الي متخرجة من كليه الرسات التكنولوجيه من سنة 2011 الي الان تدش ..ابيكم كلكم حبايبي

[Lady Sweet]

اولا السلام عليكم ورحمته الله وبركاته

صراحه حبيت اجمعكم كلكم بالموضوع هذا
عشان نعرف الي علينا وما علينا وحاله اليأس الي وصلنا لها... نعين ونعاون بعض على النطره

كل وحده تتكلم عن نفسها وشنو اخر التطورات وشنو تخصصهم هل يعانون مثلنا نحن هندسه الكمبيوتر او لا

انا راح ابدي

انا خريجه هندشة كمبيوتر من كليه التكنولوجيا شهر 1 سنه2011 وسجلت بالديوان شهر 3 سنه 2011
يعني دفعه 34
رقمي كان 31 بعدين صار29 بعدين رد على 31 الله العالم ليش..

الي اعرفه دفعه 33 و32والدفعات القبل كلهم ما شالله توظفوا بالتربيه بس في كم بنت ارفضت لانهم مايبون التربيه ...
وهذولا مثل ما نعرف اهم الرافضين
ليش ما وظفوا بنات بمكانهم؟(على فكره التربيه فيها نقص وايد من الفنين تخصصاتنا مادري ليش ماطلع اي اسم من دفعتنا هناك) سوال يحيرني --->لماذا البيض بيضوي .. حدي متأثره بسبيس تون هههه لوول شكو
احنا مويس التربيه يعني معقوله محد طالبنا؟ اعرف بنات اشتغلو بالكهربا والماي والمطار ..
اختي بلاك بيرد منزله موضوع من قبل انها رايحه وسأله الديوان من قبل وقالولها انا تخصص طالبين بس شباب منه وهذا الرابط
http://www.q8yat.com/t882395.html


الحين شو المشكله يعني البنات مايعرفون يشتغلون؟؟:eh_s(14): <--- ما قدر اقول لا ^^ :eh_s(17): لان في فئه واصابع اليدين مو سوا

اتمنى انا الله يرزقنا بالوظيفه السنعه واتمني كلكم تفضفضون الي بقلبكم اهني

حياكم وانشالله اسامينا كلنا بالدفعة الجايه :ggdw:او على الاقل يتحرك الرقم!!!!:eh_s(14):



الله يوفقنا اجمعين

 

[Lady Sweet]

افااااا 14 شافوا الموضوع ولا ردوا ...

 

[BlackBird]

هلا لادي انتي معاي نفس التخصص ونفس الدفعة الخ

والله مادر شقولج أرقامنا ثابته ولا أحد تغير رقمه اللهم مرة على قولتج نقص الرقم وردوووه وكل التغير الي أشوفه بأرقام المرفوضين!!

وأنا راجعت الديوان وآخر دفعة نزلت قبلها قالي بنسوي لكم دمج ان نعطيكم وظايف الي رفضوا ومن هالحجي بالأخير ولا صار هشي وما رديت راجعته لأن صار إنه وقفت الحكومة ومجلس انحل ومن هالقصص

بالنسبة حق تخصصنا أنا نفسج ماني فاهمه ليش واقف؟؟؟كل الدنيا شغلها ماشي بالكمبيوتر حتى لو ما حطيتوني فنية حطونا أي مكان فيه كمبيوتر وخلاص#.#!

 

[tbola]

upp

 

[Lady Sweet]

هلا لادي انتي معاي نفس التخصص ونفس الدفعة الخ

والله مادر شقولج أرقامنا ثابته ولا أحد تغير رقمه اللهم مرة على قولتج نقص الرقم وردوووه وكل التغير الي أشوفه بأرقام المرفوضين!!

وأنا راجعت الديوان وآخر دفعة نزلت قبلها قالي بنسوي لكم دمج ان نعطيكم وظايف الي رفضوا ومن هالحجي بالأخير ولا صار هشي وما رديت راجعته لأن صار إنه وقفت الحكومة ومجلس انحل ومن هالقصص

بالنسبة حق تخصصنا أنا نفسج ماني فاهمه ليش واقف؟؟؟كل الدنيا شغلها ماشي بالكمبيوتر حتى لو ما حطيتوني فنية حطونا أي مكان فيه كمبيوتر وخلاص#.#!

اي والله يالغاليه ... حدي متنرفزه ابوي مكلم واحد بالديوان قال بس اثنتين الي رابطين واهم من الرافضيين
وقال هذا مايأثر
بس ماحد طالبنا :eh_s(14):
شكلنا نبي نقعد ننطر بعد سنه الله يستر ....صج محتاجين الوظيفة:eh_s(2):
وعلى طاري انهم يعطونا وظايف الي رفضوا.. الريال قال حق ابوي نفس الكلام بس قال في ناس موراضين؟؟؟؟؟ انا ابفهم موراضين على شنو مادري:eh_s(16):

 

[BlackBird]

خرابيط عشان جم وحده توقفون أمه الي جدامها تفاهه أنا عن نفسي ماراح انطر سنة اذا نزلت دفعه وما نزلت أسامينا بدور واسطة أتوظف بأي مكان بالخاص ليما هذيل متى ما نزلوا اسمي رحت لهم

 

[* Snow White *]

انا تخرجت معاج شهر 1 سنة 2011 خريجة كورس اول يعني
وصارلنا سنه طبعا من تخرجنا، سيده من لما تخرجت قدمت على بنك بوبيان وبسرعه توظفت وباشرت عمل نص شهر 2 من بعد تخرجي
تعبت من الدوام وما ارتحت له كلش وهدد صحتي وحالتي النفسيه .. وماقمت اشوف نفسي فيه وقدمت استقالتي شهر 7
وبعدين سجلت بالديوان مادري اي شهر كان جنه كان شهر 9؟ بس دفعة 36 ولي الحين ناطره وتخصصي تأمين
دقو علي وايد بنوك واقبلوني بس اخير شي اتردد و اعتذر و خلاص ما ابيهم تعقدت

 

[Lady Sweet]

انا تخرجت معاج شهر 1 سنة 2011 خريجة كورس اول يعني
وصارلنا سنه طبعا من تخرجنا، سيده من لما تخرجت قدمت على بنك بوبيان وبسرعه توظفت وباشرت عمل نص شهر 2 من بعد تخرجي
تعبت من الدوام وما ارتحت له كلش وهدد صحتي وحالتي النفسيه .. وماقمت اشوف نفسي فيه وقدمت استقالتي شهر 7
وبعدين سجلت بالديوان مادري اي شهر كان جنه كان شهر 9؟ بس دفعة 36 ولي الحين ناطره وتخصصي تأمين
دقو علي وايد بنوك واقبلوني بس اخير شي اتردد و اعتذر و خلاص ما ابيهم تعقدت

زين ما سوتي ياقلبي اهم شي راحتج... بس المشكله حتى الخاص ما يبينا انا مسجله الهيكله من شهر 10 ومحد قال ابي تخصصكم لول... يس توكلي على واقبلي الوظيفه صدقيني راح تحتاجينها...:eh_s(17):

 

[Lady Sweet]

خرابيط عشان جم وحده توقفون أمه الي جدامها تفاهه أنا عن نفسي ماراح انطر سنة اذا نزلت دفعه وما نزلت أسامينا بدور واسطة أتوظف بأي مكان بالخاص ليما هذيل متى ما نزلوا اسمي رحت لهم

انا كنت مفكره مثلج ... بس اسمج ينشال من الديوان اذا اشتغلتي بالخاص ولازم تسجلين من اول وجديد

حاولت مع ابوي لان صراحه الخاص يبون الي يشتغلون ويدورنهم دواره لانهم يحبون الكفاءه..مو حكومي خلف الله عليهم -.- يذلولنا ذل بالوضيفة.....بس صراحة اقنعني بكلامة.. الحكومة اضمن مليون مره من الخاص

الله يستر وتزل اسامينا معاهم انشالله -.- مشكوره على باقلبي

 

[غلآ مطير]

والله مادري شنو الحل :/

انا تخرجت الكورس الي بعدج شهر٦
تخصصي هندسه كمبيوتر
ورقمي٦٤ وصار ٦٥
ع كيفه مرا جذي ومرا جذي مادري شسالفه

وورفيجتي تخرجت معاج بس تخصصها فيزيا وماتحرك ولا رقم من سجلت ع الاقل احنا تحرك يمكن ٣ ارقام :/

بس اليوم دخلت ماشاء الله صاروا ١١٩ بنت اللهم بارك
خلاص المفروض يوقفون التخصص لانه وظاايف مو قاعدين يوظفونا

لازم نسوي اعتصام مو بس تخصصنا الكل لانه مو قاعد يتحرك الارقام لمده سنه شدعووه والمصيبه تسمعين ان في احتياجات

 

[Lady Sweet]

والله مادري شنو الحل :/

انا تخرجت الكورس الي بعدج شهر6
تخصصي هندسه كمبيوتر
ورقمي64 وصار 65
ع كيفه مرا جذي ومرا جذي مادري شسالفه

وورفيجتي تخرجت معاج بس تخصصها فيزيا وماتحرك ولا رقم من سجلت ع الاقل احنا تحرك يمكن 3 ارقام :/

بس اليوم دخلت ماشاء الله صاروا 119 بنت اللهم بارك
خلاص المفروض يوقفون التخصص لانه وظاايف مو قاعدين يوظفونا

لازم نسوي اعتصام مو بس تخصصنا الكل لانه مو قاعد يتحرك الارقام لمده سنه شدعووه والمصيبه تسمعين ان في احتياجات

اول ما دشينا الكليه رفعوا فيها وقالوا يقبلونكم باي مكان...والحين انحنا متنقعين على 7بنات رافضين..
والي الارقام الي تحركوا هذولاء كانو الرافضين -:eh_s(14):
يقول موظف الديوان الرافضين 2 يبون الكهربا والماي والباقي اي شي بس مايبون التربية (صراحة التربية منو يبيها مرض استغفر الله ..بس اذا اقروا الزيدات معاشاتنا بالتربيه راح تصير نفس الاماكن الثانية)
للاسف الشديد الديوان كان ينزل اسامي 2000 و 3000 شخص وارقامنا ما تحرك ولا رقم... لان في الحقيقيه اهما ينزلون اسامي بنات متوضفات وخالصات من اشهر والدليل اعرف كم وحده ينزل اسمها بكذا مكان او بنفس الوزاره اكثر من مره والبنت متوضفه بالوزاره من كم شهر...

الي اعرفه وزارات وايد طالبه تخصصنا بس مادري ليش مايوظفونا؟؟ ولا يبون كل بنت تجيب كتاب ترشيح؟؟ ويوظفنها .. بس لا حياه لمن ينادى

ولا بعد يقولون تقريبا بس بقى 12 الف شخص ماتوظف مسجل بديوان الخدمة
الفئة الاكبر منهم ماعندهم شهايد الا المتوسط
او ناس 35+
المفروض الي عنده دبلوم او بكالوريوس او ماجستير يتوظف بسرعة... بس الحاصل العكس الي ما عنده شهاده اهو الي يتوظف بسرعة

الله يعينا على عقليات الي بديوان انشالله
الحمدالله على كل حال
يارب وفقنا وحقق الي بالنا يارب:eh_s(17):

 

[BlackBird]

والله ما همني لو انشال المهم أشتغل ومعاش وأحلل معاشي جربت الميداني بالحكومة صراحة ملل بالشهر يمكن بس 4 او 5 مرات نشتغل؟

وباجي الأيام بس سوالف يا ريت يشغلوني الخاص بس حتى الخاص وقف أصلا كل شي وقف@_@!مافي مكان ما قدمت وحتى رحت معرض الفرص الوظيفية وفي شركة استثمار نسيت اسمها وقالت نبي كويتيات ندربهم سنة ونعطيهم مكافاة شهرية بعدين يوظفونهم الخ بس ولا دقوا ومسوية سي في وكل شي مرتب بس أقولج كل شي توقف من بعد سالفة الحكومة والحين ناطرة متى يخصلون ونمشي بحياتنا

بعدين شنو يوظفون ناس اعمارهم 35+؟؟؟؟؟؟؟؟؟؟؟؟يا سلام ناطرين احنا نوصل هالعمر عشان نتوظف@_@!

 

[нάγoηά cнεмίsтяγ]

انا خريجة هالسنة تخصص كيميا و توني مسجله بالديوان و الله يسهل

 

[Lady Sweet]

والله ما همني لو انشال المهم أشتغل ومعاش وأحلل معاشي جربت الميداني بالحكومة صراحة ملل بالشهر يمكن بس 4 او 5 مرات نشتغل؟

وباجي الأيام بس سوالف يا ريت يشغلوني الخاص بس حتى الخاص وقف أصلا كل شي وقف@_@!مافي مكان ما قدمت وحتى رحت معرض الفرص الوظيفية وفي شركة استثمار نسيت اسمها وقالت نبي كويتيات ندربهم سنة ونعطيهم مكافاة شهرية بعدين يوظفونهم الخ بس ولا دقوا ومسوية سي في وكل شي مرتب بس أقولج كل شي توقف من بعد سالفة الحكومة والحين ناطرة متى يخصلون ونمشي بحياتنا

بعدين شنو يوظفون ناس اعمارهم 35+؟؟؟؟؟؟؟؟؟؟؟؟يا سلام ناطرين احنا نوصل هالعمر عشان نتوظف@_@!

قصدي الفئه الاكبر الي مسجليين بالديون من هل15الف ...ااهم ناس ماعندهم شهايد
او حريم كبار يبون يتوظفون
اقري الموضوع http://www.q8yat.com/t1006645.html
يعني الي عندهم شهايد يمكن 6الف او 5الف من هذولا المسجلين


*{ كلمنا عن قوائم الانتظار للراغبين في العمل الحكومي ومن نجح الديوان في تعيينهم؟
- بالنسبة لقوائم انتظار الراغبين في العمل الحكومي وعدد أولئك المنتظرين وعدد من تمكن الديون من تعيينهم هذا العام، فإنه منذ صدور قرار مجلس الوزراء رقم 1991/551 الذي أفاد بأن يكون التعيين بالجهات الحكومية مركزياً عن طريق ديوان الخدمة المدنية، أقول انه كانت أولى فترات التوظيف بتاريخ 1999/8/22 وآخرها الفترة الرابعة والعشرون التي انتهت بتاريخ 2011/3/25م وقد بلغ عدد المسجلين خلال تلك الفترات جميعها 144292 مسجلاً، منذ عام 1999 حتى العام 2011، وقد رشح للعمل بمختلف الجهات الحكومية من عدد المسجلين حتى الآن ما مجموعه 128196 أي ما يشكل 89٪ من اجمالي عدد المسجلين، أما الذين تم ترشيحهم خلال العام 2010 فقد بلغ 11940، أما باقي المسجلين حالياً فقد بلغ عددهم 16083 أي ما يمثل 11٪ من اجمالي المسجلين، ويتضمن هذا العدد نحو 2112 مرفوضاً أو رافضاً للعمل بالجهات التي رشحوا للعمل بها.
قوائم الانتظار
{ لكن هناك ما يزيد على 15 ألف مواطن على قوائم الانتظار.. ما تعليقك؟
- في الحقيقة إجمالي المسجلين بقوائم الانتظار منذ العام 1999 وحتى الآن بلغ 144292 قد تم ترشيحهم وتعيينهم بمختلف قطاعات العمل الحكومي في الدولة، وباقي المسجلين حاليا يبلغ مجموعه 16000، وهذا العدد يمثل نحو 11٪ من إجمالي المسجلين منذ عام 1999، ومن ثم لا يمكن القول ان هناك بطالة في الوقت الراهن بالمجتمع الكويتي، بل إن هناك عدة أسباب لوجود هذا العدد من المسجلين لم يتم ترشيحهم، منها وجود مسجلين حاصلين على مؤهلات لها مجال للعمل بالقطاع الخاص، ولكنهم يفضلون الانتظار لحين توافر فرص عمل لهم بالقطاع الحكومي، مثل خريجي دبلوم البنوك ودبلوم التأمين، ودورة سياحة وسفر ودورة تصفيف شعر وفن الماكياج، علما بأن القطاع الخاص تواءم بالقطاع الحكومي وكلاهما يقوم عليه المجتمع بالدولة، ومن هذه الأسباب أيضا وجود مسجلين بنظام التوظيف، وهناك حاجة لتخصصات مؤهلاتهم بالفعل، ولكنهم لا يرغبون بالجهة التي تطلب تخصصاتهم ويفضلون الانتظار حتى تطلب جهة بعينها توافق رغباتهم، ويبلغ عددهم حاليا 430 مسجلا ولدينا الإناث الحاصلات على شهادة الثانوية العامة ممن تجاوزت أعمارهن 35 سنة وغير حاصلات على دورات تدريبية يقدر عددهن بنحو 6000 وان أنسب مجالات العمل لهن، اقامة المشروعات الصغيرة بالقطاع الخاص كتفصيل أو بيع الملابس. كما ان هناك من تجاوزت أعمارهم 18 سنة وحتى 35 سنة الحاصلين على شهادة الثانوية العامة فأقل بدون تدريب والذي يقدر عددهم بنحو 5500، جارٍ حاليا التنسيق مع الهيئة العامة للتعليم التطبيقي والتدريب وبرنامج إعادة الهيكلة لبحث مدى إمكانية تدريبهم في المجالات التي يحتاجها سوق العمل، ويوجد ايضا 569 شخصا لم يتم اعتماد مؤهلاتهم الحاصلين عليها وجار مخاطبة جهات الاختصاص لاعتمادها، وبالتالي لن يتم ترشيحهم قبل ورود الاعتماد المطلوب، وأخيرا فإن التخصصات الجامعية والدبلومات وما في مستواها وكذلك الدورات التدريبية من الهيئة العامة للتعليم التطبيقي والتدريب، بعد شهادة المتوسطة، التي بها مسجلين بصفة مستمرة بين الديوان والجهات الحكومية لاستيعاب المسجلون بهذه التخصصات.

خطط مستقبلية *

 

[Lady Sweet]

انا خريجة هالسنة تخصص كيميا و توني مسجله بالديوان و الله يسهل

يوالله الله يسهل علينا :eh_s(16):

 

[غلآ مطير]

لحظه انا الي اعررفه ان الي ترفض يروح الترشيح حق الي بعدها @_@

وكل ماينزلون اسماء ينطرون الرفض خلال اسبوعين وبعردها ينزلون اسماء ثانيه وتكون بدال الي رافضين

بالعكس اعرف شكثر يقبلونهم عادي ويدامون وفي يرفضون بعد :l وفي ناس تكون جايبه كتاب ترشيح فاداوم عاادي وبعدين لما تنزل الاسماء يحطون اسمها

 

[Lady Sweet]

لحظه انا الي اعررفه ان الي ترفض يروح الترشيح حق الي بعدها @_@

وكل ماينزلون اسماء ينطرون الرفض خلال اسبوعين وبعردها ينزلون اسماء ثانيه وتكون بدال الي رافضين

بالعكس اعرف شكثر يقبلونهم عادي ويدامون وفي يرفضون بعد :l وفي ناس تكون جايبه كتاب ترشيح فاداوم عاادي وبعدين لما تنزل الاسماء يحطون اسمها

اذا كان كلامج صح جان الحين 10 بنات من دفعتنا متوضفات او نازل اساميهم بس صارلنا سنة ولا وحده توظفت من دفعتنا... الي تتغير ارقامهم اهم الي رافضين بس ...رقمنا ماراح يتحرك الا اذا توظفوا كل الرافضين... :eh_s(11): ... وانا قاعده اتكلم عن تخصصنا... التخصصات الثانية ماشية الحمدالله... بس احنا الله يعينا

 

[Lady Sweet]

اي حبيت اضيف انi في بنات مالهم خلق يرحون الديوان عشان يرفضون....كله عيز... وتظل اساميهم بلوزاره لما الاخوات يتفضلون ويتحركون من فراشهم ويروحون ويرفضون ...مايدرون انهم معطلين ناس وايد بعدم المبالاه هذه الله يسامحهم انشالله

 

[Lady Sweet]

توني شيكت الا المرفوضين صاروا 8 قبل 7 ...الله اعلم هذه من وين طلعت
الله يعين

 

[нάγoηά cнεмίsтяγ]

الحين بنات اذا انا حاطة رغبة وحده او رغبات معينه يطلع اسمي باماكن غير رغباتي ؟