الي عندها خبرة بخصوص تأخر الحمل عقب الطفل الاول؟؟

[om deaj]

السلام عليكم
حبيباتي الله يخليكم الي تعرف احد مجرب دكتورة او دكتور امراض نساء زينين يقولونلي اسمهم
ضروري خلال يومين عشان بروح اراجعهم عقب الدورة

ويفضل يكون بمستشفى لندن كلينك

 

[*ماي الورد*]

ما عرف احد بمستشفى لندن
بس فى عندج
د.فوزية القطان
د.ماجدة اليتامى
د.معصومة مقصيد

 

[النوري]

معصومه شاطره .. حيل بس ماديه حيل. .

أنا ما أحب النوعيه اللي جذي بس .. منحدين عليهم ..

 

[_ظل الياسمين _]

ربى يسهل امرك باذن الله.

 

[كويتيه مذهله 87]

مستشفي لندن ما ادري سمعت بنات يذمونه وايد


والله يسهل علاجج يارب ويرزقج هالشهر

 

[WaChoCha]

الله يرزقج ان شاء الله من اوسع ابوابه ويسهل امورج
انا ما عندي غير د. ناهض حمادية بالمواساة انصحج فيه لاني جربته

 

[جوري 2007]

بهواني شاطرة بمستشفى هادي

 

[om deaj]

مشكورين وايد بس انا خالتي بالسعودية تقولي روحي مستشفى لندن مادري منو فيها اعرف معصومة بس شلون مادية مو هي تسعيرة وحدة للكل ولا؟؟؟؟وعندي واسطة بدار الشفا بس م.لندن اقربلي انا بالمنطقة العاشرة

 

[ليال ليان نواره]

روحي لطيبه عند الدكتوره امل مو ماديه انا طولت على ماحملت والحين بنتي عمرها سنه وانا ماخذه عندها كورس كلوميد وابر

 

[bint_al8omar]

ماعندي فكره والله يرزقج يارب اخو او اخت لولدج ويخليه لج يارب

 

[دلوعت مودها]

دكتور باترك
اذا ماني غلطانه اهو بمستشفى لندن عالج رفيجت امي واااااااااايد شاطر عقب ما لفت كل الدكاتره والحريم الحين عندها ولد سوالها طفل انابيب لانها رابطه انابيبها والحين بتسوي مره ثانيه,,,,,,الله يرزقج ويرزقنا آمين ,,,,

 

[om deaj]

مشكورين وايد وجاري البحث عن تجارب