الي يايبه عيال ورا بعض تدش ابي رايها وبس

[شواخي]

هلا والله

بنات الحمدلله انا عندي بنوته والحين عمرها 9 اشهر

يبتها قيصريه مع ان مت وانا احاول بالطبيعي واخرتها لان الحبل السري كان ملفوف بعيد الشر

المهم

انا فالبدايه كان ودي اييب ورا بعض

لكن الحين عرفت اني ما اقدر عاليهال

والله بنتي متعبه وماشاء الله نشيطه وبالليل مو مخليتنا لا انا ولا ابوها ننام

وانا موظفه والحمدلله و لازم اطق طريج انزل بنتي عند امي بمنطقه ثانيه

المهم

الحين زوجي بدى يحن لبيبي

واقوله تعب وهو يدري بالتعب وانا وحده ضعيفه و هزيله و الله يا الله

و دايم اخاف على بنتي ما اقدر خليها عند الشغاله .. انا البس و ابدل و انوم

ما احب

وخاصه شغالتي ما ودها باليهال .. فيبين الي وده والي ماوده


الحين انا في فتره انتقاليه من الدوام وابقدم اشتقاله لان مشاكل مالها اخر والنفسيه تعبانه

وادور على شغل ثاني


الحين الام الموظفه وين تخلي عيالها؟

انا ام زوجي كبيييييييييييييييره و ماتقدر عاليهال

و بدى هالوضع يآثر علي و مع ان زوجي يقول لي لازم تشتغلين عشان نساعد بعض عالمصاريف

والله انا ضايعه وايد

محتاجه الدوام عشان الماده لا اكثر

و كل الدوامات تخلص متآخر وانا ودي ارجع قبل حق بنتي بس ماباليد حيله:eh_s(16):

 

[ليدي بجد]

في حضانات تستقبل الطفال تودينها الصبح وتاخينها لما تردين
وليه ما تستمرين على وضعك تودينها لمك..مع الشغاله وتردين فيهم البيت على الاقل تلقين من يشيل شغل البيت عنك انا اشوف احسن من الحضانه

 

[Violetta]

يا حضانه او عند امج او وحده من خواتج او اذا عندج خدامه

 

[فرفشه منعنشه]

حضاااااااااااااااانه والله يكون بعونج

 

[بيدرش]

ودى بنتج الحضانه أريح وما تحاتين

 

[كادى الحب]

اخدى اجازة بدون معاش وشوفى وضعج

 

[كويتيه مذهله 87]

مو هذا الي نحاتيه الدوام
حبيبتي حطيها بحضاانها والبيبي اليديد عند امج
والله يكون بعونج

 

[عيون سارة]

الله يعين

 

[انوثة من حرير]

اختي المشكلة بدوام ضغط عليج وبنتج متعبتج وبتحملين شراح يصير فيج هاذا انهيار نفسي عليج ان زوجج حن على الحمل اخذي اجازة احسن لج نفسج عليج حق راح تتعبين ومحد حاس فيج هاذا رايي واكثري الاستغفار

 

[قفشـه]

انسي اتيبين بيبي الحين

والله محد راح يحس فيج

خلي بنوتج تكبر وامورج تستقر بعدها فكري باليهال

لان بهالوضع وتبين تحملين راح تهدمين حيانج الزوجيه

 

[زين ودلال]

الله يعينا

 

[شواخي]

فديتكم بنات ريحتوني وايد والله


احبكم

 

[فـدوه]

تو الناس عليج بالحمل لأنج قيصرية مو زين و سالي الدكتورة, مو عشان ريلج قال حملي تحطين نفسج بالخطر !!!

 

[ناتشوو]

انا رايي
لاتفكرين تحطين عيالج عند احد
لأن الام تعبت علينا وبعد بتتعب على عيالنا
اذا مو حابة بنتج تقعد عند الخادمة دوري لها حضانة وحطيها

 

[داريني]

نطري لما تكمل سنه ونص وحملي على ما تولدين الا اهيه سنتين وشوي ودخليها حضانة

 

[الأميرة جوري]

الله كون بعونج

 

[الشيخات]

الله يعينج

 

[دآنة آلرشآيده]

الله يكون بعونج
ودي بنت حضانهـ​

 

[دمثة]

توكلي على رب العالمين ومن توكل عالله فهو حسبة

 

[أحبك أمي]

9 شهور صغيره ياقلبي
والطفل يبي حنان ورعايه
بدري عليك الحمال
وخاصه العمليه القيصريه
لازم ترتاحي
هذي وجهة نظري
والله يسرلك امورك يارب