الي سوت فحص طبي وتستخدم حبوب الروكوتان تتفضل

[تبطي عظم!]

حيـآآكم
















صـبآح / مسـآء الخـيـر
ع الجـميـع



:blueSmCLR:




السلام عليكم بنوتاتـ شلوونكم..


بختصار شديد

اليوم سويت الفحص الطبي وانا الحين قاعده استخدم حبوب الروكوتان لحب الشباب صارلي شهر ونص

تتوقعون يأثر ع النتايج لاني نسيت ابلغهم اني استخدمها من الارتباك..!!:s141:

ومنو سوت الفحص واهي تاكل هذي الحبوب ..!!

ومشكوورين حبيباتي

 

[shooosh_s]

حبيبتي التحاليل مالها شل بهالحبوب .. التحاليل لاكتشاف الامراض الوراثيه بالدم والامراض المعديه فقط ..

الروكوتان راح يأثر بالحمل يعني لازم اتابعين مع دكتوره امراض نسا قبل ما تحملين لانه يسبب تشوهات للجنين ..

انا استخدمته اسبوع وبس انخطبت هديتهم .. مع اني قبل سنه كنت ماخذتهم بس عاد الحين ما ينفع اخذهم

 

[تبطي عظم!]

مشكوره ياقلبي ع الرد

ريحتيني بس خوفج يحددون العرس مبجر

وانا ماخلصت كورس الروكوتان

صرااحه حيل ارتحت عليهم وماودي اتركهم قبل ما اخلص الكورس

انا الحين خلصت شهر ونص وباقيلي 3 شهور ونص

 

[shooosh_s]

حبيبتي خليهم احسنلج والله بعد الزواج الحبوب كلها راح تخف بسبب تغير الهرمونات ..

والعفووو يا اختي

 

[تبطي عظم!]

بخليهم اذا حددو العرس وامري لله

بس اذا ماحددوه بستمر ع العلاج لان نتايجه فضيعه

وفعلا الحبوب راحت للابد من البنات الي استخدموه

ادري الهرمونات ياقلبي تتغي بس مو بكل الاحوال تخف الحبوب

اذا انا اصلا بشرتي دهنيه..!! وجافه صوب الخدود

انا الحبوب عندي مو واجد بسما احب اشوف وجهي فيه حبه وحده اتضايق ومزاجي يتعكر هههه

والحبوب هذي حلت مشكلتي الحمد لله بشوف شنويصير بعد الفحص ان حددو العرس مبجر تركتهم

واذا لأ بكمل الكورس..

 

[shooosh_s]

الله يوفقج ان شاء الله

 

[ام خدود ورديه]

هلا حبيبتي
انا كنت نتفسج بالظبط سويت الفحص وماقلتلهم عن الحبوب والحمدالله اطلعت النتيجه اوكي ماأثرت الحبوب بشي
وانا ملجت 19-4 وقطعتهم على طول كنت مخلصه 3 اشهر رحت حق دكتورتي اللي عطتني اياهم قالتلي قطعيهم 3 ا شهر بعدين حملي وفي بنات قالولي لأ 6 اشهر وانا حدي محتاره بس شكلي بنطر 6 اشهر احتياط
وموفقه ياقلبي

 

[تبطي عظم!]

الله يوفقج ان شاء الله

وياج حبيبتي

:hjy5jewf:

 

[تـوشآ بـوشآ]

الحبوب ماالهم شغل نهائيا بالتحاليل

ونصييييحه كملي الكورس لان النتااايج فضيييعه

 

[تبطي عظم!]

هلا حبيبتي
انا كنت نتفسج بالظبط سويت الفحص وماقلتلهم عن الحبوب والحمدالله اطلعت النتيجه اوكي ماأثرت الحبوب بشي
وانا ملجت 19-4 وقطعتهم على طول كنت مخلصه 3 اشهر رحت حق دكتورتي اللي عطتني اياهم قالتلي قطعيهم 3 ا شهر بعدين حملي وفي بنات قالولي لأ 6 اشهر وانا حدي محتاره بس شكلي بنطر 6 اشهر احتياط
وموفقه ياقلبي

هلا فيج

انزين لما قطعتيهم شنو صا ردت الحبوب تطلع لج ولالأ....؟

لان شكلي اذا ملجت بقطعهم اخاف تأثر اذا حملت علطول الا اذا العرس مطول بخليهم وبتركهم قبل العرس

بـشهر..

 

[تبطي عظم!]

توشا بوشا

ودي اكمل بس هالقرار بخليه بعد مايحددون العرس

بشوف اخليهم او استمر على حسب المده اا طويله بستمر اذا قصيره

بتركهم شسوي بعد اهم شيء سلامة البيبي.. هههه << سابقه الاحداث هههه

ومشكوره حبيبتي

 

[ام خدود ورديه]

ماتغير فيني شي الحبوب ما اثرت فيني بال 3 اشهر الا عالخفيف والحبوب اللي راحت ماردت الحمدالله

 

[ركووزه]

للرفع