الي عيالها بلحضانه الانقليزيه برميثيه تعالو كلكم

[عسل مرت قيمر]

قوه بنات


شلونكم

وشلون كتاكيتكم الحلوين



بنات اليوم سجلت ولدي واخيرا بلحضانه ويوم الاح راح يداوم اول يوم

اليوم شفت الحضانه والمنهج والصفوف وقابلت مس ايمان ههه

قالالي من وين عرفتي الحضانه

قلتلها كويتيات

جان تضحك


المهم عجبتني الحضانه ومس ايمان كانت حبوبه مع اليهال والطاقم هم زينين

المهن ارتحت لهم وطلعت كللمت ريلي قالي توكلي على الله ورديت لها سجلته وشريا الملابس



ولدي عمره سنه وسبع شهور


نسيت اي كلاس قالتلي



انا ادري ان غي تجمع حق الحضانه بس دورته مالقيته وقلت نجدد


من بعد اذن صاحبته الي اتذكره كان توقيعها اصفر هههه



يالله بنات تجاربكم ويومياتكم مع الحضانه وعيالكم وكل شي


نبي نعرف كل شي

 

[عسل مرت قيمر]

اشدعوه بنات وينكم

بس تشوفون وتطلعون

شتو طلعتو عيالكم من الحضانه ولا شنو


يالله عاد وينكم

شاركونه خلنستفيد

 

[queenbeeuty]

قصدك اللي بقطعة اربعة ؟
ادا كانت هي انا بنيتي فيها و خوووووووووووش حضانة جزاهم الله كل خير و مديرتهم روعة الحق ينقاااال

 

[M&Ms]

انا سامعه ان الحضانة وايد زينة بس جنه في لها فرع ثاني في بيان ودي اودي ولدي بس بعيدة عن بيتي

 

[عسل مرت قيمر]

ايي كوين بقطعه اربعه

ام اند امز

والله مادري جنه مالها فرع الا برميثيه

اول مره اسمع ان في بيان

 

[M&Ms]

عيل يمكن انا غلطانة انزين شلونها الحضانة انا يوم الاحد احتمال اروح اشوفها بس عندج فكرة جم اسعارهم وشلون نظامها عاد مس ايمان كانت ابلتي بالمدرسة وايد حبوية *

 

[عسل مرت قيمر]

ايي صح كلامج

انا سجلت ولدي امس


دفعت ٨٠ فتح ملف

و١١٠ التسجيل

مع الملابس وكل شي طلع علي ٢٣٠


وكل شهر تدفعين ١١٠

نظامها شهري مو بلكورس


تدرين انا من متى ادور حق ولدي


من زماااان وقريت كل ملاحظات وتجمعات البنات


واخر شي استقريت عليها


ورحتلها وعجبتني



روحي شوفيها يمكن تعجبج


قالتلي ان هلشهر ممكن تستقبل بس من الشهر الياي ماتقدر لان الحين الناس مسافره وبيردون وبيصير زحمه

 

[M&Ms]

انا الاحد بودي ولدي بس اخاف ادفعله وما يرضى يقعد اهوا وايد متعلق فيني ما تدرين اذا يسير اجربه جم يوم او ان يردولي فلوسي لاني مترددة لان الحضانة بعيدة عني انا ساكنة بالجابرية و دوامي بالديرة

 

[عسل مرت قيمر]

مادري اذا يصير تجربين بس من قوانينهم مايردون الفلوس

 

[احلى ديما]

حبيبتي الحضانه اللي تقصدينها بقطعه 12 اللي بقطعه 4 اسمه النموذجية انا يوم الاربعا بنتي اول يوم داومت فيه وتبين الصج,هستررررت ماتبي تروح بس هديتها وطلعت شسوي ابيها تتعود ولما رجعتلها لقيتها تبجي بعد لان الفلبينييه يايبتها لي وانا ادري انها ماتخلي احد غريب يشيلها ,,,الله يعينا لين تتعود

 

[عسل مرت قيمر]

احلى ديمه اييي صح عدل كلامج بقطعه ١٢ انا تخربطت


باجر اول يوم ولدي يداوم


بشوف شيسوي وانطباعاته وايي اقولكم

 

[صفاءء]

بنات ترى عادي لي اسبوع الياهل يمكن يبجي وفي بعضهم عيايره نفس العندنا بس تطلعون يسكتون ويلعبون

 

[cupcack]

أنا بعد سجلت بنتي وراح أداوم بعد جم يوم والله يستر لانها حيل متعلقه فيني و كله ابي ماما
أنا شفت الحضانه واااايد ارتحت لها اله كريم ويهدي عيالا

 

[touly]

تهبل تهبل تهبل حضانه حلوه ومس إيمان حلوه وكل شي حلو فيها ولدي دخلته فيها من كان عمره سنه واربع اشهر والحين حبيب الماما عمره سنتين وسبع اشهر العمر كله حياتي ولدي تعاملهم حلو يودون رحلات حسون حبيبي في قروبb4كل اربعاء او خميس توديهم رحلات إنجليزيهم قوي قوي كل الأحرف يقولهم عربي وانجليزي ياريت تاخذ لي الروضه جان اخليه وما اطلعه طبعا اول شهر استحملي بجي وحنه وصراخ بعدين يتعود الياهل تعرفين شنو اسم المغربية المتينه اللي معاها كل مره انسى اسمها

 

[love love]

بنتي كانت فيها

صج كانت تبجي لانه اول مره اوديها حضانه

بس تعلمت وحسيت بالفرق واهي كانت متاخره بالنطق اشوي

مس ايمان عجيييبه ووايد استفدت منها مع انه بنتي كانت بس شهر ونص عندهم


واعرف وايد مدخلين اعيالهم اهناك ومستفيدين بعد

 

[عسل مرت قيمر]

وااو بنات


الحمدلله الكل مدحها


يعني ارتاح واطمن على ولدي


حسافه عمر ولدي مايودون رحلات

 

[Q8_ButterFly]

السلااام بنات

انا فاتحه موضوع عن الحضانه وعيالي اثنينهم فيها والحمدلله حدي مرتاحه منها


و ولدي الحين عندهم يعتبر اولى روضه بس للاسف الشديد سجلتهم الحين بمدرسه ثانيه لانه لازم يدخل بروضه معترف فيها عشان يكمل بخاص ومس ايمان قالتلي اذا بيكملون بحكومه خليهم بس خاص ما ينفع والا انا حدي متحسفه اني بطلعهم وادري راح يقل مستواهم :eh_s(2):

 

[عسل مرت قيمر]

ايي انا قعد ادش تجمعج ياقلبي

وسويت هذا وماكنت شايفته


حسافه مدام كنتي مرتاحه


يالله ميخالف خيره


والله يكتب الي فيه الخير ويوفق عيالج يارب