%% الي مسافرين ماليزيا بعطلة الربيع 2010 يدخلون %%

[um 3li]

صباح الخير حبيباتي شخباركم

بسوي تجمع بسيط حق الي راح يسافرون ماليزيا بعطلة الربيع عشان نستفيد كلنا ونساعد بعضنا البعض:gathering:

1) كل وحده فينا تقول متى حجزت ( التاريخ )
2) على اي طيران مع الأسعار
3) الفنادق مع الأسعار
4) جم يوم راح تقعدين ؟ وجم حاطة ميزانية للرحلات والتاكسي والأكل والسوق ؟؟
5) جدول الرحلة



بالنسبة لي انا وريلي وعيالي :-
1) ان شاء الله مسافرين بتاريخ 2-2 وراجعين باذن الله 13-2
2) على طيران القطرية والتذكرة كانت ب 166 دينار للكبار - 135 فوق ال سنتين- 35 تحت ال سنتين
3) اول ليلتين بفندق صن واي لاجون ريزورت - غرفة premier exective الليلة ب 68
و 8 ليالي برجايا تايمز سكوير بروكلين سويت الليلة ب 90


4)ان شاء الله راح نقعد 10 ايام وحاطين ميزانية 1500 دينار

5) اليوم الأول : الوصول الظهر - راحة - المغرب نروح المايلز وندر لاند
اليوم الثاني : صن واي لاجون + سوق الصن واي ليلا
اليوم الثالث : نطلع من فندق الصن واي ونروح برجايا تايمز سكوير و نقضي اليوم هناك لأن في ملاهي وسوق من 10 طوابق
اليوم الرابع : سوق البافيليون
اليوم الخامس : الاكواريوم - البرجين التوأم - مجمع سوريا الي تحت البرجين
اليوم السادس : مرتفعات جنتنج
اليوم السابع : سوق الميجا مول ميد فالي + china town
اليوم الثامن : افاموزا
اليوم التاسع : سوق اوتاما + ستار هيل
اليوم العاشر : حديقة الطيور و الزهور + سوق سونجو و بي بي بلازا

مثل ما تلاحظون مسوية يوم رحلة و يوم تسوق وهذا الجدول تقريبي يعني مو شرط نلتزم فيه 100 % ويمكن اذا زاد الوقت نروح مجمعات ثانية​

يالله مشاركاتكم و همتكم معانا عشان الكل يستفيد oster_av1:

 

[um 3li]

أفاااااااااااااااااااااا

17 مشاهدة ولا رد واحد ؟؟؟؟؟؟؟؟!!!!!!!!!

مو هذا العشم يا كويتيات وينكم ؟؟؟؟

 

[ابله سارونه]

هااااي ام علي
خوش فكره عشان نستفيد من بعض

انا بروح ماليزيا بهالعطله
بس التاريخ مبدأيا ماحددته لان واقفه على (الحلوه الشهريه )
بس مبدأيا رحت سفريات وحطينا اسمينا انا ووزوجي

التذكره عالقطريه ب155
والرحله راح اتكون 13 يوم
يومين لنكاوي في فندق برجايا غرفه فوق البحر الليله ب90
3 ايام بيننانج في فندق هوليدي ان غرفه غير مطله الليله 32
8 ايام كوالالمبور بفندق جراند ملينيوم الليله ب40

والتذاكر مع السكن ب 896 دينار

والمصروف 1200 او يمكن راح يكون 1100 او يمكن راح يكون 1000 يعتمد على تجهيزاتي قبل السفر

اما جدول الرحلات
لنكاوي وبيننانج ماحطيت جدول لانه رحله راحه واستجمام
اما كوالالمبور

حاطه ابالي يوم اروح جينتنج
ويوم اروح صن وي لاقون اتسبح
ويوم اروح المارينز الي بالخيول الذهبيه اعتقد
والباجي فراره بالسوق


اشرايكم بجدول رحلتي

 

[^noonaa^]

شوقتووني عالسفر

الله يسهل دربكم وتستانسوون ان شاءالله

 

[souka]

رايحه تاريخ 31يناير وراده 8فبراير
طيران القطري 160
الفنادق صن واي لاقون ليلتين الليله 44
والباقي بجي دبليو ماريوت ب44
قاعدين بالضبط من غير الروحة والردة 7 ايام
روحة بس أنا وزوجي
جدول الرحلات لحد الحين ماسويتة يليت تفيديني أول مرة أروح لها

 

[(( غلا زوجـي ))]

خوووووووووووووووووووش موضوع
ويعطيج العافية (( ام علي ))



انا بنسبة لي انشالله بروح ماليزيا علي طيران القطرية تاريخ 27-1-2010 الي تاريخ 8-2-2010
اسعار التذاكر لي ولزوجي 160 دينار ولولدي وبنتي 130 دينار

انشالله بروح جنتنج ليلتين
صن واي لاغون ليلتين
وبكوالالمبور برجايا 7 ليالي​

جدول الرحلات لي لحين انخططلها


بصراحة الموضوع حيل عجيب لاني استفدت من رحلات ام علي والبنات
​

 

[um 3li]

يسلمون البنات الي ردوا

حبيباتي ما قصرتوا

وين الباجي ؟؟؟ وايد بنات يبون يروحون بعطلة الربيع ماليزيا وينهم ؟؟؟؟

 

[um 3li]

حبايبي ياريت تقولون اي سفريات تعاملتوا معاهم

لأن مثل ماهو واضح تختلف أسعار التذاكر مع ان كلنا اجمعنا على القطرية !!!!!

 

["*آآآنؤؤؤقهـ*"]

موضووع حلوووووووووووو

تروحون وتردون بالسلاااااااااااااااااامه

 

[souka]

يعطيج العافية أم علي
تحسين 1000كافي مصروف وسوق ولا شوي؟
وانا حجزت من سفريات البحيري بالفحيحيل

 

[فراشه]

احنا ان شاء الله بنروح بس ليلحين ما حجزنا او ودنا نروح مع قروب اريح لنا

في احد بيروح مع قروب فيدوني اي سفريات حجزتوا ؟

 

[souka]

هلا فراشةة
أنا حجزت بس مو قروب وماعندي خبرة والله بالقروب
بس بسألج 1000كافية ل7 أيام ولا شوي؟

 

[donutoo]

اللــــــــــــــه خوش تجمع
انا انشالله بروح مع ريلي بس للحين ما حجزنا لانه زوجي مو متاكد يعطونه اجازة ولا لأ
اذا حجزنا انشالله ادش اقولكم التفاصيل
رحلة ممتعة للجميع

 

[حناين 2008]

خوش تجمع
انا بعد ان شاء الله بروح بس انا على الطيران الاماراتي بس حسافه ولا وحده معاي
انا بروتاريخ 31-1 لمدة 5 ليالي بسسسسسسسسسس
وحجزت في الماريوت
بس ماادرى ما عندى خطة لانه اول مره بروح
انا بروح مع زوجي بسسسسسسسسس
يعنى حاطه في بالى اروح جنتينج والمجمعات الى في كولالمبور بسسسسسسسسسسسس
الى عندها برنامج لا تبخل على لمده 5 ايام
وموفقين ان شاء الله

 

[*وردة نرجيسية*]

انا ناوية اروح بس ماحجزت الي الان

 

[souka]

حناين أنت نفس تاريخ روحتي بس أنا ع القطرية
وردة نرجسية رحتي ماليزيا قبل؟

 

[zlm]

اليوم انا وريلي رحنا سألنا

طلع علينا 10 ايام 600 دينار شاملة 3 ايام في لانكاوي - 3 ايام جنتنغ - 4 ايام كوالالمبور

بنات خل نفيد بعض اذا في ارخص من جذي كل وحده تقول من اي سفريات

انا سألت سفريات مجمع الدوليه

 

["*آآآنؤؤؤقهـ*"]

souka اي تكفي كفتنا انا وزوجي 14 يووم بس هاا دون التذاكر والفنادق

ومصروف التكاسي عادي من الالف


والله الموفق

 

[مرمورة]

بالنسبة لي انا بروح ماليزيا مع زوجي وبنتي وخالتي ام ريلي وعمي و3 حموات وطبعا انا سويت الحجز كله بالنت (طيران دولي وداخلي وفنادق)
لكن بس بقولكم عن تكاليفي انا وريلي وبنتي 3 سنوات ونص
سفرتنا بتكون من 26-1 الى 14-2 (وحدة بايعتها ماراح تداوم اول يوم)
بالنسبة للطيران الدولي حجزت عالاماراتية كلفني للشخص 179 ولطفل 133,750
اول ليلتين بنسكن بصن واي لاجون كلفتنا 84,470 دينار
طيران داخلي (اير اسيا )من كوالا الى لنكاوي 3 اشخاص37,300 دينار
3ليالي فندق شيراتون لنكاوي كلفنا 102دينار
طيران داخلي فاير فلاي من لنكاوي الى بينانغ كلفنا28,950دينار
4ليالي فندق بارك رويال كلفنا138 دينار
طيران داخلي (اير اسيا) من بينانغ الى كوالا كلفنا28,180 دينار
8 ليالي فندق جراند ميلينيوم كلفنا 298,600دينار
طبعا انا كان ودي اقسم المدة على فندقين تريدرز وميلينيوم بس عمي ماوافق لان احنا وايد ومالهم خلق تشغل وتنقل كل جم يوم
المجموع 1210 دينار
وبالنسبة للاماكن السياحية :
اول يوم بنروح مجمع الماينز الصراحة انا لما رحتلة من قبل ماعجبني وايد قديم بس لازم اروح مجبورة لان اللي معاي اول مرة يروحون ماليزيا
ثاني يوم بنروح صن واي لاجون من الصبح ونصيحة حق اللي بتروح اخذي معاج مايوه اسلامي وتسبحي مع ريلج واعيالج تري ونااااااسة حرام تدشين وماتسبحين,بالليل بنروح مجمع صن واي بيراميد
اليوم اللي وراه بنروح لنكاوي اول مانوصل بنسوي الشيك ان وبنروح على طول الاكواريوم وحديقة الفواكة
ثاني يوم اذا الجو حلو ومافي مطر على طول رحلة المانغروف ( احلى شي بلنكاوي)وحديقة الثعابين
اليوم الثالث قرية اورينتال نركب التلفريك والفيلة وعقب الشلالات وحديقة التماسيح
واذا زاد عندنا وقت من الايام اللي طافت بنوح رحلة بحرية للجزر اللي حوالينا والفورملا
بعدين بنروح بينانغ طبعا ماعندي ترتيب كل يوم شنو بنسوي بس اللي اعرفه ان بنروح( حديقة الفواكةوالفراشات متحف الالعاب رحلة لجزيرة القرود المجمعات اللي هناك بنمر عليها بس ما انصحكم موزود خلكم عالسوق الليلي وايد احلى ,في عند G هوتل مطاعم وايد حلوة بنروح يوم نتعشى هناك لاتطوفون البراشوت تجربة اكثر من رائعة هضبة بينانغ بايخة مانصح تروحولها مصنع الكاكاو والقهوة ترى محل صغير عادي مافيه زودوفي فندق شنغريلا راساسايانغ فيه بوفيه حلو روحوله عشا وانشالله اكون مانسيت شي
المحطة الاخيرة كوالا طبعا في يوم بنروح جنتنغ بس تحاشو يوم السبت والاحد ويوم روحو رحلة لافاموزا حلوة لليهال وعن نفسي انا افضلها يوم السبت او الاحد بنروح للشلالات لانها احلى شلال بماليزيا بوجهة نظري واخذي ملابس سباحة لعيالج وريلج ,شاينا تاون مجمع سوريا ,بافليون, bb بلازا,اوتاما ...........الخ
وانشالله اكون كتبت كل شي واذا تبون شي لايردكم الا الكي بورد

 

[zlm]

يعطيكم العافيه بلييز ... حبايبي ذكر السفريات او الخطوط او الارقام هذي كلها نستفيد منها فا ياريت تذكرونها