الي ناويه تسافر امريكا والي سافرت امريكا

[ملكية قدساوية]

مرحبا بنات

انا ناويه اسافر امريكا ان شاء الله بعد ما اطلع من النفاس
وبحجز تاريخ 20/8 لي 9/5 يعني اسبوعين

وحاطه مصرف 3500 حق المعيشه من دون تذاكر وفنادق
ومادري لحد الحين اي ولايه نروح لها

انا وزوجي سوينا فيزتنا وطلعت بس باقي نحجز :yaaaaaarb:
بلييز بنات شنو تنصحوني اروح وهل الفلوس كافيه:yaaaaaarb:

 

[المقتصرة]

سفريه سعيده ان شاء الله ماعندى معلومات بس حبيت ارفعلك الموضوع

 

[ملكية قدساوية]

مشكوره


بليز بنات ابي ردور : (

 

[شموووخ بدويه]

بالتوفيق

للرفع

 

[ريماس 90]

تهبل امريكا
على حسب اي ولايه بتروحين؟؟
مثلا نيويورك غاااااليه ولوس انجلوس اشوي بَـكأŠـسّ اورلاندو اسعارها مناسبه
تجنن امريكا
الله يهنيكم وسفره سعيده مقدما

 

[ريماس 90]

تهبل امريكا
على حسب اي ولايه بتروحين؟؟
مثلا نيويورك غاااااليه ولوس انجلوس اشوي بَـßÊـسّ اورلاندو اسعارها مناسبه
تجنن امريكا
الله يهنيكم وسفره سعيده مقدما

 

[ملكية قدساوية]

مشكوره ريماس

انا ناويه اروح اول شي لوس انجلوس تالي اورلاندوا واخر محطه نيويورك
بللليز بنات شنو الاماكن الحلوه بلوي انجلوس

 

[RoDriGueziYa]

لوس انجلوس واورلاندو ونيويورك باسبوعين! ما يمدي كلشششششش لوس انجلوس بروحها يبيلها شهر ،،،، نصيحتي لج استقري علي منطقه وحده عشان تستمتعين بوقتج وما تتحسفين

اذا تبين القرب عندج نيويورك واورلاندوو واذا عادي تباعدين كاليفورنيا لوس انجلوس

لوس انجلوس حلوه مجمعاتها واوتلتاتها والاماكن الترفيه مثل دزتي ويونيفيرسال والاماكن السياحيه وايددددددد

 

[Pink_Roses]

اسبوعين ما يمديج تروحين اكثر من ولاية يما نج رايحة بالصيف روحي كاليفورنيا لوس انجلوس 6 ايام و سان فرانسيسكو خمس او ست ايام واذا خاطرج لاس فيغاس يومين

نيورك واورلاندو حر ورطوبة بالصيف

 

[توحه1]

ماانصحج اورلاندو بالصيف لاتطاق زحمه وحر
وسبوعين شويه عليها ومبلغج شويه 350دينار المصرف الالعاب غاليه هناك هالمبلغ تصرفينه باسبوع

 

[Pink_Roses]

توحة عاش من شافج مختفية ؟؟؟؟

اهي حاطة مبلغ 3500 دينار كافية على شخصين كمصرف لا تخرعين البنية هههههه

 

[ملكية قدساوية]

بنات خلاص غيرت الحجز ٢٠ يوم غير يوم الروحه ورده يعني ٢٢ يوم
والمصرف بنزيده ١٠٠٠ دينار يعني ٤٥٠٠ والله يسهل يااارب

رفيج زوجي يمدح ميامي له وانا ما اشوف عليها مدح ياربي :/
والمدن الشماليه مثل شلالات نياجرا يسوى نروح لها ؟!


فيدوني الله يفويكم بليييز

 

[Pink_Roses]

انا رحت ميامي العام حلوة اذا انتي بتسبحين بالبحر وحمامات السباحة وفيها جم اوتلت حلوين وفيها مجمعات حلوة بس كاليفورنيا احلى واونس يعني ميامي كافي عليها خمس ايام

وشلالات نياجرا الصراحة عجيبة يومين او ثلاث ايام كافي عليها

انتي وين خططتي تروحين ؟؟؟؟


انا انصحج وبشدة بسان فرانسيسكو ولاس فيجاس اونس من ميامى

 

[بطه بطيطه]

حتى انا وزوجي وعيالي كبار 2 بنروح بالعطله ان شاءالله يعني على العيد بنقعد 28يوم طبعا اورلاندو محد نصحني فيها من الحر والقته ماتستمتعين بشي فقررنا كاليفورنيا طبعا لوس انجلس اغلب الفتره وبنروح لاس فيغاس يومين وسان دييغو و سان فرانسيسكو وتالي بنروح نيويورك بنقعد 3 ايام ومنها الي كندا اهم شي بالموضوع ابي كندا براد وطبيعه وبحجز في الهلتون اللي الغرفه تطل عالشلال بقعد 4 ايام طبعا فيزنا حق امريكا الحمد الله بس كندا بعد لان ولدي مسافر راح يرد بعد 20 يوم ونفيز حق كندا بس لما الحين ماحجزنا شي ننطره ايي ويضبط الامور

 

[q8tiaa81]

انا بروح اورلاندو صج حر ورطوبة بس وناسة اعشقها هالمدينة