الي ولدها بمدرسه نظام امريكي تفزعلي

[عيد الفرح]

بنات انا ولدي انولد في بريطانيا ودرس كله نضام بريطاني والحين احنا في لندن او صار صف ثالث وبرد الكويت السنه اليايه
وحدي متوتره ابيله مدرسه نضام امريكي لانه متاسس عدل بالانجلش ومسكين مضغوط من النظام الانجليزي واهو شخصيته مرحه فابي خبرتكم احسن مدرسه نضام امريكي والي ترشحلي مدرسه اتحط لي سعرها عفيه
تكفون بنات انا مقدر ارد الكويت مالي بعد الله غيركم :eh_s(2):

 

[omnona]

انا اشوف مدرسة الامريكية الدولية وااااايد زينة بالانجليزي بس مو مهتمين بالعربي كلش واايد عندهم عادات الامريكان انا ما احب عيالي يتربون علي جذي ،، احب يتعلمون انجليزي بس مايتعلمون اطباعهم ،، واغلب اليهال الي فيها مايعرفون يتكلمون عربي

 

[عيد الفرح]

رد : الي ولدها بمدرسه نظام امريكي تفزعلي

فديتك ماقصرتي زين الدوليه وين صايره وكم سعرها للابتدائي

 

[كوكو لاتي]

مدرسة التكامل العلميه في صباح السالم الابتدائي الفين وشوي

 

[fayoona74]

اختي بعد انا سامعة عن الدولية من ناس بوزارة التربية انها وايد زينة وقوية وعندهم سايت تقدرين تدشين وتقرين عنهم وعن اسعارهم واعلى مستوى من التكامل والله اعلم
وبعد سامعة عن مدرسة امريكية بحولي يم كلية الحقوق سابقا هذي يقال انها ممتازة بعد
وعندج البيان ثنائية اللغة لايعلى عليها وايد امدحوها

 

[حلم الطفولة]

اختي هذي روابط لموضوعين ان شالله يفيدونج ،، وأي تعليق من عضوه يعجبج في الموضوع دزيلها عالخاص وسئليها
كليك على هالرابط http://q8yat.net/showthread.php?t=314084
وعلى هالرابط : http://q8yat.net/showthread.php?t=258187

 

[حلم الطفولة]

اختي هذي روابط لموضوعين ان شالله يفيدونج ،، وأي تعليق من عضوه يعجبج في الموضوع دزيلها عالخاص وسئليها
كليك على هالرابط http://q8yat.net/showthread.php?t=314084
وعلى هالرابط : http://q8yat.net/showthread.php?t=258187

 

[حلم الطفولة]

بالنسبه لي بناتي بأكاديمية الإبداع الأمريكيه ومرتاحه وايد الحمدلله
ماعرف عن قسم البنين وسمعت ناس يمدحونهم وايد ، وناس يذمون ،، الناس أذواق ..
100% ماراح تلقين الشي الكامل بالكويت .. جربت 3 مدارس قبل الابداع والحين الحمدلله راحه مابعدها راحه.

لو أحط نفسي بمكانج أحصر تفكيري بهالمدارس :

الإبداع
الحياة العالميه
الرؤيا الثنائيه
البيان سكووول
التكامل
العالميه الأمريكيه
الرساله الثنائيه

هذا رأيي الشخصي لا تعتمدينه لازم تشوفين وتروحين بنفسج
موفقين ان شالله

 

[عيد الفرح]

رد : الي ولدها بمدرسه نظام امريكي تفزعلي

اقصرتو خواتي فديتكم
حلم الطفوله تكفين كملي جميلج لي وساعديني بالاختيار لان ردتي بتكون حزه بداية الدراسه السنه اليايه فبعرف من الحين
انا بصراحه مايهمني العربي الي يهمني مدرسه تبني شخصيه وتعلم الطفل مهارات الحياه ويكون التعليم بالفن ومو مهم مختلط لانه من صغره فبريطانيا نضام مختلط
تطفين رشحيلي 3 مدارس مع ذكر اسعارهم اذا تعرفين وعسى الله يحرم ايدج عن النار على هالتفاعل

 

[عيد الفرح]

رد : الي ولدها بمدرسه نظام امريكي تفزعلي

حلم الطفوله وينج

 

[حلم الطفولة]

رد: رد : الي ولدها بمدرسه نظام امريكي تفزعلي

اقصرتو خواتي فديتكم
حلم الطفوله تكفين كملي جميلج لي وساعديني بالاختيار لان ردتي بتكون حزه بداية الدراسه السنه اليايه فبعرف من الحين
انا بصراحه مايهمني العربي الي يهمني مدرسه تبني شخصيه وتعلم الطفل مهارات الحياه ويكون التعليم بالفن ومو مهم مختلط لانه من صغره فبريطانيا نضام مختلط
تطفين رشحيلي 3 مدارس مع ذكر اسعارهم اذا تعرفين وعسى الله يحرم ايدج عن النار على هالتفاعل

لازم تكونين موجوده بالكويت وقت التسجيل آخر فبراير وأول مارس ولا ماتحصلين مكان

يا الغاليه الناس أذواقها تختلف يمكن اللي أرشحه لج مايناسبج ,, مادقدر أعطيج خيار محدد

على طلبج ( البيان سكول ثنائية اللغه - العالميه الأمريكيه - أكاديمية الإبداع الأمريكيه - الحياة العالميه ثنائية اللغه) أفضل الخيارات

أحب الابداع بناتي فيها وممتازه ، بس المبنى والمدرسين غير عند البنين والبنات ماقدر أفيدج عن الأولاد

الناس في مثل حالتكم يسجلون عيالهم مؤقتا بمدرسه جيده أول سنه على ما يقدرون يدورون لهم مكان ثاني بس حق يضمنون مكان بالخاص لايروح عليهم ..

في مدرسة جديده راح تفتح السنه القادمه اسمها : أكاديمية الإبداع العالميه < تابعه> لأكاديمية الإبداع الأمريكيه
تستقبل الصفوف الصغيره : روضه وابتدائي يمكن لي الصف الثالث أو الخامس مادري ..

~~~~~ والله أعلم ~~~~~

 

[حلم الطفولة]

بعد مدحو دسمان ،، هم سئلي وشوفيها