السلام عليكم ورحمة الله وبركاته*
نظرا لكثرة الرسايل علي الخاص
واغلب البنوتات صاكتهم حالة من اليأس والاحباط قررت احط موضوع جديد بهالخصوص اتمني من عقبه ما القي ولا وحدة فيكم يا نبضات قلبي تتشكي من طول المدة بالاستجابة وقسر الظروف وتعقيدها *..*
بنات بقولكم ملاحظاتي الشديدة من قراءاتي ومن طول بلائي وهمي اللذيذ اي نعم لذيذ ولذته علي انها كاسرتلي قلبي الا انها الذ علي قلبي من لذة الفرج لمن اتخيلها ؟!
تعرفون ليش اقول جذي ؟! لاني متلذذة وانا اطرق باب ربي ، يتلي فترة كنت ابجي بالم وحسرة واحيانا اقعد اصيح بصوت مكتوم ، لكن صرت ادعي بلذة فضيعه احسها رغما عني يكش جسمي وظهري من القشعريرة ، مو بيدي قامت تييلي قوة ادعي وابجي وانا متلذذة !!*
مو ادعي وابجي مثل قبل بالم فضيع وانهيار ورغبة جامحة بالاستجابة الفورية فقط لا الدعاء اهو قمة العبادة لان في لذة وانكسار بالتضرع لملك الملوك الذي لا يعجزه شيئ ..!!*
هالدرجة من اللذة ماتوصلها الا الي يقينها كامل لا يهزه ابليس اللعين وحتي لو حاول يهزه كملو الموضوع ورح اسكت كل وحدة يقينها يتارجح !! ،
*اقسم بالله العظيم من شدة يقيني بربي واثقة انه رح يستجيبلي دعوتي المستحيلة بطريقة انا خايفة لا قلبي يوقف من الانبهار بتدبير ربي فيها وعظيم بديع صنعه ، اقولكم اموري الحين تعقدت بطريقة لو وحدة مكاني يمكن كانت ماتت من الحزن الشديد الشديد ، لكن الحمدلله رب العالمين حبيبي اهوا ما خذلني قواني و سخرلي وسببلي الاسباب علشان احس بهاللذة في مناجاته وسؤاله ويقيني مخوفني حيل من نفسي والله احس برهبة الفرحة اخاف قلبي يوقف من الترقب وباي لحظة اسمع احلا خبر بحياتي ..!!*
طبعا بمواضيعي القبلية انا كتبت تقريبا الاشيا الي اسويها دوروها بملف تعريفي للي حابة تقراهم ، واكتشفت شغلة يابنات من ملاحظاتي بقصص الاستجابة لبنات مختلفات قصصهم و مختلفة فترة اجابة المجيب لهم ، بنات كل وحدة فينا تحتاج شغله معينة ممكن تكون اهيا السبب في عدم اجابة دعوتها او تاخيرها غالبا ، مثال في ناس يذكرون ربي اناء الليل واطراف النهار ويدعونه وما يستجاب لهم !! ليش ؟! ممكن يكون مأكلهم ومشربهم حرام ، ممكن يكونون عاصيين والدينهم !! ممكن يكونون يرتكبون معاصي و يتوبون ويرجعون اسباب كثيرة طبعا تختلف باختلاف الشخص نفسه . .*
في ناس يذكرون الله ويدعونه بس وقت الحاجة وهذيل طبعا اغلب الناس مع الاسف !!
في ناس يذكرون ربهم و بخيالهم ولانهم مو متعودين علي التذلل والصبر تلقونه عباله ان اهو خلاص جذي تعب وسوا اكثر من الي عليه وطبق كل شروط الدعاء ونسي اهم الشروط (( عدم العجلة وعدم الملل من الدعاء )) *فيروح العبقري يترك الدعاء !!
*ولااا في فئة عافانا الله تسخط علي ربي !! وتقول دعينا ما استجابلنا وتلقونهم خلاص بعد مستحيل يدعون ربي بعد ومايذكرونه يعتي هذيل الفئة الي ربي قال فيهم
*(( يعبدون الله علي حرف )) يعني يعبدونه عشان حاجاتهم واذا ما عطاهم حاجاتهم يرجعون عاي حالهم واسوأ والعياذ بالله !!*
والشي الجميل اللطيف من قطرة رحمي علينا انه ربي حذرنا من السخط والقنوط من رحمته فينا ومن عدم الاستجابة !!
تخيلو ان ربي يقولكم ((ويأمركم )) تدعونه وحده وتسالونه حاجتكم (( ويتعهد )) لكم تعهد مقدس (( بالاجابة )) و بنفس الوقت يحذركم من الملل والقنوط من رحمته في اكثر من جذي حب ورحمة كاني اقولكم بعطيكم اختبار صعب بس اذا درستيه (( اوعدج واتعهدلج )) رح اعطيج الدرجة كاملة واذا ما درستي رح اعاقبج واحطلج صفر ؟! ولله المثل الاعلي طبعا*
باختصار كل وحدة تشوف وين علتها وشنو الشي الي ممكن يخلي الرحمن مو راضي عنها وتوبي لربج مو عشان حاجتج وتعهدي ماترجعين لاي غلط تسوينه او كنتي تسوينه ،
*الذكر وما ادراك ما الذكر ، اذكروا الله يذكركم ، رطبي لسانج 24 ساعه ذكر استغفار صلاة علي النبي حمد كل انواع الذكر ، و ترا مو بكثرت الذكر !! من خلال قراءتي عرفت ان الذكر مو بعدده ، الذكر بمعناه !! هل انتي لمن تقولين استغفر الله تعنينها من قلبج ؟! هل لمن تقولين لا حول ولا قوة الا بالله انتي فعلا حاسة وانتي تقولينها ان مافي احد ممكن يحول حالج من حال لحال الا بقوة العزيز وحده ؟!*
سمعوا يا روحي انتو ركني كل همج ومشاكلج ودموعج علي صوب ، وحطي فبالج هالاشيآء المهمة لمن تدعين :*
ربي لو مايبي يعطيج حاجتج ما الهمج الدعاء وقرأت مرة ان لمن تملين من الدعاآء بشي انتي تبينه ومليتي بسرعه وتركتي الدعاآ معناها هالشي ما كان فيه خيره لج !! فاذا تبين الشي الي تبينه تعبي ورح ترتاحين بالنهاية وسعادة ورزق وخير وكلشي مايخذر علي بالج !!
ثانيا / ربي لو بيؤخر الاستجابة مو لانه مايبي يستجيب لج غلطانة حجية ، بل لانه سبحانه عاجبه صوتج ومستانس علي حسن تضرعج !! بصراحة شي يونس رغم الحزن بس اطراء من رب العالمين لي لمن يكون يبي يطول الاستجابة لانه يبي يسمعني اناجيه شي روعه وخيالي واحس بعزة وجمال نفس ..!!
من ملاحظاتي ايضا ومن البنات الي حولي والناس الي اقرالهم قصص دايما يدعون يدعون ويكتبون باركولي استجيبلي وفرج ربي همي بعد معاناه مثلا : سنتين خنقول وتلقون البنت تحط قصتها من البداية و شلون بدت رحلة الاصلاح والتوبة والذكر والتوسل ولحظات اليأس والعودة الي اليقين مجددا والعودة الي الدعاء ولمن تكتب قبل لحظة الاجابة نلقي انها سوت شي واحد بسيط عجلها الفرج بالنهاية وهالشي الاخير فقط البنات عبالهم اهو الي خلا دعائها يجاب !! وتروح البنت الثانية تسوي هالشي ومايستجاب لها !!
ليش؟! انا اقولكم ليش ، لان انتو نسيتوا رحلة البنت الطويلة وتعبها علي ماوصلت لمرحلة ربي شايف انها اصبحت جاهزة ليقضي بامرها ويامر بفرجها و ركزتوا فقط علي لحظة لمن استجيب لها !! لا يبا البنت تعبت علي تبطل لها الباب وتعبها كان يستاهل *
بنات ركزوا معاي ، رسولنا قال : كل دعوة مجابة والذكية الي تتلاحق روحها وتختار المفاتيح الصح المناسبة لكل الاقفال الي بمشكلتها ، ربي ماينساكم ومعاكم دايما يشوفكم ويسمعكم و اقرب لكم من امكم وحبل وريدكم يحبكم ويرحمكم و رح يستجيبلكم باذنه ، لكن اعزموا الامر وتوكلوا عليه وحده ، شنو يعني اتوكل عليه ؟!
يعني كل ما ادعي دعائي الي ابيه يستجابلي اقول يارب انتا شاهد اني وكلتك امري في استجابة دعوتي هذه فكيف لا تستجيب لي وانتا مولاي ووكيلي ؟! وافوض امري لله وانتظر الفرج وربي يحب العبد الي ينتظر الفرج وهذي احلا اللحظات حتي بالنسبة للعبد*
من ملاحظاتي ايضا الي عجبتني ، قمت اقتنص كل الفرص المتاحة الي ممكن اخلي احد يأمن علي دعائي فيها ، مثل لمن يأذن الاذان مال المغرب ، اسمع الامام يؤذن ويخلص و يقرا الفاتحة ولمن يوصل عند كلمة امين ، اهني انا ارفع ايدياتي وادعي من قلبي ، لان الامام مو بروحه قال امين كل الي يصلون وراه بعد قالو *امين وبجذي امنوا علي دعوتي ..*
قمت اروح لامي واقولها يمه أمني علي دعوتي ، او اقول لابوي يبا قول امين ، فيقولولي امين وارفع ايدي وادعي ، لان دعوة الابوين مجابة ، حتي اختي الصغيرونة لان ماعندها ذنوب اقولها حبي قولي امين تقولي ببراءة امين واقعد ادعي*
اول ما اقعد من النوم سيدا انا طبعا اجيك علي تلفوني طبعا طبع اقشر واتوقع كل الناس جذي ، فقمت حطيت خلفية جهازي ، صورة مكتوب فيها دعاء التعاري علشان سيدا اول ما ابطل الفون يطلع بويهي وادعيه قبل لا اتكلم اي كلمة واضمن ان دعوتي استجيبت بدون رفع يدين ولا حتي وضوء سبحان ربي ما الطفه فينا *
اي شي تسوينه عشا غدا ريوق جبتي قلاص ماي لاي احد من اهلج ، ساعدتي اي احد ، قولي يارب نويتها اجر عندك يا كريم .
شوفي شنو ناقصج انتي كانسانة بصرف النظر عن دعوتج ، انتي محتاجة تطهرين من ذنوبج ، وتكونين انسانة جديدة اتقي الله رح يجعلج مخرج من حيث لا تحتسبين ، بكل وقت خلي لسانج مشتغل بالذكر علشان صوتج يكون مألوف للملائكة لمن تدعين *.
والحين نيي لملاحظتي الاهم رقم 1 : *لمن تحسين بالاحباط والهم الشديدين وتحسين الامور زاد تعقيدها بطريقة فعلا تخليج تقولين لنفسج خلاص تعبت من وين بتنحل عقب الي صار وتحسين روحج يقينج اهتز والعياذ بالله ابشرج ترا اهني لحظة اجابة !! اي نعم لحظة اجابة لانج عاندتي شيطانج ونفسج الامارة *وانتصرتي عليهم فشنو تسوين يا قلبي ؟!
تروحين تتوضين بسرعه ولازم بسرعه وتصلين ركعتين لوجه الله وبعدها انفجري بواجي ونوحي و ادعي بتضرع وتوسل وطقي الباب اكثر من مرة باب ربج هذا بيبطله لج سبحانه عاجلا وكثرة قرع الباب يخليه ينفتح !!*
ملاحظة مهمة رقم 2/ اذا كنتي فاضية وحولج هدوء والناس نايمة مثلا او محد بالبيت غيرج دشي النت ودوري بصيغ ادعية طويلة في مدح الله والثناء عليه وقعدي اقري بس بشرط !! علي مهلج ليش علي مهلج ؟! علشان وانتي تقرين تستفيدين و تقرين وانتي عارفه شتقولين وتتاملين المدح وروعته والتسبيح وعظمته وتحسينه *، وبعد شغله حلوة الله يحب العبد الي يعبده والناس لاهية ، مثل الناس نايمة العصر وانتي قاعدة تحمدين ربي و تستغفرين بهالوقت ، الكل يطالع التلفزيون انتي قاعدة تستغفرين ، رحتي عزيمة الكل يقرق انتي قمتي بروحج بغرفه فاضية صليتي ركعتين لله تعالي ودعيتي بعدها ، تاكدي قيمتم عند ربج ارتفعت وربي يحبج علي هالافعال الي قربتج له وترا هذا حديث شريف ان ربي يحب العبد الي يعبده والناس لاهية !!
لا تفوتين لحظة فيها اجر ، اذا يالج اخوج يبي عشي ومالج خلق لا تنهرينه وسويله الي يبي *( واما السائل فلا تنهر ) ، ياتلج اختج الصغيرة تساعدينها بالواجب لا تنهرينها ، ساعديها وعرضي عليها بعد انتي بادري ، ربي قال بالاية الكريمة الي يبي استجيبله خل يستجيبلي !! شلون نستجيب لله؟! بفعل الطاعات والمبادرة والمسارعه للخيرات *
والاهم من كل شي الصبر الصبر الصبر الصبر عند الدعاء مو انتي تبين دعوتج تستجاب بطريقة معينة ؟! صبري عليهاضاعفي دعائج وما يهمج ابليس او اي بشر كله بيد ملك الملوك ، ترا نبي الله يونس عليه السلام تم يدعي ربه 3 ايام بدعائه العظيم ، واهو نبي شحال احنا بشر ضعاف سبحان ربي استجابله ونجاه واكرمه بشي عظيم وروحوا اقروا قصته وتشوفون التشويق والروعه والجمال والحكمة وشلون ربي عاقبه بابتلاع الحوت ودبرله مفاجأة عظيمة لمن طلع من بطن الحوت ولقي كل قومه مؤمنين حوالي امية الف شخص انصدم لقاهم مؤمنين فيه وبالله كلهم*
الاجابة قريبة بقربج من ربج ، كل ماقربتي اكثر واصلحتي بنفسج عشان نفسج بالاول مو عشان حاجتج بس فاذا عرفي ان الاجابة قربت ، يعني مو تتقربين لربج بس عشان يستجيبلج وبعدها ترجع حليمة لعوايدها القديمة !!*
واخيرا بنات بقولكم شي مهم ، شلون تعتقدون مجرد اعتقاد ان ملك الملوك يخلف الميعاد ؟!؟!*
ربنا (( تعهد )) ياناس ياعالم لا تجلطوني ربي تعهد ووعدنا باستجابة الدعاء شلون يخلف شلون !! شلون تفكرون جذي ، ربنا قال انا عند ظن عبدي بي فليظن بي ما يشاء !! كيفج انتي حرة تبين تظنين ربي مايستجيب انتي الخسرانة وفعلا رح يصير الي ظنيتيه ومرح يستجيبلج وبتعيشين بهم للابد وتخسرين *، لكن اذا ظنيتي ان ربي رح يستجيب فتاكدي تاكدي اجزملج جزم شديد بان رح يستجاب لج بطريقة احلا من خيالج ولا بعد بكرم خيالي *يعجز اللسان عن وصفه ،*
توسلي يا اختي في الله توسلي قاضي الحاجات ومجيب الدعوات ، توسلي الحييّ الكريم الذي يستحي ان يرد ايدينج صفر خائبتين ،*
توكلي علي ربج بقضا حاجتج وبس يوسوس ابليس قولي لروحج هالتساؤل : شلون اشك بربي واهو (( تعهد )) يستجيبلي مو باية ايات كثيرة وعود واضحة مباشرة !! كرريها حيل مع نفسج رح تلاقين روحج تلقائيا ما تقدرين تشكين بعد ورح تحسين بلذة التضرع لدرجة تتمنين من كثر ماتحسين بقرب الفرج ان يليت يطول هالهم اكثر !!*
ما اعظم ربي وما اعظم حنيته علينا حتي لمن يبلونا بهموم معقدة مركبة جدا ، يبي ينقينا من ذنوبنا وخطايانا لمصلحتنا وتالي يكافئنا بشي فوق الرضي بذمتكم شلون تيأسون من رب كريم عظيم مجيب تعهد بالاجابة و رحمن رحيم مايعجزه شي ولا اي مخلوق بالوجود يعجزه !!
كل وحدة ابيها من اليوم تفتح صفحة جديدة مع روحها وتحافظ علي تعبها باصلاح نفسها ولا تخرب علي روحها لمجرد انها انهارت !!
استمروا بالدعاء ورح تلقون الفرج استمروا بطرق الباب الي ان يفتحلكم ملك الملوك بابه و يالله اذا فتحلكم هالباب رح تنفتحلكم معاه ابواب وابواب ورزق وفضل ما تتخيله عقولكم البشرية الضعيفة !! مالت علي كل وحدة يائسة*
امانة بنات مابي لكم الا الفايدة و رجاء اخوي خالص لا تنسوني اليوم من دعواتكم بالثلث الاخير بندش فيه بعد دقايق ادعولي بتعجيل استجابة دعاء العضووة حضرية واجد عاجلا الي اهي انا والي انا اشوفه مستحيل بس بيقيني اهو شي تافه علي ربي تعالي وعلا ترا دعواتكم لي تعجل الاجابة حقي ولكم بالمثل باذن الله ، وقريب رح اجي اكتبلكم قصتي كاملة وكلشي سويته عشان ربي استجابلي دعوتي المستحيلة علي عقلي، *علشان محد يحس بياس بعد =)*
السلام عليكم ورحمة الله وبركاته*
نظرا لكثرة الرسايل علي الخاص
واغلب البنوتات صاكتهم حالة من اليأس والاحباط قررت احط موضوع جديد بهالخصوص اتمني من عقبه ما القي ولا وحدة فيكم يا نبضات قلبي تتشكي من طول المدة بالاستجابة وقسر الظروف وتعقيدها *..*بنات بقولكم ملاحظاتي الشديدة من قراءاتي ومن طول بلائي وهمي اللذيذ
اي نعم لذيذ ولذته علي انها كاسرتلي قلبي الا انها الذ علي قلبي من لذة الفرج لمن اتخيلها ؟!تعرفون ليش اقول جذي ؟! لاني متلذذة وانا اطرق باب ربي ، يتلي فترة كنت ابجي بالم وحسرة واحيانا اقعد اصيح بصوت مكتوم ، لكن صرت ادعي بلذة فضيعه احسها رغما عني يكش جسمي وظهري من القشعريرة ، مو بيدي قامت تييلي قوة ادعي وابجي وانا متلذذة !!*
مو ادعي وابجي مثل قبل بالم فضيع وانهيار ورغبة جامحة بالاستجابة الفورية فقط لا الدعاء اهو قمة العبادة لان في لذة وانكسار بالتضرع لملك الملوك الذي لا يعجزه شيئ ..!!*
هالدرجة من اللذة ماتوصلها الا الي يقينها كامل لا يهزه ابليس اللعين وحتي لو حاول يهزه كملو الموضوع ورح اسكت كل وحدة يقينها يتارجح !! ،
*اقسم بالله العظيم من شدة يقيني بربي واثقة انه رح يستجيبلي دعوتي المستحيلة بطريقة انا خايفة لا قلبي يوقف من الانبهار بتدبير ربي فيها وعظيم بديع صنعه ، اقولكم اموري الحين تعقدت بطريقة لو وحدة مكاني يمكن كانت ماتت من الحزن الشديد الشديد ، لكن الحمدلله رب العالمين حبيبي اهوا ما خذلني قواني و سخرلي وسببلي الاسباب علشان احس بهاللذة في مناجاته وسؤاله ويقيني مخوفني حيل من نفسي والله احس برهبة الفرحة اخاف قلبي يوقف من الترقب وباي لحظة اسمع احلا خبر بحياتي
..!!*طبعا بمواضيعي القبلية انا كتبت تقريبا الاشيا الي اسويها دوروها بملف تعريفي للي حابة تقراهم ، واكتشفت شغلة يابنات من ملاحظاتي بقصص الاستجابة لبنات مختلفات قصصهم و مختلفة فترة اجابة المجيب لهم ، بنات كل وحدة فينا تحتاج شغله معينة ممكن تكون اهيا السبب في عدم اجابة دعوتها او تاخيرها غالبا ، مثال في ناس يذكرون ربي اناء الليل واطراف النهار ويدعونه وما يستجاب لهم !! ليش ؟! ممكن يكون مأكلهم ومشربهم حرام ، ممكن يكونون عاصيين والدينهم !! ممكن يكونون يرتكبون معاصي و يتوبون ويرجعون اسباب كثيرة طبعا تختلف باختلاف الشخص نفسه . .*
في ناس يذكرون الله ويدعونه بس وقت الحاجة وهذيل طبعا اغلب الناس مع الاسف !!
في ناس يذكرون ربهم و بخيالهم ولانهم مو متعودين علي التذلل والصبر تلقونه عباله ان اهو خلاص جذي تعب وسوا اكثر من الي عليه وطبق كل شروط الدعاء ونسي اهم الشروط (( عدم العجلة وعدم الملل من الدعاء )) *فيروح العبقري يترك الدعاء !!
*ولااا في فئة عافانا الله تسخط علي ربي !! وتقول دعينا ما استجابلنا وتلقونهم خلاص بعد مستحيل يدعون ربي بعد ومايذكرونه يعتي هذيل الفئة الي ربي قال فيهم
*(( يعبدون الله علي حرف )) يعني يعبدونه عشان حاجاتهم واذا ما عطاهم حاجاتهم يرجعون عاي حالهم واسوأ والعياذ بالله !!*
والشي الجميل اللطيف من قطرة رحمي علينا انه ربي حذرنا من السخط والقنوط من رحمته فينا ومن عدم الاستجابة !!
تخيلو ان ربي يقولكم ((ويأمركم )) تدعونه وحده وتسالونه حاجتكم (( ويتعهد )) لكم تعهد مقدس (( بالاجابة )) و بنفس الوقت يحذركم من الملل والقنوط من رحمته
في اكثر من جذي حب ورحمة كاني اقولكم بعطيكم اختبار صعب بس اذا درستيه (( اوعدج واتعهدلج )) رح اعطيج الدرجة كاملة واذا ما درستي رح اعاقبج واحطلج صفر ؟! ولله المثل الاعلي طبعا*باختصار كل وحدة تشوف وين علتها وشنو الشي الي ممكن يخلي الرحمن مو راضي عنها وتوبي لربج مو عشان حاجتج وتعهدي ماترجعين لاي غلط تسوينه او كنتي تسوينه ،
*الذكر وما ادراك ما الذكر ، اذكروا الله يذكركم ، رطبي لسانج 24 ساعه ذكر استغفار صلاة علي النبي حمد كل انواع الذكر ، و ترا مو بكثرت الذكر !! من خلال قراءتي عرفت ان الذكر مو بعدده ، الذكر بمعناه !! هل انتي لمن تقولين استغفر الله تعنينها من قلبج ؟! هل لمن تقولين لا حول ولا قوة الا بالله انتي فعلا حاسة وانتي تقولينها ان مافي احد ممكن يحول حالج من حال لحال الا بقوة العزيز وحده ؟!*
سمعوا يا روحي انتو ركني كل همج ومشاكلج ودموعج علي صوب ، وحطي فبالج هالاشيآء المهمة لمن تدعين :*
ربي لو مايبي يعطيج حاجتج ما الهمج الدعاء وقرأت مرة ان لمن تملين من الدعاآء بشي انتي تبينه ومليتي بسرعه وتركتي الدعاآ معناها هالشي ما كان فيه خيره لج !! فاذا تبين الشي الي تبينه تعبي ورح ترتاحين بالنهاية
وسعادة ورزق وخير وكلشي مايخذر علي بالج !!ثانيا / ربي لو بيؤخر الاستجابة مو لانه مايبي يستجيب لج غلطانة حجية ، بل لانه سبحانه عاجبه صوتج ومستانس علي حسن تضرعج !! بصراحة شي يونس رغم الحزن بس اطراء من رب العالمين لي لمن يكون يبي يطول الاستجابة لانه يبي يسمعني اناجيه شي روعه وخيالي واحس بعزة وجمال نفس ..!!
من ملاحظاتي ايضا ومن البنات الي حولي والناس الي اقرالهم قصص دايما يدعون يدعون ويكتبون باركولي استجيبلي وفرج ربي همي بعد معاناه مثلا : سنتين خنقول وتلقون البنت تحط قصتها من البداية و شلون بدت رحلة الاصلاح والتوبة والذكر والتوسل ولحظات اليأس والعودة الي اليقين مجددا والعودة الي الدعاء ولمن تكتب قبل لحظة الاجابة نلقي انها سوت شي واحد بسيط عجلها الفرج بالنهاية وهالشي الاخير فقط البنات عبالهم اهو الي خلا دعائها يجاب !! وتروح البنت الثانية تسوي هالشي ومايستجاب لها !!
ليش؟! انا اقولكم ليش ، لان انتو نسيتوا رحلة البنت الطويلة وتعبها علي ماوصلت لمرحلة ربي شايف انها اصبحت جاهزة ليقضي بامرها ويامر بفرجها و ركزتوا فقط علي لحظة لمن استجيب لها !! لا يبا البنت تعبت علي تبطل لها الباب وتعبها كان يستاهل
*بنات ركزوا معاي ، رسولنا قال : كل دعوة مجابة والذكية الي تتلاحق روحها وتختار المفاتيح الصح المناسبة لكل الاقفال الي بمشكلتها ، ربي ماينساكم ومعاكم دايما يشوفكم ويسمعكم و اقرب لكم من امكم وحبل وريدكم يحبكم ويرحمكم و رح يستجيبلكم باذنه ، لكن اعزموا الامر وتوكلوا عليه وحده ، شنو يعني اتوكل عليه ؟!
يعني كل ما ادعي دعائي الي ابيه يستجابلي اقول يارب انتا شاهد اني وكلتك امري في استجابة دعوتي هذه فكيف لا تستجيب لي وانتا مولاي ووكيلي ؟! وافوض امري لله وانتظر الفرج وربي يحب العبد الي ينتظر الفرج
وهذي احلا اللحظات حتي بالنسبة للعبد*من ملاحظاتي ايضا الي عجبتني ، قمت اقتنص كل الفرص المتاحة الي ممكن اخلي احد يأمن علي دعائي فيها ، مثل لمن يأذن الاذان مال المغرب ، اسمع الامام يؤذن ويخلص و يقرا الفاتحة ولمن يوصل عند كلمة امين ، اهني انا ارفع ايدياتي وادعي من قلبي ، لان الامام مو بروحه قال امين كل الي يصلون وراه بعد قالو *امين وبجذي امنوا علي دعوتي ..*
قمت اروح لامي واقولها يمه أمني علي دعوتي ، او اقول لابوي يبا قول امين ، فيقولولي امين وارفع ايدي وادعي ، لان دعوة الابوين مجابة ، حتي اختي الصغيرونة لان ماعندها ذنوب اقولها حبي قولي امين تقولي ببراءة امين واقعد ادعي
*اول ما اقعد من النوم سيدا انا طبعا اجيك علي تلفوني طبعا طبع اقشر واتوقع كل الناس جذي ، فقمت حطيت خلفية جهازي ، صورة مكتوب فيها دعاء التعاري علشان سيدا اول ما ابطل الفون يطلع بويهي وادعيه قبل لا اتكلم اي كلمة واضمن ان دعوتي استجيبت بدون رفع يدين ولا حتي وضوء سبحان ربي ما الطفه فينا *
اي شي تسوينه عشا غدا ريوق جبتي قلاص ماي لاي احد من اهلج ، ساعدتي اي احد ، قولي يارب نويتها اجر عندك يا كريم .
شوفي شنو ناقصج انتي كانسانة بصرف النظر عن دعوتج ، انتي محتاجة تطهرين من ذنوبج ، وتكونين انسانة جديدة اتقي الله رح يجعلج مخرج من حيث لا تحتسبين ، بكل وقت خلي لسانج مشتغل بالذكر علشان صوتج يكون مألوف للملائكة لمن تدعين *.
والحين نيي لملاحظتي الاهم رقم 1 : *لمن تحسين بالاحباط والهم الشديدين وتحسين الامور زاد تعقيدها بطريقة فعلا تخليج تقولين لنفسج خلاص تعبت من وين بتنحل عقب الي صار وتحسين روحج يقينج اهتز والعياذ بالله ابشرج ترا اهني لحظة اجابة !! اي نعم لحظة اجابة لانج عاندتي شيطانج ونفسج الامارة *وانتصرتي عليهم فشنو تسوين يا قلبي ؟!
تروحين تتوضين بسرعه ولازم بسرعه وتصلين ركعتين لوجه الله وبعدها انفجري بواجي ونوحي و ادعي بتضرع وتوسل وطقي الباب اكثر من مرة باب ربج هذا بيبطله لج سبحانه عاجلا وكثرة قرع الباب يخليه ينفتح !!*
ملاحظة مهمة رقم 2/ اذا كنتي فاضية وحولج هدوء والناس نايمة مثلا او محد بالبيت غيرج دشي النت ودوري بصيغ ادعية طويلة في مدح الله والثناء عليه وقعدي اقري بس بشرط !! علي مهلج ليش علي مهلج ؟! علشان وانتي تقرين تستفيدين و تقرين وانتي عارفه شتقولين وتتاملين المدح وروعته والتسبيح وعظمته وتحسينه *، وبعد شغله حلوة الله يحب العبد الي يعبده والناس لاهية ، مثل الناس نايمة العصر وانتي قاعدة تحمدين ربي و تستغفرين بهالوقت ، الكل يطالع التلفزيون انتي قاعدة تستغفرين ، رحتي عزيمة الكل يقرق انتي قمتي بروحج بغرفه فاضية صليتي ركعتين لله تعالي ودعيتي بعدها ، تاكدي قيمتم عند ربج ارتفعت وربي يحبج علي هالافعال الي قربتج له وترا هذا حديث شريف ان ربي يحب العبد الي يعبده والناس لاهية !!
لا تفوتين لحظة فيها اجر ، اذا يالج اخوج يبي عشي ومالج خلق لا تنهرينه وسويله الي يبي *( واما السائل فلا تنهر ) ، ياتلج اختج الصغيرة تساعدينها بالواجب لا تنهرينها ، ساعديها وعرضي عليها بعد انتي بادري ، ربي قال بالاية الكريمة الي يبي استجيبله خل يستجيبلي !! شلون نستجيب لله؟! بفعل الطاعات والمبادرة والمسارعه للخيرات *
والاهم من كل شي الصبر الصبر الصبر الصبر عند الدعاء مو انتي تبين دعوتج تستجاب بطريقة معينة ؟! صبري عليهاضاعفي دعائج وما يهمج ابليس او اي بشر كله بيد ملك الملوك ، ترا نبي الله يونس عليه السلام تم يدعي ربه 3 ايام بدعائه العظيم ، واهو نبي شحال احنا بشر ضعاف سبحان ربي استجابله ونجاه واكرمه بشي عظيم وروحوا اقروا قصته وتشوفون التشويق والروعه والجمال والحكمة وشلون ربي عاقبه بابتلاع الحوت ودبرله مفاجأة عظيمة لمن طلع من بطن الحوت ولقي كل قومه مؤمنين حوالي امية الف شخص انصدم لقاهم مؤمنين فيه وبالله كلهم*
الاجابة قريبة بقربج من ربج ، كل ماقربتي اكثر واصلحتي بنفسج عشان نفسج بالاول مو عشان حاجتج بس فاذا عرفي ان الاجابة قربت ، يعني مو تتقربين لربج بس عشان يستجيبلج وبعدها ترجع حليمة لعوايدها القديمة !!*
واخيرا بنات بقولكم شي مهم ، شلون تعتقدون مجرد اعتقاد ان ملك الملوك يخلف الميعاد ؟!؟!*
ربنا (( تعهد )) ياناس ياعالم لا تجلطوني ربي تعهد ووعدنا باستجابة الدعاء شلون يخلف شلون !! شلون تفكرون جذي ، ربنا قال انا عند ظن عبدي بي فليظن بي ما يشاء !! كيفج انتي حرة تبين تظنين ربي مايستجيب انتي الخسرانة وفعلا رح يصير الي ظنيتيه ومرح يستجيبلج وبتعيشين بهم للابد وتخسرين *، لكن اذا ظنيتي ان ربي رح يستجيب فتاكدي تاكدي اجزملج جزم شديد بان رح يستجاب لج بطريقة احلا من خيالج ولا بعد بكرم خيالي *يعجز اللسان عن وصفه ،*
توسلي يا اختي في الله توسلي قاضي الحاجات ومجيب الدعوات ، توسلي الحييّ الكريم الذي يستحي ان يرد ايدينج صفر خائبتين ،*
توكلي علي ربج بقضا حاجتج وبس يوسوس ابليس قولي لروحج هالتساؤل : شلون اشك بربي واهو (( تعهد )) يستجيبلي مو باية ايات كثيرة وعود واضحة مباشرة !! كرريها حيل مع نفسج رح تلاقين روحج تلقائيا ما تقدرين تشكين بعد ورح تحسين بلذة التضرع لدرجة تتمنين من كثر ماتحسين بقرب الفرج ان يليت يطول هالهم اكثر !!*
ما اعظم ربي وما اعظم حنيته علينا حتي لمن يبلونا بهموم معقدة مركبة جدا ، يبي ينقينا من ذنوبنا وخطايانا لمصلحتنا وتالي يكافئنا بشي فوق الرضي بذمتكم شلون تيأسون من رب كريم عظيم مجيب تعهد بالاجابة و رحمن رحيم مايعجزه شي ولا اي مخلوق بالوجود يعجزه !!
كل وحدة ابيها من اليوم تفتح صفحة جديدة مع روحها وتحافظ علي تعبها باصلاح نفسها ولا تخرب علي روحها لمجرد انها انهارت !!
استمروا بالدعاء ورح تلقون الفرج استمروا بطرق الباب الي ان يفتحلكم ملك الملوك بابه و يالله اذا فتحلكم هالباب رح تنفتحلكم معاه ابواب وابواب ورزق وفضل ما تتخيله عقولكم البشرية الضعيفة !! مالت علي كل وحدة يائسة
*امانة بنات مابي لكم الا الفايدة و رجاء اخوي خالص لا تنسوني اليوم من دعواتكم بالثلث الاخير بندش فيه بعد دقايق ادعولي بتعجيل استجابة دعاء العضووة حضرية واجد عاجلا الي اهي انا والي انا اشوفه مستحيل بس بيقيني اهو شي تافه علي ربي تعالي وعلا ترا دعواتكم لي تعجل الاجابة حقي ولكم بالمثل باذن الله ، وقريب رح اجي اكتبلكم قصتي كاملة وكلشي سويته عشان ربي استجابلي دعوتي المستحيلة علي عقلي، *علشان محد يحس بياس بعد =)*
السلام عليكم ورحمة الله وبركاته*
