الي مسويه تحوير مسار المعده ادخلي ولج اجر ودعوه خاصه؟؟؟؟؟

[@غلا زوجها@]

السلام عليكم ورحمة الله وبركاته
شلونكم


ينات تكفون الي مسويه عملية تحوير مسار المعده تراسلني عالخاص ضروري
لاني حيييييل نفسيتي تعبت من السمنه
وخلاص احس انه لازم اسوي هالعمليه وخايفه حدي منها لانها موسهله
ودي استفسر عنها باساله واجد
وابي وحده كريمه تتحملني وتراسلني عالخاص والله لاادعي لها ليل ونهار الي بتساعدني
وصدقون ي اجر لكم الي بتنصحني
عفيه بنات لاتطنشوني
والله وزني كل ما له يزيد وماعندي اراده عالرجيم
وزني الحين وصل 110 وطولي 160

 

[بنفســـــج]

آمري حبيبتي شنو تبين تعرفين ؟

 

[تونه الكويت]

هلا حبيبتي
انا بعد مسويتها من فترة
امرينا ان شاءالله نفيدج

 

[تونه الكويت]

هلا حبيبتي
انا بعد مسويتها من فترة
امرينا ان شاءالله نفيدج

 

[miss_Ba6oOo6a]

انا مسويتها بصير سنه الحين

 

[@غلا زوجها@]

آمري حبيبتي شنو تبين تعرفين ؟

مايامر عليج عدو حبيبتي

هلا حبيبتي
انا بعد مسويتها من فترة
امرينا ان شاءالله نفيدج

مشكوره ياقلبي الحين بكتب اسالتي كلها

انا مسويتها بصير سنه الحين

مشكووووره حبيبتي

انا احس ان العمليه هذا جذب مو صج لاني ماشفت احد من الي عرفهم سوها
وحتى لو تقولون الفنانين سوها احسهم جذابين يمكن سووو رجيم وظعفو ولا من حبوب
واحس ان العمليه هذي تخوف حيل يعني شلون اسوي بنفسي جذيه مافيني الا العافيه وارووح لجراح يقص لي معدتي وهي سليمه
يعني احسها صعبه شوي وتخرع بنف الوقت
وقاعد اقول شلون بعيش بعد اسنين من العمليه واخاف ان لها تاثيرات علي بكره
بنات الله يعافيكم ساعدوني مو مقتنعه فيها وعندي رفيجاتي ينصحوني فيها وانا خايفه من الالم عقب العمليه ومن مضاعفاتها عقب سنين
وخايفه بعد انها ما تنفع معاي لاني حيل متينه
واخاف اني اتخسر فلوسي واتحمل تعب عالفاضي
مع العلم اني مسويه عمليه حلقه المعده وما انفعت معاي
انصحوني انتو الي سويتها شلون حياتكم عقب هالعمليه
والله حرام اتعب واخرها ما القى نتيجه
لاني مسويه حلقة المعده وما لقيت نتيجه منها ؟؟؟؟؟

 

[بنفســـــج]

انا احس ان العمليه هذا جذب مو صج لاني ماشفت احد من الي عرفهم سوها
يمكن ما شفتي لكن العملية واقع جميل بالنسبة لي :fun:
وحتى لو تقولون الفنانين سوها احسهم جذابين يمكن سووو رجيم وظعفو ولا من حبوب
مافي احد يحب الفضايح ولو مسوين رجيم قالوا
واحس ان العمليه هذي تخوف حيل يعني شلون اسوي بنفسي جذيه مافيني الا العافيه وارووح لجراح يقص لي معدتي وهي سليمه
يعني احسها صعبه شوي وتخرع بنف الوقت
معاج حق هي تخوّف لكن مع اختيار الدكتور المناسب مايصير الا الخير ان شاء الله ,, ومن ناحية ليش تسوين بنفسج جذيه !!! يقولون شنو حدّك على المر إلا الأمر منّه , يعني انا مثلاً وزني كان 148كيلو مليت من الرجيمات وهالسوالف وكانت هي الحل بالنسبة لي الحمد لله
وقاعد اقول شلون بعيش بعد اسنين من العمليه واخاف ان لها تاثيرات علي بكره
انا بعد 4 ايام أكمّل 3 سنوات وانا مسويتها , والحمد لله وضعي طبيعي وعايشة طبيعي وأكلي بعد طبيعي طبعاً مو مثل اكلي قبل العملية لكن أكل انسان طبيعي جداً , انا ما ادري عن المستقبل ولا ابي افكّر فيه لأني ماعملتها والا وأنا متوكله على الله والنتيجة على ربي العالمين
اعرف وحده امها مسويتها من اكثر من 12 سنة بالخارج لكن فتح بطن قبل لا تصير بالمنظار وتقول الحمد لله امها عايشة طبيعي .
بنات الله يعافيكم ساعدوني مو مقتنعه فيها وعندي رفيجاتي ينصحوني فيها
شوفي حبيبتي دام مو مقتنعه بالباي باس اعملي سليف , مافيها الا قص للمعدة وتصير صغيرة وكمية اكلج قليلة , ووزنج ما يستاهل تخطي المعده مو كبير حيل وما تحتاجين طول العمر فيتامينات مثلنا .
وانا خايفه من الالم عقب العمليه
الألم مُحتمل الحمد لله لأنه منظار ويخف كثير بالمسكنات وأقوى الم اول 3 ايام لكن تكونين وقتها بالمستشفى ويعطونج المسكنات المناسبة , والنتيجة تستاهل التعب
ومن مضاعفاتها عقب سنين
وخايفه بعد انها ما تنفع معاي لاني حيل متينه
أذا انتي حيل متينة عيل انا شنو كنت اقول هههه
واخاف اني اتخسر فلوسي واتحمل تعب عالفاضي
مع العلم اني مسويه عمليه حلقه المعده وما انفعت معاي
انصحوني انتو الي سويتها شلون حياتكم عقب هالعمليه
عنّي انا الحمد لله عايشة طبيعي , اهم شي التزم بالفيتامينات لو اهملتها كم شهر اتعب شوي دوخة ويصير معاي فقر دم خاصة من بعد عمليات الشد الي سويتها , لكن عموما الحمد لله , اكيد احياناً اتضايق من نوع اكل اكثر من الثاني لكن مو مثل قبل
والله حرام اتعب واخرها ما القى نتيجه
لاني مسويه حلقة المعده وما لقيت نتيجه منها ؟؟؟؟؟

أقولها لج صراحة

الدايت والرياضة احسن الف مرة من العمليات , لكن لو ماتلتزمين فيها أهم شي اهم شي اهم شي لا تبقين سمينة ,
السمنة دمار للحياة والنفسية والصحة وووووووو كل شي

انا عملت تحويل لمسار حياتي مو بس معدتي الحمد لله وأي تعب من العملية أقول الف الحمد له ولا السمنة إلي كنت فيها

الحين عشت حياتي وزني الحين 74 كيلو يعني نزلت نصّي بالضبط الف الحمد لله , صدقيني كل ما أذكر حالي اقول ربي يحفظك ويوفقك يالجار الله مثل ما ساعدتني اعيش صح

 

[@غلا زوجها@]

أقولها لج صراحة

الدايت والرياضة احسن الف مرة من العمليات , لكن لو ماتلتزمين فيها أهم شي اهم شي اهم شي لا تبقين سمينة ,
السمنة دمار للحياة والنفسية والصحة وووووووو كل شي

انا عملت تحويل لمسار حياتي مو بس معدتي الحمد لله وأي تعب من العملية أقول الف الحمد له ولا السمنة إلي كنت فيها

الحين عشت حياتي وزني الحين 74 كيلو يعني نزلت نصّي بالضبط الف الحمد لله , صدقيني كل ما أذكر حالي اقول ربي يحفظك ويوفقك يالجار الله مثل ما ساعدتني اعيش صح

ياحياتي انتي يالبنفسج يالقمر
مشكوووره على اجاباتج الوافيه
بس ودي اسال كم كلفج العمليه وعند اي دكتووور وفي اي مستشفى؟؟

 

[بنفســـــج]

حياج الله بأي وقت وأي سؤال

انا مسويتها من 3 سنوات , عند الجار الله بالسلام كلفتني 3 آلاف دينار

وأمي مسوية السليف من 3 شهور عند الجار الله نفس الشي كلفتها تقريباً 3200 على ما اذكر

 

[carrot^cake]

والله العمليه مافيها شي الحمدلله
مافي عوار عقب العملية الا جم يوم بس يمكن 5 او 7 بالكثير بعد
يكون مكان المنظار بس الفتحات
اما المعده عادي
والحين الحمدلله اكل طبيعي بس بكميه اقل والحمدلله احسنلي من اني اكل نفس قبل
والحين متحسفه اقول ويني ما دريت عن هالعملية من زمان
بس الحمدلله لحقت على عمري وسويتها
واي سؤال انا حاضرة

 

[ام فطوووم]

مي توووووووو
انه سويت التكميم مو التحويل
انه كان وزني 120 وصرت حاليا بعد الحمال 81
شوفي انه ابمواضيع وايد اني جم نزلت مع اهلي بس يمكن ماشفتيه بس لعيونج بعيد لج
وخالتي من 156 لي السبعينات
اختي من 91 لي 68 تقريبا اره مره قالتلي
امي من شهر واشوي سوتها تقريبا 15 كيلو
خالتي من 3 اسابيع تقريبا اممممممم اعتقد 14 كيلو

ورفيجتي سوتها من 4 ايام ونازله 5 كيلوات

العمليه الصراحه روووووووووووعه
والتعب الالم اول ساعه
وبعدين 5 ايام تقريبا بس القومه والقعده صعبه
تدرين عمليه شي طبيعي
واول شهر النزله القويه لان كله سوائل
والشهر الثاني بتملين لان ماتدرين شنو تاكلين مهروس

اما بالنسبه للمطاعم ماقمت اشتهي اكل منها
الا وين ووين واذا طلعت مع ريلي
كل ما اتذكر انها صمونه ودهن اتلوع جبدي
خخخخخخخخخخخخخخخ

<<<< الله يرحم ايام زمان

وانه مشكلتي اني حملت ابسرعه بعد العمليه
تدرين اللي اتنزل من وزنها اتكون فرصة الحمال عندها اكبر

خخخخخخخخ
بس الحمدلله

يوم حملت كان وزني 86
ويوم وصلت التاسع كنت 92
ويوم ولدت صرت 87

 

[ام فطوووم]

مي توووووووو
انه سويت التكميم مو التحويل
انه كان وزني 120 وصرت حاليا بعد الحمال 81
شوفي انه ابمواضيع وايد اني جم نزلت مع اهلي بس يمكن ماشفتيه بس لعيونج بعيد لج
وخالتي من 156 لي السبعينات
اختي من 91 لي 68 تقريبا اره مره قالتلي
امي من شهر واشوي سوتها تقريبا 15 كيلو
خالتي من 3 اسابيع تقريبا اممممممم اعتقد 14 كيلو

ورفيجتي سوتها من 4 ايام ونازله 5 كيلوات

العمليه الصراحه روووووووووووعه
والتعب الالم اول ساعه
وبعدين 5 ايام تقريبا بس القومه والقعده صعبه
تدرين عمليه شي طبيعي
واول شهر النزله القويه لان كله سوائل
والشهر الثاني بتملين لان ماتدرين شنو تاكلين مهروس

اما بالنسبه للمطاعم ماقمت اشتهي اكل منها
الا وين ووين واذا طلعت مع ريلي
كل ما اتذكر انها صمونه ودهن اتلوع جبدي
خخخخخخخخخخخخخخخ

<<<< الله يرحم ايام زمان

وانه مشكلتي اني حملت ابسرعه بعد العمليه
تدرين اللي اتنزل من وزنها اتكون فرصة الحمال عندها اكبر

خخخخخخخخ
بس الحمدلله

يوم حملت كان وزني 86
ويوم وصلت التاسع كنت 92
ويوم ولدت صرت 87
والحين صرت 81

يعني الحمدلله
بس الصراحه مشكله هالعمليه
حلجج ماااااااااااايتصكر
جنج مفجوعه
تاكلين شغلات بسيطه بس من تقعدين لي اتنامين بفراش تاكلين
محد كان ايصدقني بس يوم ختي وامي سووها
صاروا اخس مني
لووووووووووووووول

بس اهم شي ان وزنا قاعد ينزل
انه كلفتني 1870
امي واختي 2200
انه من سنه واشوي سويتها

واي سؤال انهحاضره


بسنصيحه من اخت لاختها
اذا انتي مومال رجيم
وجسمج قابل للمتن
لاتترددن بالعمليه لانها عن جد تعطي الثقه والامان والوناسه لنا
الله ايوفقج يارب واتسويها ابصحه وعافيه

 

[mahawey]

غلا زوجها تبين النصحيه من اختج مهاااااوي والله العظيم اخاف عليج ياحياتي نصحتي انج تسوين عمليه تددبيس المعده وايد احسن
في وحده نفس وزنج سوت عمليه تددبيس المعده والحين الطب تتطورالحين قام يسون العمليه بالمنظارقبل هذا اهم شئ صلي صلاه الاستخاره
اختاري دكتورشاطرويكون استشاري اذاتبين اتسوين العمليه سويه في الخاص يكون احسن

 

[@غلا زوجها@]

غلا زوجها تبين النصحيه من اختج مهاااااوي والله العظيم اخاف عليج ياحياتي نصحتي انج تسوين عمليه تددبيس المعده وايد احسن
في وحده نفس وزنج سوت عمليه تددبيس المعده والحين الطب تتطورالحين قام يسون العمليه بالمنظارقبل هذا اهم شئ صلي صلاه الاستخاره
اختاري دكتورشاطرويكون استشاري اذاتبين اتسوين العمليه سويه في الخاص يكون احسن

مهاوي ياقلبي انتي تقصيدين القص الطولي للمعده ؟؟؟؟ ودي اسويها بس اخاف انها تكون خطره بعد الحلقه؟؟؟