الي مسويه ليزر لمنطقه البكيني وبعدها حملت تدخل تفيدنا بليز

[FROLA]

مرحبا كويتيات
بدخل بموضوعي(اسأل هل ازالة منطقة البكيني بالليزر تاثر عالانجاب والحمل
يعني انا عندي ولد واحد وزوجي مسافر بيقعد فترة بحكم الدراسه بستغل الفرصه وبسوي ليزر
بس خايفه ياثر بعدين اذا بقيت احمل
ياريت الي عندها تجربه تسدحها لي بالمنتدى
طمنوني الله يطمنكم
اي وسوال ثاني صج الشعر بيرجع بعد ست اشهر ورجعته نفس اول ولا اخف
ابي تفيدوني بحيث اخذ القرار بعد ماشوف ردودكم ولكم الاجر والثواب عند الله

 

[حشمه]

ماياثر ان شالله انا سويت ليزر بس مو لمنطقه البكيني

للجسم الايد والريل وحملت بين فترات الجلسات

بس وقفتهم والشعر يطلع خفيف بس انا ماكملت

كل جلساتي الشعر وااااااايد خف واشيله بموس

لحد مااكمل الجلسات وحسيت بفرق كبير خاصه

الشوارب والريول واااايد فرق

 

[المكسيكيه]

انا مسويه وعادي حملت الحمدلله

 

[انجبر قلبي]

ما يأثر ماله شغل انا سويت جلستين وبعدها حملت وكنت ناوية اكمل بس وقفت عشان الحمل

 

[om MaRyooM]

لااا مايأثر حبوبة ..

الليزر اشعاعه حزة الحزة بس

 

[kuwaitya_zoGaa]

حياتي اجابتى على كل اسألتج لا
انا الحمدالله فوق السنه اسوي المنطقة والحمدالله حملت
والشعر مايرجع

 

[سارووونه22]

البنات ماقصرو انا بعد كنت اسوي ليزر منطق البكيني وحملت وقفت الجلسات لين ولدت وكملتها بعد الولاده

 

[om.7madiiin]

حبوووبة انا مسوية و بنت عمي و بنت عمتي
لاتحاتييين أماااان ان شالله

 

[elzyn]

انا من قبل لا اتزوج سويت الليزر للبكيني والحين الحمدالله عندي ولد وحامل بالثاني
امان وانصحج بشده فيه لانج برتاحين وايد وتحسين بفرق كبير

 

[ام عفاف الكويت]

امان عن تجربه الحمدلله

 

[raneen]

والله هالموضوع صج طلع ابوكته ...انا بعد ودي اسوي بس ماعرف العيادات ياريت الي تعرف عياده واتكون دكتوره يعني مو دكتور اتحط لنه اسم العياده والرقم اوادزلي على الخاص ولي يعافيكم ...
وانا بعد سمعت ان الشعر يطلع نفس اول ولاجنج امسويه شي...
وعندي بعد سؤال ..صج في الليزر البارد والليزر العادي ...شنو الفرق بينهم وايهو الاريح ...ياريت اتردون علي لاني صج محتاجته ...

 

[أبله كويتيه]

انا سويت حق البكيني والحمدالله ارتحت وايد انظف واخف واريح

وكاني الحمدالله حملت وقطعته لان موزين اشعه حق البيبي بس رد مره ثانيه الشعر
اهو عقب الجلسات كلها الي تكون كل شهر ويوقف الشعر ... لازم ماتوقفين يعني كل 6 شهور تسوين جلسه وحده
شوفي اهو نفس الشعر يعني مو اكثر ولا اقل

انا اتكلم بالنسبه لي .......

وناويه بس اولد انشاءلله عقب الاربعين على طول برد اسوويه ... ولاتخافين ماياثر بالحمل ماله شغل عادي

 

[أبله كويتيه]

الليزر العادي شوي تحسين بقرصه حرقه يعني شوية عوار فيه

بس شويه لاتحاتين

بس الباارد يبرد عليج ماتحسين بالم كلش

والالم مو وايد قرصه خفيفه

 

[زينانه]

انا مسويه وحملت
بس الشعر رجع يطلع
كاني ماسويت شي
شوفي من مواضيعي موضوع خاص بالليزر يمكن يفيدج

 

[noo7a]

انا مسويه حق جسمي مو البكيني و الحمدلله حملت
واعرف ناس سوو بكيني و عادي حملو

 

[raneen]

بنات حبيباتي ياليت اتحطون اسامي العيادات ولي يعافيكم واسم الدكتوره

 

[FROLA]

جزاكم الله الف خير وعسالله يتمم عليكم حملكم ويبارك ببيوتكم ورياييلكم وعيالكم خلص بتوكل على الله وبسوي اول جلسه عن قريب والله يريح بال كل وحده ردت علي بميزان حسناتكم امين

 

[FROLA]

انا اعرف عيادتين حيل يمدحونهم واسعارهم منا بالجهرا منصور العرف والريان كلينك
الريان سعر الجلسه ٣٠دك
والجسم كله ٢٢٥ وايد رخيص وحلو

 

[raneen]

والله انا هم بتوكل على الله وببلش ان شاءالله من الشهر الياي ومشكورين كل الي تفاعلوا معانا وابميزان حسناتكم ان شاء الله بس في سؤال للبنات الي سووا منطقة البكيني بعد الحمال رد طلع الشعر بالمنطقه الحلوة ولاماطلع وله طلع بس خفيف ياريت اتجاوبوني...

 

[ام قدووور]

عادي ما يأثر كلش انا سويت ووقفت عشان الحمل

والي تقول لما حملت طلع هذا الهرمونات

وحتا لو طلع بعد فتره يكون وايد خفيف

والي تبي مكان زين عيادة معروف بالسالميه

والي يسون فلبينيات وهنود وروسيه

والجهاز عندهم يديد ليزر بارد