امانه تعالوا ؟؟؟؟؟؟؟؟؟؟؟؟؟؟؟؟؟

[ام هالدنيا]

قوة بنات انا انشاءالله راح اروح لدبي بعد اسبوع ابي شلون الطريق ومتى امشي تنصحوني وشنو احلى واحسن وانظف فندق بدبي وابي فندق مو غالي لا رخيص يعني وسط وابي الطريق يخرع او لا لانه انا كنت ابي اروح له بشهر 2 وصارت لي ظروف ولا راحت له

 

[بسبوسه11]

اذا تقصدين طريج البر فبصراحه ماجربته بس اعتقد انه طويل ومتعب واسعار الطيران اللحين رخيصه وفيه هناك اجار سيارات هم مو غاليه

واذا تبين فنادق فدبي كلها فنادق طبي وتخيري بس فيه فندق اسمه كوبثرون هذا اعتقد عائلي واسلامي يعني مافيه خمر ولا ديسكو وهالسوالف واذا تبين سكن نظيف ورخيص اخذي بمنطقة البرشا وهذي منطقه قريبه من مول الامارات واقترح عليج مثلا غرانديور او رامادا البرشا اعتقد اسعارهم اللحين على 10 دنانير بالليله

ورحلة سعيده

 

[ام هالدنيا]

مشكورة يالله الغاليه

 

[ام هالدنيا]

شدعوه مافي احد يشوف موضوعي ويرد علي شدعوه وينكم يا بنات ديرتي يا خواتي شذى لما احتاجت منكم مساعده تسون معاي شذى

 

[منو انت]

مثل ماقالت الاخت الحيين الطيران كثر وان شاءالله تحصلين تذاكر بالسعر اللي يعجبج بس ماانصحج تروحين بالسياره اذا عدد المسافرين بسيط واذا على الفنادق حلو تاج بلس اسلاميه واسعاره مناسبه وقريب من الاسواق

 

[بنت عبدالغني شربت]

الجريده الحين متروسه عروض حلوه حق دبي اخذي باكيج احسن

 

[shakshuka]

طريج البر ما انصحج خط الحسا رعب خط واحد رايح راد والطريج 12-15 ساعه
ولما تدشين الامارات ينشلع قلبج ما وصلتي دبي خط صحراء عله هذا غير البانزين ناااار عندهم ويبيلج تريحين بالطريج وتعبين بانزين جم مره يعني الدرب بيكلفج مو اقل من 200 ديتا ر والمخالفات عندهم الله لا يوريج وقفنا عند مطعم مخالفة شكو وطبعا المخالفة معاج لي رديتي الكويت تدفعينها

 

[ام هالدنيا]

مشكورين خرعتوني موعن سعر تذاكر لا والله واقسم بالله موعن سعر التذاكر غاليه زوجي يبي يغامر واهومن الي يحبون السيارات اكثر من الطائرات وترى انا وزوجي وعيالي الثلاثه ما راح يكلفنا شي التذاكر وترى قيمة تبدبل التواير والبطاريه وغيرها من شغلات السيارات الي تبي تبديل يعني راح تطلع قيمة التذاكر

 

[ام هالدنيا]

واذا عن التاكسي ريلي ما يدل عدل في دبي يعني راح ناجر سياره مع السائق

 

[بناتي سكر نباتي]

الله يسهل دربكم

 

[رزينه بكلمتي]

المسافه 1200كم يعني اذا طلعتو الصبح بتمسون في دبي ان شاء الله والطريج امان حبيبتي وترى المغامرات حلوه وتكون جوها عائلي وترى من حدود الكويت لحدود الامارات 700كم تقريبا بس من تدخلون حدود الامارات يبالكم جريب ال420كم

الطريق يبدء من النويصيب ثم مرورا بشارع ابوحدرية الى ان تصل مفرق الاحساء بقيق وستكون

المسافة حوالي من النويصيب الى المفرق 250 كم والطريق الى الاحساء حوالي 150 كم

وقبل وصولكم الى الاحساء اتبعو الاشارة الدالة على الامارات قطر وسيكون الطريق من خارج الاحساء

وسيبلغ طول الطريق الى حوالي 250 كم وقبل وصولكم الى الحدود القطرية السعودية منفذ سلوى

ابوسمرة بتحصلون الاشارة الدالة على طريق عمان البطحاء جهة اليمين وبعد 120 كم بتدخلون في

الحدود الاماراتية السعودية وتبلغ المسافة من الحدود الى دبي حوالي 420 كم والطريق في الامارات

مريح جدا وبه الكثير من الخدمات اما الطرق بالسعودية فهي بحالة تجديد وبها الكثير من التحويلات

اكتبي هالمعلومات عندكم واتبعوها وان شاء الله ربي يسهل دربكم وتوصلون بالسلامه ورحله سعيده ومرحبابكم