الي والده بـ مستشفى العدان تدخل عفييييييه ظروري

[قمر المطران]

بنات انا بجريه وقربت ولادتي وقررت اولد بالعدان ان شاءالله لانهم يصبرون ومايستعجلون ع الوحده

بس بغيت أسألكم شرايكم فيه يعني كمامهم وابرة الظهر عندهم والخياط

انا حييييييل خايفه فيني خوف موطبيعي*

وعندي سؤال

لمن يشقون من تحت يخدرون المكان اول ولا شنو ؟؟

ولمن يخيطون هم يخدرون ولا احس بالخياط ؟؟

وعفيه بنات قولولي شرايكم بأبرة الظهر عندهم

مابي تجارب قبل 5 سنين و 7 سنين ابي الي تو حديثات الولاده

والي تقول حمامهم ويع وريحة وارف انا مو رايحه اسكن عندهم بولد وثاني يوم طالعه ان شاءالله

وشكراً

 

[راقيه وجذابه]

الله يهون عليج يارب

صدقيني والله السهالات من رب العالمين

مرت ولد عمي توها والده قبل امس برويال حياه شاقينها من تحت وبعدين قالولها الحوض صغير وحولها قيصريه يعني لعبوا فيها من فوق وتحت الله ياجرها

وحمواتي 3 كلهم بالعدان

والله وحده منهم تقول رحت لهم الساعه 6 المغرب قالو ولاده ودخلوني وكنت مفتوحه خذيت الكمام اطالع الساعه 8 ، 9 تقعدني السستر ماما جبتي بيبي

ومرت حماي تقول خذيت ابرة الظهر عندهم ومن احسن مايكون ولله الحمد

الخاص ولا الحكومه نفس الشي بس التياسير من الله

انا تعقدت من العدان بسبب دكتوره بالطوارئ الله لايبارك فيها ورحت للخاص بطوها بوجهي ( مانستقبلج توج بالثامن تبين انولدج اوكي والبيبي نحطه بالشيشه ليمن يكتمل وافتتاح الحظانه يبتدي بـ ٢٥٠ دينار وبعدين كل يوم ١٥٠ دينار يابلاش )

الله يكتب لي ولج الي فيه الخير

وعسى الله يقومج بالسلامه يارب

 

[جـــواهر]

باين انج مقتنعه فيه خلاص توكلي ع الله
الحين بتحتارين اكثر لان ناس بتذم وناس بتمدح

والمثل يقول حط فلوسك بالشمس واقعد بالظلال
والله انا مو احمل 9 شهور واتعب واخرتها سستر وافده تنفس علي
ولا خياط مادري منو اللي بيخيط لي المناوب ولا الاستشاري ولا المبتدأ!
واخرتها فوق التعب والخياط يقطون البيبي علي ،، هذا غير الحمام اللي مايحتاج


والسهاله من الله لكن العنايه الزينه بالخااااص

 

[ام الحلوااات]

اللــــه يــــســـهـــــل عـــــلـــيـــج


اااااااااااااب

 

[بنت ريلي]

انا ولدت قبل 9 شهور بالعدان

شوفي مع اني طولت بالولاده بس الحمدلله كمامهم حلو خدرني لما حزة الحزه شالوه عشان اساعدهم وبالنسبه لابرة الظهر
ماانصح فيها لعبو فيني لعب على ما قزوها والخياط يخدرونج ماتحسين فيه بس المشكله عقب الولاده واي واي لا تقولين عادي الحمام مااسكن عندهم
كرهت عمري بسبة الحمام كله ماي يخرخر غير الريحه والكوتكسات وانتي بكرامه صج انهرت وقررت عقبها خااااااص

حييبتي اذا عندج ميزانيه ابدا ماانصح بالعدان اهم شي الراحه والنظافه والحماااااااااام "تعقدت"

 

[أم جسووووم]

هلا حبيبتي انا ولدت عيالي اثنيناتهم كله بالعدان واخذت ابره الظهر ولا حسيت بشي كلش وطلبت انه ما يدخل علي رياال كلش وحطولي بطاقه على الباب انه ابي دكتوره والحمد الله سهالات توكلي على ربج

 

[أم جسووووم]

بغيت اقولج بالنسبه للحمام كنت اقوول للخدامه تنظفه لي قبل لا ادخل واعطيهاا فلووس مكافاه خخخخخخخ

 

[هــيوؤونــه]

السهالة من الله
والله يهون عليج وعلينا
انا توني داخلة التاسع
وبولد بالعدان ان شاء الله كل بناتنا يولدون فيه
العدان يعرفون للضغط والنزيف وصدرهم وسيع
وكلها ليلة وتطلعين
وعلا الحمام وانتوا بكرامة عطي الخدامة نص دينار وتنظفه لج


الله يسهلها ان شااء الله
​

 

[كـراميل]

الله يسهل عليج يقلبي..
uuuuuupp​