الي يرضعون طبيعي .. شنو السر ؟

[همي رضى خالقي]

السلام عليكم

بنات انا وابد سمعت عن فايدة الرضاعة الطبيعية بس انا ماقدرت ارضع طبيعي صدري مافيه حليب هل اهو عيز مني؟ ولا صج مافيني حليب ؟

قولونا بنات تجاربكم مع الرضاعة الطبيعية من ولدتو الياهل شلون جدولكم كان من ناحية اكلكم والنوم وكنتو تداومون ولا لا وتعطعون وياه صناعي وشلون تحسون انه في صدركم حليب

 

[om.mohamed]

موضوع حلو... ان شاء الله يفيدونا

انا الي عرفته التمر والحلبة ةايد زينين لادرار الحليب
وطبعا السوائل

 

[مرهفة]

هلا اختي

مادري شنو اللي خلاج اتحسين ان مافيج حليب ؟
ومتى قطعتي الرضاعة؟
انا اشوف ان الطفل اذا يمص من صدرج هالشي يحفز تكون الحليب ، اما بالنسبة لاحساس ترى التورم يكون اول ايام النفاس او اذا تفوتين رضعة هني صدرج يتورم والا اذا الطفل يرضع كل ساعتين لين ثلاث ساعات ترى صدرج يكون جدا عادي واحسه نوع المترهل بعد ، وتغذيتي عادية جدا الاكل نفسه اللي كنت اكله قبل وولدي الله يحفظه مايشرب غير طبيعي جربت اشربه صناعي ماتقبل ولا يتقبل حليبي في مميه يعني اشفط له احسه تلوع جبده من الحلمه الرضاعة فيها ايجابيات وسلبيات نفس الوقت اتقيدج مع الطفل وايد لدرجة اني استقلت من وظيفتي عشانه ...

 

[++صدفة++]

الرضاعة الطبيعي يبيلها صبر ثم صبر ثم صبر
شي طبيعي اول شي يكون الحليب قليل بس لازم تاكلين اشياء تزيد الحليب مثل الحليب لازم تشربين حليب انا بنفاسي يدتي كانت تغصبني كل يوم عالريوق اشرب كوب حليب مع اني ماحبه وهالشي واايد فادني
الحلبة هم بعد مفيدة اذا تاكلين تمرية حطي فيها حلبة وايد مفيد
ولازم تصبرين لأن البيبي مو من اول شي راح يتقبل صدرج لأن الممية اسهل له بس صبري يومين ثلاث بالكثير اسبوع وراح يتعود على صدرج
صدقيني اذا ما عندج صبر ما راح تقدرين تكملين انا بالاول بنتي ما كانت تتقبل صدري كنت ابجي وكنت فاقدة الامل اني ارضع طبيعي بس يدتي الله يطول لي بعمرها شجعتني اكمل والحين بنتي اسم الله عليها عمرها جريب 3 شهور تشرب رضعة طبيعي رضعة صناعي

 

[نور دنياه]

انا عمر بنتي الحين 4 شهور فديتها، وتوني فطمتها هالاسبوع.
وبالنسبه للاكل كان اكلي عادي مثل قبل بس يمكن لاني كنت اشرب بالنفاس حلبه و تمر وعصيد و حليب و هرده هالاشياء تساعد على انه يدر الحليب.
والرضاعه صج اتقيدج واايد ... وانا بنتي احيانا تتعب من المص وتمص 5 دقايق وعقب تتعب وتبجي بس كنت اصر انها تكمل وكنت اعطيها صناعي بعد عشان تشبع مسكينه

اما الحين صراحه رااااحه بعد مافطمتها مااقوم كل ساعتين ولا اضطر اني اشفط لها وانا بالشغل ، وانام نومه كامله بدون تقطيع