الي عندها اكثر من طفل وما عندها خدامه تدخل

[أم ميميتو]

يعطيكم العافيه امهات شلونكم
انا عندي ولد اسم الله عليه بكمب ثلاث سنين
وانا الحين حامل بالشهر الرابع بس بنات احس
اني للحين مو مستوعبه شلون بكون الوضع تعودت
نكون انا و زوجي و ولدي وبس مادري شلون بكون الوضع
اذا صار عندي اثنين خصوصا اني مجابله ولدي اغلب الوقت
ما افارقه إلا وقت الحضانه و مستحيل افكر اييب خدامه بالبيت

 

[نبرمان]

الله يعينج

راح يزيد عليج الشغل

راح تهملين نفسج غصبن عليج .. كله مجابلتهم ومجابله غسيل هدوم وكوي ووو شتسوين
ريلج له حق در بالج لا يحس بالاهمال..انتي ريحي عمرج ويبي خدامه

حمدي ربج انتي مو موظفه يعني عاادي اتيبين خدامه ماراح يكون في خوف منها لانج مجابلتها ماتطلعين من البيت وتخلين عيالج وياها

 

[مشتطـه]

لازم خدامة

لا تكاببرون وتسوون نفسكم حريم سنعات زيادة عن اللزوم


حبيبتي حريم اول ماعندهم خدم لان ما عندهم مناسبات وطلعات وروحات وردات
ماعندهم كشخه ولبس واغراء للزوج


مسكينة من المطبخ لغرفة النوم بريحة طباخها وبدراعتها


الحين الوضع اختلف لازم المرا تهتم تجابل زوجها

مو 24 ساعه مطبخ
وغسيل وكوي ؟


وطفلين بتطلع لج قرون

الخدامة شر لابد منه ولازم تساعدج

والا تححملي اهمالج لزوجج وارهاق وتعب وحالة نفسية

 

[شانيل نمبر 5]

لازم خادمه
تعاااااالي شوفي حمواتي 4اطفال مع 4 خادمات
تقول انا اجهز لبس البيبي واجهز الخادمه معها...لوووووول
علي فكره ازوجهم يموتون عليهم

 

[ام كدو]

الخادمه شي اساسي بالبيت خاصه اذا البيت كبير
يمكن انت شقه واول طفل تحسين مالها لزمه بس اذا عندج دوام والتزامات

وزوارات لازم خدامه

 

[ناتشوو]

شعورج طبيعي
بس اذا الله سخرها لج
وشافت شغلها
بتتحسفين
انج ماجبتيها من قبل

وبعدين هي ماراح تكون معاج بنفس الغرفة
لا
يا بالمطبخ تنظف
ياتغسل ملابس
يا تكويها
فدايما مو جدام عينج
فترة الصبح
خليها للتنظيف الشامل
ولا تتركين قد ماتقدرين
مسؤولية العيال عليها
خليها تدري في احد فوقها
بالعكس اذا كانت زينة
بتحسينها ذراعج اليمين
كافي تشيل عنج شغل البيت
اذا بتطبخين
ماتحاتين المطبخ
ونظافته عقبج
الملابس كل يوم غسيل وكوي
تلقينهم جاهزة
بس لبسي وقطي
حتى العيال بكون لج مزاج تقابلينهم
وتسهرين معاهم
واخيرا
لو بغيتي مشوار بدونهم
ماتحسين بتأنيب الضمير
لي حطيتيهم عند امج
لان معاهم خادمة تنظف وتلاحقهم
الله يعطيج خيرها ويكفيج شرها

 

[ام رينـاد]

حبيبتي لاااااازم خدامه لااااااااازم

راح تتعبين حيل اسمالله عليج صدقيني

لان وضعج راح يختلف

وراح تيبين مولود ويبيله عنايه خاااصه
وهذا غير شغل البيت وولدج بو3 سنوات

نصيحه ييبي خدامه وارتااااحي​

 

[نور دنياه]

بتتعبيين لازم تجيبين خدامه ، على الاقل تشيل عنج المطبخ والكوي والغسيل، باجر لي يبتي الياهل مابتقدرين تنامين ساعتين على بعضهم شلون بتقومين تطبخين ولا تنظفين ولاتجابلين ولدج الي راد من الحضانه ولا ريلج! لاتكابرين

على الاقل انتي بالبيت مجابلتها يعني ضامنه مابتسوي لبيتج شي شتقولين عنا احنا الموظفات نروح ويدنا على قلوبنا

 

[ليمون ونعناع]

تقدرين تصمدين بالبدايه بدون خادمه
بس يتراوالي اذا بدا البيبي يحبي ويتحرك راح تتوهقين وتحسين وقتج يضيق عليج وتحتاجين مساعده بالاوتي والتنظيف

الله يهون عليج ويقومج بالسلامه ويخلي لج وليدج

 

[c a t w o m a n]

الله يعينج ويسهل عليج

من الآخر لازم تيبينلج خادمه وييبها الحين عشان تتعود عليج و تقيمينها من الحين

 

[قلب زوجي وولدي]

أنا عندي ٢ بدون خدامه بس صج تعب وأنا أبي خدامه بس حظي كل ما أقدم علي وحده تطلع فيها عله بس جد جد جد
تعب وإرهاق والنوم تنسينه طلعه انسي سهره مع زوجج
بمزاج وعالراحه ومرتاحين البال انسوااااااا بصراحه واحد
غير ٢نهائي كل شي راح يزيد دبل اذا بقعد أجابل العيال
والبيت والمطبخ والغسيل والاوتي عيل متي أجابل نفسي
وأجابل زوجي علي الاقل الخادمه تقابل البيت والمطبخ
والغسيل والام العيال جذي وايد بيكون أريح نصيحة
لا تعيشين تجربتي مااااااسأه حتي زوجج بيمل لانه
ما عندج وقت له

 

[زوجة حياتي]

أنا مثلج عندي بنت والحين حامل وما عندي خداااامة

صرااااحة تعب مؤ طبيعي بس ما أبي خدامة اخااااف منهم الله يعيناااا ياااارب قولي لي. شنو طريقتج في تنظيف البيت والاهتمام بالعيال وبنفسج وريلج

 

[M!SS.LOBY]

الله يعينج

حطي لج خدامة تشيل شغل البيت وراح تصيرين فاضية ولدج وريلج والمولود الصغير بذن الله

 

[أم يزيد &سديم&]

الله يعينج

راح يزيد عليج الشغل

راح تهملين نفسج غصبن عليج .. كله مجابلتهم ومجابله غسيل هدوم وكوي ووو شتسوين
ريلج له حق در بالج لا يحس بالاهمال..انتي ريحي عمرج ويبي خدامه

حمدي ربج انتي مو موظفه يعني عاادي اتيبين خدامه ماراح يكون في خوف منها لانج مجابلتها ماتطلعين من البيت وتخلين عيالج وياها

أنا مو موظفة وعندي ثلاثة وفوق كذا ساكنة عند أهلي مؤقت ولا عندنا خدامة وفوق عيالي أخواني كلهم صغار بالابتدائي بس مع التعاون كل شيء يصير مرتب
حتى أبوي له دور
والكوي والغسيل مرتين بالاسبوع بس
والطباخ سهل
والتنظيف على خفيف ويوم بالاسبوع تنظيف شامل ولا جيبي خدامة باليومي يا كثرهم
وترى في الحركة بركة

 

[فل و جوري]

مااعتقد راح تحتاجين خدامه لان ولدك عمره زين موصغير كثير يعني مايحاج رضاعه واعتقد استقل عن الحفاضه
يعني راح تتفرغين للبيبي الجديد
انا جبت شغاله مؤقته وما ارتحت بوجودها
وانت جيبي شغاله مؤقته وجربي الوضع ادا اعجبك يمكن انت غير

 

[om.aboodi]

انا وسوست وغسلت ايدي من الخدم صج تعب بس لو افكر ايب مستحيييييييييييل حق عيالي ليبها تنضف تساعد اي بس عيالي ماتقرب لهم ابببببببببببببببببببد اهي للمساعده مو تربي