..

أو إذا حابه تسوين عميلة تجميل براحتج
والله يعينج يارب

 

[Tom ♥ Jerry]

.



يمكن من الحمل ..
نطري ليه تولدين بعدين روحي شوفي شنو المشكله اذا ظليتي على هالحآل عقب الولاده

 

[Diva-Q8]

اكيد من الحمل نطري تولدين بالسلامه وبعد الخياط كل شي راح يصير مثل ماتبين انشالله
او بمراجعتج اليايه سالي دكتورتج شنو ممكن تحطين عشان تخففين من هل حاله

وصعب ننصحج بتحاميل او اي شي وانتي حامل يمكن يظر الجنين لاسمح الله

 

[عبث طفله]

مالج حل الا التجميلي بعد الولاده والاهتمام بالنفاس ..

الحين ما تقدرين تسوين شي كلش كلش

 

[ام فهد5]

نفس المشكلة

 

[الريشة]

قولي لزوجك إنه كلما قربتي من موعد الولادة راح تتوسع المنطقة اللي تحت شوية استعداداً للولادة سبحان الله.
و كلمي دكتورتك عن هالموضوع أحسن.
لما تولدين تنفسي عدل....

 

[زين ودلال]

الله يعينج ان شاءالله مثل ماقالوا البنات نطري لين تولدين

 

[بنت نااس]

مشكوراات ماقصرتن والله

الله يسعد كل من رد عليه

بس حبيت اسئل عن العشاب الي أخذ بعد الاولادة ايش اسمها عشان مو عاارفه في الامورهاذي
الله يرزقها الي ترد عليه
وين ماراحت​

 

[MissChoco]

الله يسهل عليج ياارب ،، شكلج هذا ثاني حمال وانصحج تروحين حق دكتوره خياطها زين وقوليلها ابي تجميلي

والادويه شوفيلج اي مره تبيع ادوية نفاس ماشاءالله شكثرهم الحريم الي يبيعون واحسن شي اخذي من حريم لانه شغلهم نظيف وحلو
واخذي لهوم وحسو ورشاد خلطيه مع التمر حيل حلو ،، وفي حسو ناعم تحطينه بالعصيده هذا حيل ينزل الدم وانتي بكرامه
واهتمي بنفاسج ودلاقج وصروالج الطويل مايطيح منج .. و وخري عن الهوا البارد ،، و ورا الولاده كله انسدحي وسكري ريلج
والي يقولج ماله داعي لا تاخذين بكلامهم لاني صج كليتها بالنفاس وشكله يبيلي نفاس ثاني

 

[ملح الكويت كله]

بنفاسج اكلي لهوم.. حسو.. بهارات نفاس .. تغذي عدللل .. ريوقج اكلي بيض مع ششويه دوه للنفاس اللي اهوا البهارات المخلوطة مع بعض وكوب حليبه فيه قفشه حلبه مطحونه ..

ابتعدي عن الدسم والعيش ..
واكلي تمر مع حبه حلوه . قبوط ومرقوق,, بليل شوربه دياي مع بهارات النفاس. وقولي للطبيبه تسويلج تجميلي ,, وبتكونين عرووس باربعينج انشالله

 

[المكسيكيه]

البنات فادوج

 

[MissChoco]

ونسيت اقولج اكلي حلبه وااايد زينه وتقوي الظهر واكليها بس اول ١٠ تيام لا تكثرين لانها تسبب رطوبه

وهذا موضوع العضوه ليدي وااايد حلو ومفيد ان شاءالله يفيدج

http://www.q8yat.com/t703191.html


واذا تبين شي مايردج الا لسانج ،،

وعسى الله يهون عليج ياااارب ويسهل عليج وتقومين بالسلامه

 

[بنت نااس]

الله يسعدك وين مارحتي بس الحلبه سمعت عنها انه مو كويسه

الله يجزااك بالجنه​

 

[××بنت الشيوخ××]

ان شاء الله امورج تتعدل يارب

 

[بنت نااس]

أنشاءالله

الله يسمع منك​

 

[أأأميرة الورد]

البنات ما قصروا