الي عندها خبره وفطينه مع الشغالات تساعدني

[مجرد اسم عابر]

بصراحه عجزت اسوي نظام للشغالات الي يجوني وان سويت نظام ورتبت الشغل انحاشوا مني:eh_s(16):


انا عندي اربع اطفال الله يخليهم لي واعمارهم فوق بعض اصغر عمره شهور والي قبله سنه ونص

يعني يبيلهم اهتمام ومداراه

المهم ابيكم تسوون لشغالاتي جدول يناسب بيتي و وضعي

عندي شغالتين

وانا ساكنه في دور واحد مكون من ثلاث غرف نوم وثلاث حمامات نستخدمهم وصاله وممر طويل

و ثلاث مجالس وغرفة طعام وحمامين للضيوف

بالاضافه للحوش

فيه وحده ابيها تهتم بعيالي بس اخاف اترك الشغل كله على الشغاله الثانيه ويكون كثير عليها وتنحاش <<< عقده :eh_s(16):

ودي اخلي لكل وحده شغل تسويه بالتساوي بس اخاف اظلم عيالي مدري احد فهم وش اقصد ولا لا

يعني وش رايكم اخلي وحده حق المطبخ وتنظيف الصاله والغسيل والكوي ومجالس الضيوف

والثانيه حق غرفنا وحق الحمامات كلها بالاضافه لعيالي تهتم فيهم وانا بالدوام

وش رايكم بتقسيم العمل؟؟

مرات اقول المطبخ الحاله يبيله جهد كفايه المطبخ مع الغسيل والكوي

طيب تنظيف البيت كله بيكون على الثانيه ..طيب وعيالي اخاف تهملهم على حساب التنظيف ولا تكون معصبه ومالها خلق تقابلهم :eh_s(10):



وربي محتاره حديييييي

تكفون ياكويتيات لاتخلوني ورتبو لي جدول متى يصحون وشغل كل وحده فيهم

والله لادعيلكم :yaaaaaarb:

 

[المقتصرة]

اعتقد تحتاجين واحده كمان معاهم للاطفال قط وقسمى الشغل بين الاثنين

 

[بكيزة هانم]

**م البركة ويكفون الاولى خلي عليها شغل المطبخ وتنظيف الصالة والمجالس
والثانية تمسك العيال وعليها غرف النوم وغسيل الملابس والكوي وترتيب الملابس
اتصور هذا عدل

 

[Shinexo]

حبيبتي تمسك عيالج حق الدوام بس انتي شغغلتج ؟

آلحوش مآيتنظف كل يوم خليه مره بآلآسبوع و آلثنتين يتسآعدون ,

آلمطبخ , وحده تطبخ و تقطع آلآكل ووحده تغسل آلموآعين و آلمطبخ

آلكوي و آلغسيل وحده تغسل ووحده تنشف و تكوي

غرفة نومج و حمآمج آنتي ترتبينهآ مب غيرج

آلصآله وآلمجلس على وحده و آلمجلسين آلبآقيين على آلثآنيه

غرفه و حمآم على وحده و غرفه و حمآم على آلثآنيه ,

آلممر عليهم ثنتينآتهم يوم هذي و يوم هذي

آليهآل مفروض آنتتي تتحملين مسؤوليتهم ,

تبين تآكلينهم , حزة آلغدا و آلعشآ يقعدون ع آلطآوله و يآكلون لآتقولين يهآل يتعودون آلآجآنب مب آحسن منآ ترى ,

يلعبون ف آلغرف عقب آلخدآمآت ترتب آلآغرآض ,

تسبحينهم جيبي آلنونو عند بآب آلحمآم بآلكرسي مآله وسبحي عيآلج

نصيحه لآتخلين آلخدآمه تجيس عيآلج آهتمي آنتي **هم

 

[Shinexo]

و غرفة آلطعآم عليهم ثنتينآهم و آلحمآم حق هآي وحده و هآي وحده < آعدلي بآلشغل لآتقطين كلهآ على وحده وتخف**ن ع آلثآنيه

 

[attoosh]

والله انا وضعي مقارب لوضعج عندي 3 يهال اثنين توام سنتين وواحد 8 شهور وعندي شغالتين وساكنه بدور شوفي انا طريقتي الصبح اهم يصحون الشغلات على السبع يريقون الجهال عقب الجهال يردون انامون اهم انظفون البيت قسم على وحده وقسم على الثانيه وحمامات اغسلونهم يوم وترك وبس والطباخ علي انا والجهال يصحون على العشر اكونون الخدم خلصو شغل البيت اجابلونهم ليما اجي من الدوام نتغدا وانريح الظهر كلنا والخدم يكوون الهدوم بهل الفتره ونصحى على 5 نقعد مع عيالنا الى 9 باليل يتعشون ونامون وخدم اخليهم يمشون واحنا اكثر الايام انا وزوجي ما نتعشى الا شي خفيف وبس الزبده الشغل خليه بينهم اثنينهم واليهال بعد لا اكونون على وحده يعني الفاضيه اجابلهم

 

[مجرد اسم عابر]

الله يجزاكم كل خير

ماقصرتوا حبايبي

 

[PuPa^^SWeeT]

شوفي لاتقطين خدامة بس عليها شغل اليهال و الثانية شغل البيت



لاا ثنتينهم يتساعدون


يعني الصبح يقعدون قبل قعدة اليهال

اتنظف الصالة اللي تحت و الحمامات و غرف اليهال اللي بالروضة و الابتدائي


بعديين اذا قعدو الصغار الاثنينة تاخذهم وحدة فيهم اتوكلهم و اتغسلهم


والثانية اتنظف غرفهم و غرفتج اذا اتحبين


بعديين وحدة فيهم اتسوي الغداا


اتردين انتي يزهبون السفرة و تاكلون ويا عيالج


اتخلصين تقعدين وياهم شوي اهم يتغدون و يغسلون المواعينن بعدين وحدة تستلم العيال


والثانية اتسبح اتخلص تمسك اليهال واتسبح الثانية بعديين اييون


وحدة اوتي و الثانية اتغسل بالغسالة


ووانتي اتجابلينهم




بعدين يسوون العشا


يوكلون اليهال و اتسوي عشاج ويا ريلج


وينامون و يخلصون


بالويك اند الحوش يتغسل

 

[Ranoon]

شلون دور واحد وفيه خدامتين !!!!!!!!!!!!!!!!!

مو كل يوم يتنظف وينمسح البيت ... مرة بالاسبوع

يكفي خدامة وحده تقعد مع اطفال ولما ترجعين غسيل وكوي وتمسكين عيالج انتي
وهي شغل شوي شوي تسويه

صراحه صعبة خدامتين في دور واحد !!

 

[Lady_q8]

انتي المفروض تجابلين عيالج مو الخدامه
طول مانتي موجوده انتي الي تجابلينهم من لبس و اكل و نظافه و تربيه
لاتخلينهم للخادمه
واذا انتي بالدوام دخليهم حضانه
هني راح يخف الشغل عليهم
و عيالج يتعلقون فيج انتي

 

[M!SS.LOBY]

يبي مربية للاطفال

وخدامة للشغل البيت

والطبخ عليج أنتي

 

[أغلى حبيبه]

والله غرييييب امرج دور واحد وخدامتين وينحاشون

انتي يعني ماتمدين ايدج بشي لا تنظيف غرفتج ولا طباخ ولا اتجابلين عيالج

الخدامه اذا شافت راعيه البيت مالها خلق شي ماراح تعطي من جهدها ابد

وعيالج صغار يبون حظنج واهتمامج مو حضن الخدامه

الله يعينج ويعين خدمج ويسخرهم لج

 

[M!Ss Smart]

يبيلج خدامه اتروح اداوم عنج وخدامه تسوق سيارتج !!!!! وتقولون الريال مو زين

 

[ليمون ونعناع]

الدين النصيحه و النصيحه لها اصول ليش تهاجمونها يمكن البنت غشيمه والدليل قاعد تستشيركم

اول شي يعطيج العافيه و الله يعينج ويعينا على تربيه عيالنا و تاديه الامانه الي اهي الاطفال

حاولي تقللين مسئوليه العيال عن الخدم وتخلينها مساعده تحت اشرافج وتحت عيونج
اهتمي زياده بعيالج وريلج ووقتج لهم ولج طبعا


التنظيف والطباخ والغسيل والكوي انتي وظروفج شنو يناسبج قسميه ٠ بس انا عندي الطباخ مو ضروري انا اما العيال مسئوليتي

داري و مكرمه حمامي محد يدشهم وينظفهم غيري حتى كبتي

ول ماتقدرين دخلي عيالج حضانه كل وحده وتقديرها يتعلمون ويتالفون مع الاطفال ويستفيدون خبرات

اانا عجبتني فكره سويت بوبا انههم يتساعدون بكل شي راح يصير شي سلس و مريح لكم كلكم و ما يتناجرون او يقارنون ان هذي شغلها اكثر او انا الشغل اكثر

وسعي الصدر مع الخدم و عامليهم بالحسنى بس شدي عليهم بالشغل وعطيهم ملاحظات اول باول و خلج حريصه

وانشالله لج ولنا الجنه

على التعب والتربيه وباجر تشوفين نتيجه تربيتج وتفتخرين فيها والحمدلله مو تقولين خدامه مربيه ماتعرف عاداتنا وتقاليدنا ولا عندها حنانج اللي ما يعوضه شي بالدنيا واحساسج و تعليمج وثقافتج عيالج محتاجينهم

سامحيني طولت عليج والله اعلم ان قصدي افيدج وبس

 

[ليمون ونعناع]

اللي فهمته ان انتي تبين وحده منهم للعيال بس اذا كنتي بالدوام وهذا الشي الاغلب يسوونه بس الافضل تدخلينهم حضانه

 

[ام يارا القمره]

يمكن الحرمه ماتفهم شوي شوي عليها

ليش شغلتين خلي شغالتك تسوي كل شي بالليل والصباح البيت نظيف ومايحتاج غسيل ولاشي
وهي عند عيالك تلاعبهم وتقعد معهم اذا جيتي من دوام خليها تنظف وتكرف وانتي اقعدي مع عيالك

وكثير من اطفال كبروا وتركوا امهاتهم وصارت عقوق لان الام ترمي كل شي على شغاله من اسمها شغاله تشتغل وبس
الله يعين اطفالنا علينا جايبينهم للعذاب مب ماخذينهم بسعه صدر

 

[كتالونيه]

امبيه شفيكم عليها
كيفها دام راضيه وزوجها راضي
ليش تنتقدونها
امبيه مااحب الي بس يعلقون
ساعدوها والا ارفعو الموضوع باي دعاء

 

[بحر الأشواق]

عجبتني طريقه تقسيم الشغل الي طرحتها PuPa^^SWeeT

 

[انصاريه قمره]

حبيبتي العيال مسؤوليتج بس وقت الدوام يجابلونهم وباجي الشغل قسميه بيناتهم

 

[PuPa^^SWeeT]

بعديين بنات شفيكم هبيتو فيها

دور ولا نص دور عندها اربع عيال


وين بتباشر ريلها ولا بتعتني بروحها

تحتاج ل ثنتين لازم


حتى حزة الزوارات تحتاج وحدة للكبار و وحدة للصغار


الله يهداكم عطونا نصيحة حلوة مو تطتنزون