الي عندها فكره عن كارتون نتوورك او بروي؟

[ام حمود@22]

السلام عليكم
لوسمحتوا اللي جربة وسوت حفله لعيالها في كارتون نتوورك او بروي تقولي تجربتها ويفضل بالتفصيل
واذا كنتوا ترشحون اماكن ثانيه اذكروها لي بليز؟
واذا عندكم افكار حلوه وفناتق حق حفله في البيت لحقوني فيها بليز؟
انشالله ناويه اسوي حفله حق تخرج بنتي من الروضه علشان يكون لها دافع حق السنه اليايه باذن الله بس موعارفه شسوي بالضبط لان اول مره بسوي حفله لها بس الشي الوحيد اللي ودي فيه ان تكون الحفله تنكريه اونس لها
شكرا مقدما

 

[ام حمود@22]

Up up up

 

[ام حمود@22]

Up up up

 

[hم حيدر]

اب انشالله البنات يفيدونج

وعقبال تخرجها من الجامعه ياااااااااااارب

 

[ام حمود@22]

الله يجبر بخاطرج ام حيدر الوحيده الي ردت علي حتى لو برفع

 

[ملاك ^ الحب]

شوفي انا اقولج عن بنتي شنو سويتلها

اول عيد ميلاد لها سويته بسرداب اختي وعزمت اهلنا كلهم وتقريبا 50 ياهل ويبت الفرقه الي ييون البيت يسوون مسابقات حق الكبار والصغار وتلوين على الويه و بالونات وبطعا كراسي كبار وصغار ملونين وايد حلوين واجرت نفيش وذره ويبت كراتين عشا معجنات والله الكل سالني عن الي يبتهم وايد استانسو الكبار والصغار وسوولي صوره بنتي على بنر على كبر الطوفه تهبل صارت وشخصيات والكيك سويت كب كيك حطيت صورتين حق بنتي على الكيك لان خذيت فانيليا وكاكاو من سابليه ويبت مصوره فيديو وفوتوغراف والله طلع العيد ميلاد عجيييييييب واجرت ستاند وقلت له يسويلي بالخشب رقم واحد عشان عمرها سنه وصبغه لي على لون نفنوها اوف وايت ووقلت له يسويلي فتحه من فوق الرقم عشان احط فيها الشمعه وصفيت الكب كيك كله على الستاند وخليت اخواني يدزونه واهي تمشي جدام وطبعا نفنوفها كان قمه في الروعه شوفي روحي النقره الجنوبي اول ماتصعدين بالسلم الكهربائي تمشين على اليمين ثاني محل على طول لان اول محل جنه عنده عبي انا على طول اخيط عندها وكلفني 30 دينار معاه كبوس والتراجي وسوار وعقد وخاتم وجوتي

بس انا اقولج شي هذي بنتي الوحيده ويبتها بعد 7 سنوات عشان جذي سويت كل هذا بس كلفني كله 500دينار تقريبا يعني الحفله كلها ومحد كان يدري اني بسوي جذي بس اختي لان تروح معاي

والله حسافه الحين ماعندي صور جان حطيت لج

هذا بالنسبه حق اول عيد ميلاد

وثاني سنه سويته بالبيت حجزت ن باسكن روبنز كور برد وكل واحد ياخذ قلاص برد وقلت بحط في كل قلاص شمعتين واخلي اليهال يمشون وراها بس للاف رحت وحجزل وكل شي لمن رحت استلم البرد قالي الورقه ضاعت وماجهزت شي انقهرت وانبطت جبدي ورحت الخباز شريت كيكه برد وسوينه عيد ميلاد عادي بس هم كان حلو

والحين بعد شهرين عيد ميلادها تكمل ثلاث سنوات قاعده افكر وقررت طبعا بالبيت بس ابي تفافيخ اشكال حلوه ومادري من اييبلها كيكه لان لي الحين اهي بنتي الوحيده واعطيها عيوني والله يخليها لي يارب


ادري وايد قرقت عليج بس انشالله اكون عطيتج افكار

واي استفسار دزيلي عالخاص

اي نسيت اقولج رقم الفرقه ضاع مني وايد طلبوه مني

 

[ام حمود@22]

مشكووووووووووووره واااااااايد ملاك الحب على هالقرقه الحلوه والمفيده
جان قرقتج جذيه عيل كثري منها (;
بس صج علقتيني بسالفة رقم الفرقه زين مو ذاكره اسمها؟ وبجم كانت؟ حاولي حبيبتي تيبينالي من احد خذاه منج قبل
او عطيني اسامي فرقه او شركه تنظم الحفلات مجربتها او شايفتها عند احد
ولو سمحتي اذا عندج فكره عن مكان حلو اسوي فيه وشنو برنامجه وبجم سعره؟
شفتي ان حتى انا قرقه (;

 

[ام حمود@22]

من كثر قرقتي نسيت اقولج الله يخليلج بنتج وتسوين لها عرسها وتعزميني عليه
ويارب الله يرزقج اخوان لها عاجلا ليس اجلا

 

[HaAaDoOol]

شوفي انا عيد ميلاد ولدي سويته بصالة يم الحديقه وحطيت بالصاله البالونات والككاو والحلو وسوالف اليهال هذي واي وسويت لهم مسابقات والعاب وحطيت اغاني ورقصم وانا عزمت عيال الجيران وعيال خواني وخواتي وكل اهلي واهل زوجي وخليت اخواني يلبسون ملابس رسوم متحركه يعني مثل بن تن والدايناصور وتوم وجيري وجذي وخليتهم يصورون معاهم كامرة فيديو وبعدين اول ماخلصت الحفله وزعت على كل ياهل كيس حلاو وككاو وخليتهم يلعبون بالحديقه عاااد انا استأجرت نطاطيات وديارف وزحلاقيات ولعبو ولعبو لييييييييمه داخو وراحو

هااا شرايج بالافكار انشالله اكون افدتج​