الي يعرفون صالونات الجابريه والسالميه دششوا

[كتكوته ورديه]

هلابنات عندي عرس
من الاهل ابي صالون حلو المكياج والشعر شرط يكون المكياج حلو
واهم شي يكون الجابريه او السالميه
بس يكون صالون عدل مو مشبوه الاني اخاف اروح صالون بيبوت قديمه حيل يكون صالون سنع

 

[كويتية زقرتيه]

حق الشعر يمدحون صالون موس بالجابريه يمكن

 

[كتكوته ورديه]

اشدعوه 10 ولا اخاب الا وحده

 

[منار البربرية]

اذكر وحده من البنات كانت تمدح صالون الفاتنة بالسالمية مادري عنه بس شكله راقي سوي سيرج عنه ، وبالجابرية حق الشعر موس شطار بالتكسير

انشالله البنات يفيدونج مايحضرني الحين اسم معين ​

 

[خَآنِي زِمآنَيٍ]

انتي شنو ميزانيتج حق الصالون والهرس قريب منج ولا شوي بعيد عشان اقدر اجاوبج

 

[كويتيه احب الكشخه]

حق الشعر عندج موس حلو
واذا تبين ويفي بيتي بوب حلو شغلهم بعد بس ستايل ناعم
وبالنسبه للميك اب انصحج بالي اتعامل معاها شغلها ذرب ورااقي وتبرز ملاح عدل
وهي تجيني للبت وايد ستايل راح ادز لج رقمها
ولا تنسيني بدعوه حلوه
وموفقه

 

[سنجوبه]

حبيبتي تعرفين شارع بنك الخليج بالجابريه في صالون اسمه رتاج دشتي وتحت ارماتكس انا جربتهم اثنينهم صراحه على مستوى .. خصوصا رتاج دشتي وايد وايد عجبني مكياجهم وتسريحاتهم بس ترا غالي اذا تبين ارخخص شوي عندج ارماتكس هم مكياجهم حلوو انا مجربته ايصير تحتهم على طول الدور الاول ارماتكس والثاني رتاج

 

[F.DIAMOND_Q8]

شوفي حبيبتي بخصوص المكياج في صالون بالجابريه اسمه جي جي ستايل بصراحه مكياجهم حلوؤو و الكل راح يسألج عن مكياجج صدقيني
(بس لازم تتصلين قبلها بيوم جنه علشان تحجزين)
بس بالنسبه للتسريحات اممممم بصراحه ما جربت بس في وحده لبنانيه اسمها فريال استفسري منها​

 

[dla3_princess]

جررربي الشعررر بصالون هير ستيشن الجابريه

او بيوتيك الجابرريه حيييل حلوووو بس مكياج بيوتيك لا تحطين استغفرالله

يلووع الجبد عندهم خبيررره لبنانيه حطيت عنددها و حددددددي تحسفت

خلتني جيكررره واااي كان شكلي مهوووول

قمت مسحته و حطيت مكياج حق نفسي و انا اساسا اعرررف احط بس

قلت ابي احد يحطلي لآن مالي خلق... بس تحسفت ...


موووفقه