الي فيها غده وتبي تضعف تعالي خل اصدمج:(

[بحر الذكريات]

السلام عليكم

امس قعدت افرفر مع خويي قوقل ادور ريجيم لمرضى خمول الغده الدرقيه

وانصدمت ان في شغلات اشكثر ممنوعه علينا اولها الفواااااكه وعصير الفوااااكه بعد

واذا كللش كللش لازم 3 مرات بالاسبوع بس

ولادكتور من دكاترة التغذيه قال لي هالشغله>>>اللي يسمعني يقول مطيحه بالفواكه

بس جد والله

لما اسوي ريجيم يعطوني معاها فواكه وعصاير وطلع مايصلح

صح هالمعلومه؟؟؟

وشكرا

 

[LA TROO7]

طال عمرج اذا الجرعه اللي تاخذينها مضبوطه وزنج يصير مثل ماتبين

وعالفاكهه الحمدلله اني ماحبهاا ههههههههه

عند منو تراجعين ؟

 

[بحر الذكريات]

وعمرج ياقلبي نووورتي الموضوع وربي
الفواكه انا بعد يعني تمر شهور ما اكل عادي بس لما اسوي الريجيم تكون معاه فواكه والتزم مرات فاستغربت خصوصا عصير الفواكه اعوض قيه

وماراجعت عند دكتور غده ليلحين بس دكاترة النسا الي عطوني الحبوب والجرعه و ع الريجيم جربت دايت سنتر ودكتور اشرف بسي ام سي بس نزولي كان صعب وبطلت ريجيم
قلت قصة حياتي لووول

ناطره ردج ياقلبي *

 

[LA TROO7]

انا من راجعت عند الانصاري ولله الحمد صار وزني مثل مابي
ومحد قالي قبله ان فيني نقص فيتامين دال ومن التزمت بعلاجه فعلااااااااا كل شي تغير

نصيحه روحي له دكاترة النساء انا قبلج كل يوم معطيني جرعه غير

 

[عميمة]

منو الانصاري ؟

 

[عميمة]

بنات في تجمع حق الي فيهم غده ؟

ادا مافي خنسوي جون نفيد بعض بشي

 

[بحر الذكريات]

انا من راجعت عند الانصاري ولله الحمد صار وزني مثل مابي
ومحد قالي قبله ان فيني نقص فيتامين دال ومن التزمت بعلاجه فعلااااااااا كل شي تغير

نصيحه روحي له دكاترة النساء انا قبلج كل يوم معطيني جرعه غير

ماشاء الله الله يتمم عليج يارب بروح له ان شاء الله

بنات في تجمع حق الي فيهم غده ؟

ادا مافي خنسوي جون نفيد بعض بشي

هلا ياقلبي الانصاري دكتور للغدد جنه بحولي وفي تجمع بس من زمان ماشوف احد مشترك فيهتلقينه بقسم الصحه والطب جنه

 

[حلوة بس دبدوبة]

انا معااي خمول بالغده ..
سمعت ان عصير البرتقال اهو اللي مايخلي الوزن ينزل

شربي تفاح واناناس

 

[بحر الذكريات]

مشكووره ياقلبي ماقصرتي والله يشفيج ويشفينا يارب

 

[عميمة]

بنات انا سويت بحثت عن الاكل الممنوع لخمول الغده بالعربي والانجليزي ولقيت النتايج مختلفه

بالعربي ممنوع الفواكه وعصير الفواكه وخصوصا الرقي والبطيخ
بالانجليزي الفواكه ينصحون فيها

بالعربي ممنوع المكسرات
بالانجليزي ينصحون فيها

بالعربي ينصحون بالخضراوات
بالانجليزي ينصحون في بعض الخضراوات بس مثل الجزر

بالعربي يمنعون العيش (رز)
بالانجليزي ينصحون فيه

بالعربي يسمحون بالقهوه
بالانجليزي ممنوعه


هدي بعض الاشياء

يعني منو نصدق فيهم ؟

 

[بحر الذكريات]

عميمه اي والله منووو نصدق؟؟؟

مشكوووره ع البحث ياقلبي

 

[نورة 1425]

طيب انا عندي غده نشطه وانا اسوي رجيم مانزل وزني وستخدم حبوب التنحيف ماهو راضي ينزل وزني

 

[modern]

الي عندها الغدة صعب ينزلوزنها و اذا ينزل ببطء

 

[بحر الذكريات]

الله يعين بس وماعندي خبره ياعمري بس انا بروح دكتور متخصص بالغده ان شاء الله
ويعطيكم العافيه يارب

 

[دمعة بليا لمعة]

صح ..

انا امي الله يحفظها فيها خمول بالغدة

ولما راحت للدكتور قالها لا تاكلين فاكهة ولا العصاير بس خضرة مثل خس وجرجير و...و...و...

 

[بحر الذكريات]

مشكووره ع الافاده ياقلبي والله يحفظ امج ويخليها لج يارب