اماكن سياحية في دبي؟؟؟

[ام علاوي وعزوز]

قوة بنات اشلونكم وشخباركم
بروح دبي بالصيف وباخذ عيالي معاي شنو الاماكن اللي تصلح حق الجهال
يعني بونس عيالي وين اوديهم ؟؟؟؟؟؟
غير مدينة الثلج ومدينة الطفل
شنو فيه اماكن ثانية ؟؟؟؟
وشكرااااااا

 

[شهدQ]

مشاركة: اماكن سياحية في دبي؟؟؟

عندك مدينة مدهش

ووديهم للمجمعات اشتريلهم اغراض السفر وونسيهم

وفي الباص العجيب يدش الماي وياخذ لفه بالخور

قرية البوم السياحية يمدحونها

ترى انا مارحت بس سمعت الخوات يتكلمون عن هالاماكن خصوصا ان اغلبها يديده

ماشاء الله مع اني رايحه لدبي قبل سنتين بس تطورها فظيع

كم ناويه تقعدين هناك ؟؟

 

[ة_ة]

مشاركة: اماكن سياحية في دبي؟؟؟

عندج وندر لاند

وايلد وادي

سكي دبي فامارات مول



واذا اتذكرت شي بررررد لول

 

[كل الغلا]

مشاركة: اماكن سياحية في دبي؟؟؟

حديقة الخور وفيها تلفريك ..حلللللللللوة
وطبعا مشيهم بالمراكز روعة

 

[كلي عسل]

مشاركة: اماكن سياحية في دبي؟؟؟

أنا من دبي وأحمد ربي إني من دبي.... بصراحة دبي فيها كل شي من فنادق روعة ومطاعم وأماكن الترفيه... عشان ما تتعبون وتوفرون عليكم وقت... كل مركز من مراكز التسوق فيه مكتب أ بوث يكون فيه موظف من حكومة دبي خاص بتعريف السياح بجميع أماكن التسوق في دبي ... لا تحاتين إذا انت في دبي فانت في أمان والكل يخدم

 

[brettey]

مشاركة: اماكن سياحية في دبي؟؟؟

انا رحت لها الصيف الي طاف صج دبي دار الحي عجيبه و انشالله بروح لها شهر يوليو القادم

 

[حلوه ومزيونه]

مشاركة: اماكن سياحية في دبي؟؟؟

انا ودى اروح لها باصيف بس الشكله جوها ما يساعد

يعنى انحشنا من الحر طبينا بالرطوبه

 

[جكورة]

مشاركة: اماكن سياحية في دبي؟؟؟

حلو مجمع الإمـارات موول فيـــه ثلوووج....

القريــــه العالميــــــه....

 

[طفوش]

مشاركة: اماكن سياحية في دبي؟؟؟

وديهم قصر الرعب فى مجمع الوافى بس يخرع اذاعيالك قلوبهم قوية وديهم

كل مجمع فية مدينة العاب ستى سنتر البستان ريزدنس الصحارى فى الشارقة

مدينة الثلج فى مول الامارات

 

[ام علاوي وعزوز]

مشاركة: اماكن سياحية في دبي؟؟؟

مشكورين حبايبي على هالتفاعل ما قصرتو

 

[ورد البحرين]

مشاركة: اماكن سياحية في دبي؟؟؟

الصراحة كل شي في دبي يجنن آنا كل سنة آخذ أعيالي ونروح دبي الصراحة وايد وناسة وكل سنة يبون يقعدون أكثر ويحذرونةآنا مع أبوهم كم يوم بنقعد أهناك لأن وايد يستانسون وأحنا مانخلي مكان مانروح من أول ما نوصل المطار ناخذ السيارة ونروح عاد المجمعات وايلد وادي فظيع أتقظين يوم كامل فيه تفتح من الساعة واحدة الظهر إلى الساعة 9 في الليل يعني يوم كامل في الماي البارد الحلو اللي يبرد على القلب بعدين نروح العين جبل حفيت والمبزرة شي ولا في الخيال الماي ينبع من الجبل حار وصحي وفيها 6 حمامات سباحة 3 للنساء 3 للرجال بس بشرط لازم تلبسون ملابس سباحة والقرية العالمية ما تفتح في الصيف بعد أماكن الثلج ورحلة في البحرين على البانوش مع العشاء لمدة ساعتين أناسة ​

 

[شهدQ]

مشاركة: اماكن سياحية في دبي؟؟؟

اضيف مجمع صحارى روووعه تغدو فيه وونسي اليهال

 

[نفيشه]

مشاركة: اماكن سياحية في دبي؟؟؟

يعطيكم العافية ويريت تكملون بليز خوش موضوع

 

[ام علاوي وعزوز]

مشاركة: اماكن سياحية في دبي؟؟؟

وعلى فكرة بنات اذا فيه اماكن في الشارجة بحكم اني انشالله راح نسكن بالشارجة اخف من زحمة دبي بس انشالله نتسوق بدبي عشان ما كو فرق المسافه بينهم شنو المجمعات الحلوه بالشارجة وتونس لليهال؟
ادري مصختها بس شسوي خبري بدبي قبل 3 سنوات والحين يقولون تغيرت وفيها اماكن وايد فتحت يديدة سياحية
وشكراااااااااا

 

[شهدQ]

مشاركة: اماكن سياحية في دبي؟؟؟

مجمع صحارى بالشارقه عزيزتي

 

[ورد البحرين]

مشاركة: اماكن سياحية في دبي؟؟؟

بنات بقيت أسال الباص العجيب اللي يدش الماي في وين يعني وين نروح له عشان نركب فيه

 

[ياسميين]

مشاركة: اماكن سياحية في دبي؟؟؟

الله غرامي دبي ( عجييييييبه ) كل فتره تتطور أكثر

 

[ام علاوي وعزوز]

مشاركة: اماكن سياحية في دبي؟؟؟

الباص اللي يدش الماااااااااي ؟؟؟؟؟؟؟؟؟؟؟؟؟
وين صاير قولولي قبل لا ارووووووووووح دبي

 

[شجووون]

مشاركة: اماكن سياحية في دبي؟؟؟

بالنسبه حق الشارجه عندج ستي سنتر الشارجه وميغا مول وصحاري
وبالنسبه حق الباص العجيب تروحين تحت في مجمع برجمان المكاتب اللي برا تحجزين من عندهم بس بالصيف يصير زحمه لازم تروحون قبلها بيوم تحجزون