الي يدخنون زقاير بالشوارع وداخل المجمعات

[diamond doll]

السلام عليكم

بنات اول شي اكيد كل واحد عنده الحرية الشخصيه انه يسوي الي يبيه

بس مو لما يضر غيره .. صح ؟

وايد اتنرفز لما اشم ريحة زقاير يمي بالمطعم او بالشارع واحنا نتمشى

يعني اهما يدرون شكثر اهوا مضر وكله يوزعون بروشورات بالمدرسة وبالمستوصفات وحتى بالمجلات والجرايد عن اضرار التدخين ومقارنة بين قلب المدخن او رئة المدخن

يعني مو مقصرين نوريهم اضرارة ومايبون يصدقون كيفهم ..

بس المشكلة " ان الي يشم ريحة الزقاير ينضر اكثر من الي يدخن "

والابله بالمدرسة قالت لنا ان الي يدخن بنسبة 30% بس الي يشم ينضر بنسبة 70%

يعني احنا مالنا شغل ننضر دخنوا بالبيت ؟

شرايكم توافقوني الراي ؟

 

[ليمونه بارده]

الله يهدييهم

 

[عادت ذكرياتي]

الله يهديهم والله

 

[Angel-Lady]

اذا ماني غلطانه ممنوع ان احد يدخن في الاماكن المغلقه و هذا قانون من 95 لكن مو يطبق

لو فيه احترام من الشباب المدخنين للغير جان ما فكرو يدخنون و يضرون غيرهملكن شنو تتوقعين من واحد بايع صحته على حساب وناسة دقايق

الله يهدي الجميع ان شالله *

 

[diamond doll]

اي والله

 

[عبالي حبيبي]

المشكله ماكو تطبيق لهالقوانين

 

[نونه العنونه_H]

والله انا لما احد يدخن يمي ادووووخ
ويصير فيني صداع احس بموت

 

[manoooram]

القانون موجود ..
لكن
لا يوجد من يحترم القانون ويعمل على تطبيقه
هذي مشكلة بحد ذاتها
اللي يلوع الجبد ريحة الشيشة المقرفة بالمطاعم

 

[ام كوثر2007]

والله انا ذاك اليوم متهاوشه مع مراهق داش كنتاكي وانا مع عيالي وهو واقف ورانا ينطر دوره عشان يطلب

وانا ولدي اساسا عنده حساسيه بالصدر واسمع ولدي يكح بغي يختنق

الفلبينيه تقوله اطلع برا دخن يقولها بطلب بسرعه واطلع


والتفت عليه قلت له ما تخاف ربك ؟؟ يهال قاعدين يشموون هالريحه شذنبهم انك مستهين بالدنيا وبالعالم ؟


بعدين طس طلع برااا مستخسر يطفي الزقاره يامال الفقر ..



مشكله انه هالقانون موجود من دور يدي .. لكن منو يطبق ؟؟؟؟


متي نصير مثل دبي ؟؟؟؟ علي الاقل عندهم احترام للقانون مو نفسنا مشفطين علي كل شي


صج موضووعج يحر والله .. يعطيج العافيه

 

[snfora-rafla]

بنات انا بدش عرض معليش

مطلوب لشركة معرض افكاري من الاخوات البدون العمل مع فريق نسائي في الفترة المسائية٠ 94963060
(( معرض أفكاري ))

 

[G!RLooNa]

احنا بصوب و تطبيق القوانين بصوب ثاني ! اذا بالمطار قاعد يدخنون و داخل الكليات يدخنون و مو اي كليه داخل مبنى كليه الطب يدخنون شرايج!!

كـــلـــيـــه الــــطــبـــ ! يعني اذا اكثر ناس فاهمه و واعيه ماهمها و طاقه غيرها بالطوفه و قاعده تدخن داخل الكليه شلون باجي الاوادم و الله ما همهم و احنا ديره الله بالخير قوانينا ٩٠٪ حبر على ورق

 

[سفيره الكويت]

باختصار مافي احترام للقانون في دولتنا فطبيعي هالشي ..!

 

[diamond doll]

مشكورين بنات على مروركم وجان زين نلقى حل حق هالمشكلة

 

[al-musk]

معاج تماما يبي يضرون نفسهم كيفهم بس بعيد عنا

 

[pinkoosha]

انا عن نفسي عادي ما يأثر فيني موضوع المدخنين,, الوالد واخوي وريلي مدخنين ف متعوده على هالريحه

بس الي باط جبدي, برمضان الي فات كنت رايحه افنيوز بشتري حق العيد ولا اشوفلي مراهق عند المسافط اقف عند الباب ويدخن والله يا بنات من حرت قلبي قمت ارجف,, مريت يمه وياني احساس ودي اصكه كف يفر ويهه هاللي ما يستحي على ويهه جليل الحيا يدخن والناس صايمه

 

[حنطاااويه]

الصرااااااحه قله ادب
محطوووط اعلاان اشكبرره ممنوع التدخيين
ومااكو لا حياه لمن تناادي
احناا شنو ذنبناااا ندخن معاه تدخين سلبي

 

[نعومه حدي]

اذا مافي قوانين تتطبق بالديرة
وناس وقحه شتهقين بس اللي يحر ان أحنا نتضرر اكثر منهم شي يقهر صراحه
وين ماتروحين مخنوقا بالمطعم بالكليات بالكافيهات والسوق
شي يبط الجبد

 

[diamond doll]

الله يسامحهم : (