الي عندها جاكوار تتفضل ...

[مفرفشة ومنعنشة]

السلام عليكم
شلونكم بنات
انا ان شاء الله ناوية اشتري سيارة
ولما خذيت فرة عالسيارات
شفت الجاكوار واعجبتني
بصراحة اهي السيارة الوحيدة الي دشت خاطري

وبما اني ما اعرف عنها اي شي
حبيت اسأل الخبيرات بالجاكوار
شلون استخدام السيارة
المكيف بارد ولا اي كلام
خراباتها وايد ولا لأ

 

[نمله ذربه]

والله اختي الكبيره كان عندها جاكوار بس ما عجبتها سنتين وباعتها

 

[انوار87]

قوه
انا عندي جاكوار من 5 سنين, انا ماسوق مسافات وادير بالي بالطريج والحمدلله من خذيتها لي قبل سنه كل شي تمام
بس صارلي حادث جايد ومن يومها ماترقعت
اهيا حلوه وخفيفه وسواقتها سلسه ومكيفها زين
يقولون خراباتها وايد بس انا قلتلج ماحاشتني هالخرابات الا عقب الحادث
وعيبها ان الصراحه قطع الغيار نار
بس شوفي انا الصراحه لو يرد فيني الزمن اشتري لكزس لان اللكزس هم كشخه بس على الاقل فيها ميزيتين احسن من الجاكوار
قطع الغيار ارخص ومتوفره واذا نويتي تبيعينها مايطيح سعرها
اما الجاكوار عادي شاريتها ب15 الف وتبيعينها ب 2 بس

 

[مفرفشة ومنعنشة]

امممممم
يعني ماتنصحوني فيها
انزين اقترحوا علي شنو اشتري ؟؟؟

 

[om mido]

سيارتي جاكوار
سياقتها حلوه والتكييف بارد وتحسينها سياره فخمه
وبما ان صارلي تقريبا سبع اشهر من ماخذتها فليلحين ما شفت فيها عيب

اختي عندها جاكوار بعد صارلها يمكن اربع سنين والسياره من احسن ما يكون ما اشتكت منها ولا من خراباتها

 

[& ام خالد &]

أذا أنتي بتاخذينها من الوكاله ومايهمج السعر ؟؟ وراح تستخدمينها طول فتره كفالتها ؟؟؟

أخذي جاكوار ...لكن وقت بيعها بيطيح ثلثين سعرها ....

أما إذا بتبيعينها بعد كم سنه عليج بلكزس لأن وقت البيع سعرها فيها مايطيح ...

وقطع غيارها متوفره ورخيصه عكس الجاكوار ...

طبعا الجاكوار إذا من الوكاله ما راح تخرب معاج ان شاء الله وراح تكمل معاج لين وقت الكفاله

عكس المستعمله ....جني طولتها ..هههههه

والله يوفقج ...​