الي عند هم عيال امتحانات وعيال عطلو!! شتسوون؟؟

[سمسميه]

مثل ماهو باين بالعنوان
الي عندها عيال صغار عطلو ويبون يسهرون وطلعات وشطانه اسم الله عليهم
وبنفس الوقت اخوانهم في وقت حرج للامتحانات ولازم نومتهم ووقتهم بحساب
انا شخصيا قاعده اعاني
قلبي قام يعورني
تكفون عطوني حل

 

[om al ghaleen]

والله مثلي
النوم مسيطره عليه الحمدالله
الدراسه ساعه وساعه لانه ماابي املل ولدي واحسسه انه غير اخوانه
مع انه يدري انه هذا فاينل مو غشمره
والصغار ابوهم ياخذهم معاه
اليوم اخذته ماكدونالدز وتعشى وبلشت ادرسه رياضيات
ساعه ونص ورجعت خليته يلعب ونام
وباجر نفس الشي واهو بسم الله متابع دروسه اول باول فمراجعه بس
اذا درسته برا البيت يستوعب اكثر لانه بالبيت كل شوي يطلب راحه اما برا فيضطر يقعد ساعه من غير لايتحجج
اليهال اللي عطلوا عطيهم قصص والوان او شغلي لهم ديفيدي
اهم شي النومه لازم الكل ينام ويقعد بساعه معينه *

 

[سمسميه]

اي والله اهم شي النومه
انا ميننيني اسم الله عليهم والله امس من العشر وانا احاول انومهم ماناموا الا وحده
ثيننوني
مسكره الليتات وماكو فايده يكركرون وبس اطلع من الدار يسولفون ويعلا الصوت
مادري شسوي احس اعصابي تلفانه قمت وايد اصرخ واهاوش وهذا مو طبعي والله بس ماني قادره اسيطر على الوضع

 

[<<لمار>>]

نفس الحالة مطفرني مايبي يدرس بسبة انة اخوة ماسك الايبد ويلعب وهذا ميت من القهر قمت اشجعة اي خصت بطلعك واخذوا عاد بالتشرط والطلبات ماسوت علي هالدراسة بس شسوي ابي اشجعة اهو اول سنة امتحانات فاينل وموعارف السالفة

 

[سمسميه]

هالياهال تمردوا الله يحفظهم

يلا عطونا حلول

 

[سوسن1980]

حاولي تشغلين الصغار اللي عطلوا باي شئ او طلعيهم برا يتمشون