صورة تعبيريه
مشكلة الهيشان مشكلة تاعبه غالب البنات لان غالب شعر المصررين الكيرياتين الطبيعى فيه قليل والزيوت الطبيعيه بتاعته قليلة فبيبقى مجعد او هايش
ودى مشكلة بنحاول نلاقيلها حلول وبنتعب جدا من الوصفات مع العلم ان كتر الوصفات على الشعر بيضعف الشعرايه
طيب وازاى نقضى على مشكلة الهيشان اللى بتظهر اكتر فى الصيف مع الرطوبه ؟
وصفة بسيطة جدا وعن تجارب لناس كتير استخدموها اى نوع بلسم عندك بس ياريت يكون حاجة نضيفه وتجيبى بطرمان فاضى وتملى نصه بلسم ونصه عسل نحل ااااااايوة عسل نحل البلسم مع عسل النحل قاضى تماما على الهيشان وهتلاحظى من اول استخدام
طب احط قد ايه على شعرى من الخلطة دى ؟
على حسب طول شعرك بس يكون الشعر كله متغطى بالبلسم والعسل
طب اغسله بعد قد ايه ؟
اقل حاجة ساعه لو سبتيه ساعتين تلاته مش هيضر بالعكس هينفع
طب هو الماسك دا بيعمل ايه فى الشعر
البلسم دوره انه بيفتح الشعرايه عشان يطلع الزيوت اللى فيها وتحسى بالنعومة فاحنا بنفتح الشعرايه بالبلسم بس مش عشان ناخد منها زيت لا عشان ندخلها عسل
والعسل فوائدة معروفه مش محتاجة اذكرها كلنا طبعا عارفينها ولو اى فتوكة جميلة عندها استفسار انا فى خدمتكم دايما
