الي والدين عند الدكتوره ليلى اشكناني

[كتكوته حبيبي]

السلام عليكم
شلونكم كروشات
من زمان مو منزله موضوع حدي متحمسه مادري على شنو المهم من غير هذره زايده
بسال الي ولدو عند الدكتوره ليلى اشكناني مابي اسال عن الولاده ابي اسال عن فحصها شلونه ايدها خفيفه ولا تعور :eh_s(11)::eh_s(11):
متصرقعه حدي شكلي مراح انام من كثر ماقريت عن الفحص شلون عذاب
تكفون قولو الصج اذا يعور قولو واذا مايعور قولو :yaaaaaarb:
​

 

[ألمآآآس]

وانا بعد ابي اسال عنهااا ...

 

[فرفشه منعنشه]

حبيبتي الله يسهل عليج والفحص مايعور اذا رخيتي نفسج واخذتي نفس عميق وماشديتي ويتروالي الفحص ما يتقارن بالم الولاده اللي هو اصعب ههههههه ولاتخافين اتغشمر معاج سمي بالرحمن ورخي نفسج كوني ريلاكس ومافي الا كل خير وربي يقومج بالف سلامه​

 

[ام الحلوااات]

اللـــه يــســهـــل عـــلــيـــج

 

[أم غايب]

انا والدة عندها ما فحصتني بالتاسع كلش و لمه دخلت المستشفى علشان اولد ما يتني الا لمه انفتحت 5 او 6 سانتي و هالشي ما حبيته فيها تاخرت علي مع ان داقة عليها بنفسي و هم دار الشفا الله يهديهم ما دخلولي دكتورة تساعدني على ما اولد تعطيني مسكن بالدرب او تفتح الماي بروحي مع النيرس و الماي نزل علي من الطلق تجربة انشاءالله ما تكرر و انشاءالله ما يصيرلج الي صارلي

 

[كتكوته حبيبي]

مشكورين بنات ع الردود
ام غايب غريبه اول رد اسمع فيه انها يت متاخر كل الي قريت عنها انها تيي مبجر وبدويه واايد مادري اذا تعرفينها راجعت عندها وتوها والده وقالت فحصتها مادري يمكن اهيا طلبت من الدكتوره يعني عادي اذا قالت بفحصج اقولها مابي الا وقت الولاده

 

[أم غايب]

تصدقين ما طلبت مني فحص
راجعت نص التاسع ما فحصتني و بعدها عطتني موعد باخر يوم بالتاسع بس ولدت قبله بثلاث ايام

 

[غلا جابر 2010]

صباح الخير .. انا بولادتي الاولى افحصتني باول اسبوع بالتاسع وماعورتني كلش حتى لمن كنت بغرفه الولاده افحصتني وهم بعد ماشاء الله ايدها خفيفه ومثل ماقالوا البنات انتي رخي نفسج واخذي نفس ...

والله يسهل عليج ..

 

[كتكوته حبيبي]

يما اخترعت انا موعدي بعد جم يوم وبكون باول التاسع بس مابي فحص

 

[غلا جابر 2010]

مو شرط تفحصج انا بصراحه طلبت .. لان الفحص يسهل الولاده ويوسع

 

[PinkLulu]

هههههه أهم شي تحاتين الفحص أكثر من الولادة

عادي حبيبتي لا تحاتين الفحص عبارة عن عوار لمدة ثواني وينتهي

اهم شي ترخين نفسج مثل ما قالوا البنات

وسألتني تبيني أفحصج ولا لأ؟ يعني مو شي غصب....لما تكونين مستعدة تفحصج

 

[كتكوته حبيبي]

مشكورين ع الردود بنات
بنك لولو انا ماقالتلي تبين او لا بس قالت لازم فحص وبفحصج الاسبوع الياي قتلها مابي قالت لا احسن يسهل الولاده
نزين اذا ماراجعتها عادي لين اولد ولا لازم كل اسبوع انا بس ابي اتطمن على وزن البيبي

 

[غلاتي غلا]

شوفي الفحص شي عاااااادي مافيه الم اللي يعور التوسعه
بس مايمديج تصرخين الا هي خالصه
يعني سهالات ان شالله
انا براجع عنها بس مارحت للحين
اختي بسالج متي راجعتي عندها باي شهر

 

[كتكوته حبيبي]

غلاتي انا راجعت عندها بالسابع

 

[PinkLulu]

مشكورين ع الردود بنات
بنك لولو انا ماقالتلي تبين او لا بس قالت لازم فحص وبفحصج الاسبوع الياي قتلها مابي قالت لا احسن يسهل الولاده
نزين اذا ماراجعتها عادي لين اولد ولا لازم كل اسبوع انا بس ابي اتطمن على وزن البيبي

دام انتي ما تبين مو غصب راح تففحصج...لا تخافين

بس صح كلامها...الفحص ضروري

ومو لهالردجة يخرع....يعور إي...بس عادي يعور أكثر شوي من السونار الداخلي

ووقت الولادة وقت دخول المستشفى راح تفحصج طبيبة الطوارئ...يعني الفحص وراج وراج

وضروري تراجعين بآخر شهر...هذا أهم وقت للمراجعة مو بس حق وزن البيبي

تشوف وضعية الجنين بعد

الله يهون عليج وصدقيني لا تحاتين ولا تخافين أصلاً هالعوار ما راح تتذكرينه عقب الولادة

 

[mrs.inona]

واااي خرعتووني

بطني قاام يعورني من العوار

معني تو الناس ع التاسع !!

ههههههه

بس اهي دكتوورتي اللي اراجع عندها

 

[أبله أريج]

اااااااااااب

 

[Ms.lool]

الفحص لازم عوار سواء ليلي والا غيرها
بس ليلى وايد يمدحونها خالاتيً كله عندها بولادتهم و مراجعاتهم

 

[خزنـة]

اب اب اب
نبي تجارب عن الخياط يعور بالنفاس او لا
ومتي يطيح الخياط

 

[آخر حبيبة]

آنا مو مجربتها بس أسمع عنها وايد يمدحونها ماشالله والفحص ماكو لا عوار ولا شي تطمني