الي عندها خبرة بالماركات العالمية للجنط ادش وتفيدني

[منت رايق]

السلام بنات
انا قبل جم يوم شريت جنطة للعيد بس كنت مترددة لان اول مرة اسمع عن هالماركة مو معناها اني انا ماعرف الماركات بالعكس لبسي وجناطي ماركة بس هالمرة شريت جنطة ماركتها ماسمعت عنها اهبا ( كلوي ) من مجمع زهرة كان عليها تنزيلات من محل توباز اهيا راقية بس بسالكم شلون ماركة حلوة لان الي شجعني اشتريها الي يبيع يقول اهيا من الماركات الكبيرة حيل ومعروفة وقديمة والي عجبني ان ما في منها تقليد مو نفس الماركات الثانية يطلعون عليها تقليد ومو اي احد يلبسها
انتو شرايكم سامعين عنها ادري بتقولون انتي شريتيها خلاص بس ابي رايكم بالماركة وشكرااا

 

[كوكو لاتي]

اي حبيبتي كلوي معروفه وحلوه وراقيه عليج بألف عافيه

 

[منت رايق]

مشكورة حبيبتي كوكو انا مستانسة اني خذيتها بالتنزيلات

 

[منت رايق]

وينكم بنااات

 

[<miss botamba>]

معروفه كلوي من زمان

خنشوف اي موديل

 

[زهره الجلنار]

حبيبتي كلوي معروفه ومنو قالج انه مافي منها تقليد قلدوها وايد بس الماركه راقيه حتى لوتقلدت عليج بالعافيه وتتهنين فيها يارب

 

[منت رايق]

مشكورين حبايبي

 

[سحر البشر]

بالعكس كلوي حيل معروفة وحلوة وبجم خذيتيها واي موديل خلينا نستفيد

 

[منت رايق]

حبيبتي سحر البشر انا ما سالت اي موديل بس كانت اخر حبة واهيا من ضمن الدسكاوند كانت بثلاثمية وشوي ومع التنزيلات صارت 161 دينار بس الموديل والله ماعرف يس شكلها حييل ذرب ولونها لحمي غامج هذا الي انا ابيه لان بدلتي لونها غريب وجلدها يلمع

 

[منت رايق]

على فكرة اخر حبة مو نفس الموديل لا قالي اخر موديل من جناط كلوي لان سالتة عندك كلوي بس موديل ثاني قالي لا لان عندنا ماركات ثانية بس هذي اخر حبة هالجنطة من كلوي ومن هالموديل وهذا الي خلاني اشتريها

 

[سحر البشر]

عليج بالعافية وعسى الله يهنيج فيها

 

[أمواج البحر]

معروفه هالماركه وفعلا حلوه

بس ترى لها تقليد للاسف

وعليج بالف عافيه يارب

 

[دكتوره دلال]

رد : الي عندها خبرة بالماركات العالمية للجنط ادش وتفيدني

بالعكس حبوبه كلوييي معرووفه


وعليج بألف عاافيه ,,
عيدج مبارك ..

 

[الجــادل]

رد : الي عندها خبرة بالماركات العالمية للجنط ادش وتفيدني

معروفه كلوي

وعليج بالعافيه

 

[حجيه هيونه]

عليج بالف عافيه وكلوي ماركه معروفه

 

[احب الكاكاو]

حبيبتي بالغعافية فعلا كلوي من الشنط الراقية والمميزة وانتتي بشيلتج لها راح تميزينها وتحلينهااااااا
الف عافية عليج

 

[منت رايق]

مشكووورين صج ريحتوني ما ادري شفيني هالايام اتردد من البس شي بس مشكورين وعيدكم مبارك

 

[ريـمان]

رد : الي عندها خبرة بالماركات العالمية للجنط ادش وتفيدني

كلوي ماركه معروفه وحتى العطر من هل الماركه عجييييييييب

 

[haninoooo]

اي عدل كلامج انا رحتلهم بمجمع زهره وكانو فعلا مسوين دسكاونت
ولا تحاتين حبيبتي هالماركه من اروع الماركات وبالنسبه لي احبهاااااا حيل صراحه وماركه مميزه وحلوه وراقيه

وترا العطر النسائي والرجالي من نفس الماركه عجييييييييييب

انا ريلي يشتري عطرها واذا خلص يشتري الثاني علي طول والله قبل لا يخلص الاول

عليج بالعافيه وانتي اللي بتحلينها بشيلتها

 

[بنت السليل]

الف مبروك عليج الماركه هذي معروفه وراقيه
بعدين مع الهبه الحين كله كلوي تتهنين فيها