الي عندها خبره بالغسالات التوماتيك تفضل

[رجـــاوي .. }]

مرحبا بنات شلونكم شخباركم

بنات بلييييز ابي غساله توماتيك ممتازه تعبت من الي عندي اغسل وماجني اغسل حتى الكومفورد ماتطلع ريحته ريحة الملابس ماجني حطيته وابي اشتري وحده جديد غير عن الي عندي الي عندي توها مالها الا 5 شهور

 

[شيــوخه]

انا اانصحج بغساله ال جي الييه

صج انها بون بخار بس حلوه

اتحطين شغلها كامل الصابون والمفورت وهي تغسل وتسبع وتحط الكمفورت اطلعهم لج بس شريهم

لانه تنشيفها مو ميه بلميه
اضن 70 %

 

[*ماي الورد*]

هوفر من جاشنمال اعتقد المانية

 

[أغلى حبيبه]

ال جي عجيييبه ماشاءالله

 

[رووح ابووها]

ال جي

 

[نووويرة]

ال جي حلوة بس اذا تبين ماركة زينة دايما اخذي الاوربي و اخذي تنشيف 100 % و اخذي حجمها كبير من 11 كيلو و فوق عشان تغسلين الكفرات فيها
و اخي الي فيها نظام الغسلة السريعة ( نص ساعة ) و الي فيها ايقاف مؤقت عشان اذا نسيتي تحطين شغلة توقفين الغسالة توقيف مؤقت و تشغلين من جديد

 

[رجـــاوي .. }]

المشكله مالتي ال جي 9 كيلو

 

[أغلى حبيبه]

شنو مشكله غسالتج

اخاف مو عارفه حق البرامج

انا ٧ كيلو بس ماشاءالله تهبل

 

[رجـــاوي .. }]

ماتنظف وماشم ريحة الصابون والكومفورد

صابوني تايد وكومفورد مركز جني مو حاطه شي

 

[تكفى يا حظ ركز]

والله أنا كانت عندي إل جي ٧ كيلو. من عرسي. والحين ماشاءالله كثرنا وصرنا عايله.
رحت شريت غساله من هيتاشي بس ماتفتح من النص لا من فوووق. أوتوماتيكيه تسوي كل شي من نفسها مالج شغل بشي وتشيل ١٢ كيلو حتى الكفرات أغسلهم فيها بس نفر. وتهبل شوي عليها. أحلى من إل جي. *

 

[الفـدعـه]

واي رجاوي مثل مشكلتي انا يمكن مااعرف استخدمها اللي تعرفون تقولنا شلون تستخدمونها فيدونا بنات

 

[فلافل وبطاط]

انا نفسكم قمت اخذ اريال وداوني الازرق ...
وعجيبه الريحه ...

يمكن كميتج ماتكفي غسيلج او مو عارفه لبرامجها ...

 

[راعية الطويلة]

بصراحة إنديست الإيطالية عجبتني

و تنشيفها 100%
و عموما الغسيل الأتوماتيك
ما يعطيج ريحة الكمفورت اللي تبينها

بالتوفيق

 

[ورود خذلتها العاصفه]

افضل تايد اريل وافضل منعم داوني الخفيف العلبه البنفسجيه


وانا غسالتي دايو غسيل
11كيلو وتجفيف 12 كيلو

واغسل ديباجات بونفرين وبطانيات ابو نفر ونص
وفيها نظام الغسيل السريع والتجفيف والتعقيم وغسيل جواتي رياضيه

وكل من جاني شافها وشرا مثلهابصراحه تنصغط لصديق


وامي مسميتها حرمه لحالها لان تسوي كل شي هالغساله *

 

[يـاسمينا]

افضل غسالتين وعن تجربه
فريجيدير و بوش غيرهم لاتاخذين

 

[*ماي الورد*]

انا غسالتي فريجيدير ماخذتها علا مدح الغانم
بس الصراحة ما تنظف الملابس عدل و ريلي متحلف فيها يبي يقطها
و ناوية اخذ هوفر

 

[رجـــاوي .. }]

مشكورين حبايبي ويعطيكم العافيه

 

[رحيل المرافيء]

على حسب غسالتج اخذي المنظف
اللي تعبأ من امام غير عن اللي تعبأ من فوووووق
يعني انا استخدم اومو مو شي بس اريال روعة
غيري الصابون
اختاري درجة الحرارة المناسبة اذا الهدوم وصخة لازم درجة عالية شوي وغسيل مركز
لاتكثرين ملابس

 

[" ام حمود "]

أب

أب

 

[شوكلاتة لزيزة]

سامسووووووووونج