الي فيني صج مشكله او دلع؟

[خليفة العظماء]

السلااام عليييكم

شلووونكم


انا محتاره مادري وين احط موضوعي قلت بحطه هني

انا مازوجه وعندي ولد الحمدللله ماشاء الله وربي يرزق كل محرومه

انا قاعده بالبيت ماتوظفت انطر اتوظف المكان المناسب
بس مليييت مع اني مو فاضيه بنفس الوقت تعرفون طفل انا ماسكته24ساعه ينومني علي كيفه ويقعدني علي كيفه
مرات احس بظيقه مليت من هالروتين
وعندي رفيجاتي الله لايفرقنا وحده موظفه اكلمها بالفون متي مافظيت سوالفنا نزف بعض ونسب بعض هههه خوش رفيجاات
بس طبعا علي ضحك
ورفيجتي اهات الليل تعرفت عليها من المنتدي حبييبتي فديييتها بعد عمري صج الكل باعني الي اهيا توقف معاي بشدايد

مرات اعصب وابجي وزف ولدي مسكين مع ان صغير يعور قلبي
وكارها الخدامه احس جن ثقل علي قلبي بس زوجي مايبي يوديها مرات اقعد وقفل الغرفه علي خايفه منها مادري ليش

وزوجي كل تجيه نقزات بقلبه ويفز من نومه مره طلعت معاه وكنا من زماااان مو طالعين واحنا قاعدين ينط ممن الكرسي ويمسك قلبه اقول شفيييك يزفني يقول سكتي مافيني شي عادي
مرات احس ان راح يروح مني وقعد ابجي
ومو راضي يروح الطبيب يقول يقولون مافيني شي
ومن كثر ماني تعبانه نفسيا وماني لاقيه وقت لنفسي انتهز الفرص كل مانام ولدي اروح اركض المطبخ اكل احس اني اطلع حرتي بالاكل

ودي اداوم ونقبل بسرعه يمكن هالشي سببي ضيقتي
ادعولي اتوظف بسرعه


بنات هل هذي مشكله الي فيني او دلع؟

 

[دلع العتبان]

لادلع

قلتي محتاره حسيتج محتاره واصيح >>> كابوس يهدد كل عضوه

هههههههههههههههههههاااي

موفقه

 

[Om_Ksha]

اي والله كااابوووس


بالنسبه لالاخت يمكن من الفراغ توسوسين وتتهيئين بعض الامور

بنتي اب ايدي ولا جان كتبتلج رد علا راحتي

 

[خليفة العظماء]

هههههههه
مشكووووره

بس دايما احس بضيقه ودايما اشتكي من جسمي والحين بين
والحين بين فتره وفتره احس بخفقه بقلبي

 

[خليفة العظماء]

مشكووره ام كشه ماقصرتي
والله جتني ضيقه من الروتين

 

[دلع العتبان]

خاف عين يمعوده اقري على روحج وعليج بالبقره والله يوفقج

 

[بنت حظوظ]

ههههههههههه وانتوا كل موضوع تحشروني فيه

 

[خليفة العظماء]

يامعوده نص اهل القبور من العين

والله وحده تكرهني حيل وتبي تسبب مشاكل وتغار مني والغيره
تبين من عيونها كل ماتشوفني كاشنه تنقهر وتكشر بويهي
و والله العظيم انا ماسويت لها شي قاعده مسالمه مالي شغل بحد
حتي برمضان الناس صايمه اطالعني تكشر وتصد عني
جنها الياهل الحمدلله وشكر

 

[وردة-الكويت]

فيج وسواس تعوذي من شيطان وان شاءالله مافيج الا العافيه

 

[أم ميميتو]

حبيبتي هذا وسواس واذا انتي خايفه ودي الخدامه ليش مخليتعا عندج اذا مو مرتاحه بصراحه انا استغرب ليش الحريم صارو ما يستغنون عن الخدم شنو السبب ماني فاهمه حتى الي قاعده بالبيت ومو موظفه هم عندها خدامه حبيبتي يمكن صح كلامج انج تعبتي مجابله ولدج طول اليوم انا بعد احيانا احس اني تعبت وابي اغير جو تلقيني اخلي ولدي عند خالتي او امي ما يمديني اطلع نص ساعه و ارجع ما اقدر اخلي ولدي احس بالذنب

 

[خليفة العظماء]

صاجه ماقدر اخلي ولدي خلاص احس بذنب
وانا عندي خدامه عساس اذا توظفت اخلي ولدي عندها بس مابيها تجيسه بس مادري شفيه زوجي لاتودينها ماعندي فلوس اييب غيرها
وقول ماسوت لج شي خلاص
بس قلبي منقمت منها
ومن كثر ماني خايفه منها مدللتها كل شي اعطيها حتي دهن لكشختها اشتري لها
وحاسه انها تبوق بس ماني معطتها مجال ابدا بس هم يبوقون مصيبه

 

[خليفة العظماء]

واعوذ بالله من الوسواس الخناس

 

[روح مغليهاM]

ربي يحفظ رقي نفسك ولاتنسين سوره البقره واذكار الصباح والمساء

 

[خليفة العظماء]

( حسبنا الله سيؤتينا الله من فضله إنا إلى الله راغبون)
( حسبنا الله سيؤتينا الله من فضله إنا إلى الله راغبون)
( حسبنا الله سيؤتينا الله من فضله إنا إلى الله راغبون)
( حسبنا الله سيؤتينا الله من فضله إنا إلى الله راغبون)
( حسبنا الله سيؤتينا الله من فضله إنا إلى الله راغبون)
( حسبنا الله سيؤتينا الله من فضله إنا إلى الله راغبون)
( حسبنا الله سيؤتينا الله من فضله إنا إلى الله راغبون)

 

[خليفة العظماء]

مشكوووره حبيبتي

الله المستعان

 

[AL-DMERA]

لادلع

قلتي محتاره حسيتج محتاره واصيح >>> كابوس يهدد كل عضوه

هههههههههههههههههههاااي

موفقه

ههههههههههههههههههههههههههههه ,,
والله حتى آنا عبالي اهي :krkrkr:

 

[AL-DMERA]

صاحبة الموضوع ,,
ماعليه هذا من الروتين شغلي نفسج بشي مفيد وان شاء الله تتوظفين وتنحل مشكلتج ,,
موفقه ,,

 

[مياسه الحساسه]

تصدقين انا تجيني هالحاله ...ضيقه بدون سبب ونغزات في صدري
اسمعي الرقيه ودايم حصني نفسك

 

[خليفة العظماء]

الدميرا مافهمت رد الاخت الي بعد ماخذيت جوله بالقسم وعرفت بنت حظوظ هههه
لا سمله علي انا قديمه بالمنتدي
بس يتني فتره بعد لانشغالي


ومشكوره حبيبتي وروتين ممل

 

[خليفة العظماء]

تصدقين انا تجيني هالحاله ...ضيقه بدون سبب ونغزات في صدري
اسمعي الرقيه ودايم حصني نفسك

اي انا كل ضيقه ونغزات والم بالجسم وماحب اروح وقعد مع حريم ماعدا رفيجاتي وخواتي
وكل مالي خلللللق هاالشي يقث اهلي